ଇଂଲିଶ୍‌ ନୁହେଁ, ଓଡ଼ିଆରେ ଆସିବ ବିଦ୍ୟୁତ୍‌ ବିଲ୍‌

ନୟାଗଡ଼ ଅଫିସ,୭।୪: ବିଦ୍ୟୁତ୍‌ ଗ୍ରାହକଙ୍କ ପାଇଁ ଖୁସି ଖବର । ଏଣିକି ବିଦ୍ୟୁତ୍‌ ବିଲ୍‌ ଆଉ ଇଂଲିଶରେ ନ ଆସି ଓଡିଆରେ ଗ୍ରାହକଙ୍କ ପାଖକୁ ଆସିବ । ବିଦ୍ୟୁତ୍‌ ସଂଯୋଗ ବିଚ୍ଛିନ୍ନ ହେବାକୁ ଥିଲେ ଲାଲ ରଙ୍ଗରେ ଲେଖା ଥାଇ ନୋଟିସ୍‌ ଆସିବ। ଏହି ନୋଟିସ୍‌ ବିଦ୍ୟୁତ୍‌ ବିଲ୍‌ରେ ରହିବ । ନୋଟିସ୍‌ ପାଇବା ପରେ ଦେୟ ନ ଦେଲେ ବିଦ୍ୟୁତ୍‌ ସଂଯୋଗ ବିଚ୍ଛିନ୍ନ କରାଯିବ। ବିନା ନୋଟିସ୍‌ରେ ଆଉ ବିଦ୍ୟୁତ୍‌ ସଂଯୋଗ ବିଚ୍ଛିନ୍ନ କରାଯିବ ନାହିଁ । ସେହିପରି ଅଘୋଷିତ ବିଦ୍ୟୁତ୍‌ କାଟ କରାଯିବ ନାହିଁ। ବିଦ୍ୟୁତ୍‌ ସରଞ୍ଜାମ ମରାମତି ଅଥବା ଯେ କୌଣସି କାରଣରୁ ବିଦ୍ୟୁତ୍‌ କାଟ ପୂର୍ବରୁ ଡାକବାଜି ଯନ୍ତ୍ରରେ ପ୍ରଚାର କରାଯିବ । ବିଦ୍ୟୁତ୍‌ କାଟ୍‌ କେତେ ସମୟ ହେବ ସେନେଇ ଉପଭୋକ୍ତାଙ୍କୁ ଜଣାଇ ଦିଆଯିବ। ସେହିଭଳି ମାସର ନିର୍ଦ୍ଦିଷ୍ଟ ତାରିଖରେ ମିଟର ରିଡିଂ ନିଆଯିବ । ଯେଉଁମାନେ ମିଟର ରିଡିଂ ଓ ବିଦ୍ୟୁତ୍‌ ଦେୟ ଆଦାୟ କରିବାକୁ ବିଦ୍ୟୁତ୍‌ ଗ୍ରାହକଙ୍କ ଘରକୁ ଯିବେ ସମ୍ପୃକ୍ତ କର୍ମଚାରୀମାନେ ବେକରେ ଆଇ କାର୍ଡ ପକାଇ ଯିବେ ବୋଲି ବିଦ୍ୟୁତ୍‌ ବିଭାଗ ପକ୍ଷରୁ ଗୁୁରୁବାର ଗଣମାଧ୍ୟମ ପ୍ରତିନିଧି ସମ୍ମୁଖରେ କୁହାଯାଇଛି । ଆର୍ଥିକ ଓ ମାନସିକ ନିର୍ଯାତନାରୁ ରକ୍ଷା ପାଇଁ ଜିଲା ସଦର ମହକୁମାରେ ଗଢ଼ି ଉଠିଥିବା ବିଦ୍ୟୁତ୍‌ ଉପଭୋକ୍ତା ସଂଘ ଗୁରୁବାର ଟିପିଏସ୍‌ଓଡିଏଲର ନୟାଗଡ଼ ନିର୍ବାହୀ ଯନ୍ତ୍ରୀ ସନ୍ତୋଷ କୁମାର ମହାପାତ୍ରଙ୍କୁ ଭେଟି ଆଲୋଚନା କରିବା ପରେ ବିଦ୍ୟୁତ୍‌ ବିଭାଗରେ ପରିବର୍ତ୍ତନର ଆଭାସ ମିଳିଛି । ଏହାକୁ ଖୁବ୍‌ଶୀଘ୍ର ଲାଗୁ କରାଯିବାକୁ ନିର୍ବାହୀ ଯନ୍ତ୍ରୀ ବିଦ୍ୟୁତ୍‌୍‌ ଉପଭୋକ୍ତା କମିଟି ଓ ଗଣମାଧ୍ୟମର ପ୍ରତିନିଧିଙ୍କୁ ସୂଚନା ଦେଇଛନ୍ତି।

ନୟାଗଡ଼ ଜିଲାରେ ବିଦ୍ୟୁତ୍‌ ବିଭାଗରେ ଅବ୍ୟବସ୍ଥା ଓ ମନମାନୀ ବଢ଼ିବା ପରେ ବିଦ୍ୟୁତ୍‌ ଉପଭୋକ୍ତାମାନେ ଏକ କମିଟି ଗଠନ କରି ପରିବର୍ତ୍ତନ ଆଣିବାକୁ ଉଦ୍ୟମ ଆରମ୍ଭ କରିଛନ୍ତି । ଜିଲାସ୍ତରରେ ଗଢ଼ି ଉଠିଥିବା ଏହି କମିଟିର ନାମ ନୟାଗଡ଼ ଜିଲା ବିଦ୍ୟୁତ୍‌ ଉପଭୋକ୍ତା ସଂଘ ରଖା ଯାଇଛି । ଏହାର କର୍ମକର୍ତ୍ତା ମନୋନୀତ ହେବା ସହ ବାରମ୍ବାର ବୈଠକ ବସି କେଉଁ ଦାବି ବିଦ୍ୟୁତ୍‌ ବିଭାଗକୁ ଅବଗତ କରାଯିବ ସେନେଇ ମତାମତ ନିଆଯାଇଥିଲା । ଏହି ଅବସରରେ ବୁଧବାର ଏକ ଖବରଦାତା ସମ୍ମିଳନୀ କରାଯାଇ ବିଦ୍ୟୁତ୍‌ ବିଭାଗର ମନମାନୀ ବିରୋଧରେ କୁହାଯାଇଥିଲା। ଗୁରୁବାର ବିଦ୍ୟୁତ୍‌ ଉପଭୋକ୍ତା ସଂଘ ବିଦ୍ୟୁତ୍‌ ନିର୍ବାହୀ ଯନ୍ତ୍ରୀଙ୍କୁ ଭେଟି ୫ଦଫା ଦାବି ପତ୍ର ଦେବାକୁ ନିଷ୍ପତ୍ତି ନେଇଥିଲେ । ଗୁରୁବାର ନିର୍ବାହୀ ଯନ୍ତ୍ରୀଙ୍କୁ ଭେଟି ଅଘୋଷିତ ପାୱାର କାଟ, ଇଂରାଜୀ ମାସର ଏକ ନିର୍ଦ୍ଦିଷ୍ଟ ତାରିଖରେ ମିଟର ରିଡିଂ ବ୍ୟବସ୍ଥା, ବିଦ୍ୟୁତ୍‌ ବିଚ୍ଛନ୍ନ ପୂର୍ବରୁ ଆଗୁଆ ନୋଟିସ୍‌, ବିଦ୍ୟୁତ୍‌ ବିଲ୍‌କୁ ଓଡ଼ିଆରେ କରିବା, ପାୱାର କାଟ୍‌ ପୂର୍ବରୁ ଡାକବାଜି ଯନ୍ତ୍ରରେ ପ୍ରଚାର କରିବା, ମଟିର ରିଡିଂ ଓ ଦେୟ ଆଦାୟ ସମୟରେ ବିଦ୍ୟୁତ୍‌ କର୍ମଚାରୀ ଆଇ କାର୍ଡ ପକାଇ ଯିବା ପରି ଦାବି ରଖି ସ୍ମାରକପତ୍ର ପ୍ରଦାନ କରାଯାଇଥିଲା । ତେବେ ନିର୍ବାହୀଯନ୍ତ୍ରୀ ୫ ଦଫା ଦାବିରୁ ୪ ଦାବି ପୂରଣ କରିଥିବାବେଳେ ଆଉ ଏକ ଦାବି ପୂରଣ କରି ପାରିବେ ନାହିଁ କହିଥିଲେ । ନୟାଗଡ଼ ବିଦ୍ୟୁତ୍‌ ଉପଭୋକ୍ତା ସଂଘର ସଭାପତି ଅବଦୁଲ ଆରିଫ ଖାନ, ସମ୍ପାଦକ ବିମଳ ପଟ୍ଟନାୟକ, ଧୀରେନ୍‌ ପଟ୍ଟନାୟକ, ଗଣମାଧ୍ୟମର ପ୍ରତିନିଧମାନେ ନିର୍ବାହୀଯନ୍ତ୍ରୀଙ୍କ ସହ ଆଲୋଚନା କରିଥିଲେ । ଏନେଇ ବିଦ୍ୟୁତ୍‌ ବିଭାଗର ନିର୍ବାହୀ ଯନ୍ତ୍ରୀ ମହାପାତ୍ର କୁହନ୍ତି, ୫ ଦଫା ଦାବିରୁ ଓଡିଆରେ ବିଦ୍ୟୁତ୍‌ ବିଲ୍‌ ଆସିବା, ବିଦ୍ୟୁତ୍‌ କାଟ ପୂର୍ବରୁ ନୋଟିସ୍‌ ଦେବା, ପାୱାର କାଟ୍‌ ପୂର୍ବରୁ ଡାକବାଜି ଯନ୍ତ୍ରରେ ଦ୍ୱାରା ପ୍ରଚାର କରିବା, ମିଟର ରିଡିଂ ଓ ଦେୟ ଆଦାୟ ବେଳେ କର୍ମଚାରୀ ପରିଚୟ ପତ୍ର ପକାଇ ଯିବା ପରି ୪ଟି ଦାବି ପୂରଣ କରାଯାଇଛି । ତେବେ ଏମ୍‌ଫସି, କଷ୍ଟ ଚାର୍ଜ ଓ ଇଡି ଚାର୍ଜ ପରି ସମସ୍ୟା ଆମେ ସମାଧାନ କରି ପାରିବୁ ନାହିଁ । ବିଦ୍ୟୁତ୍‌ ଉପଭୋକ୍ତା ସଂଘର ସମ୍ପାଦକ ବିମଳ ପଟ୍ଟନାୟକ କୁହନ୍ତି, ନିର୍ବାହୀ ଯନ୍ତ୍ରୀ ୫ ଦାବିରୁ ୪ ଦାବି ପୂରଣ କରିଛନ୍ତି । ଅନ୍ୟ ଦାବି ଆମେ ସରକାର ଓ ଉଚ୍ଚ ପଦସ୍ଥ ଅଧିକାରୀଙ୍କୁ ଅବଗତ କରାଇ ସମାଧାନ କରାଇବାକୁ ପଦକ୍ଷେପ ନେବୁ ।


Enter your email to get our daily news in your inbox.

All Right Reserved By Dharitri.Com

ଆସିଲା ୨୦୩୫ ପର୍ଯ୍ୟନ୍ତ ପ୍ରମୁଖ ଇଭେଣ୍ଟର କାର୍ଯ୍ୟସୂଚୀ: ଜାଣନ୍ତୁ ଭାରତରେ ହେବ କେଉଁ ସବୁ ବଡ଼ ଇଭେଣ୍ଟ

ନୂଆଦିଲ୍ଲୀ,୧୫।୧୧: ଅନ୍ତର୍ଜାତୀୟ କ୍ରିକେଟ ପରିଷଦ(ଆଇସିସି) ୨୦୩୫ ପର୍ଯ୍ୟନ୍ତ ଏହାର ପ୍ରମୁଖ ପୁରୁଷ ଇଭେଣ୍ଟ କାର୍ଯ୍ୟସୂଚୀକୁ ମଞ୍ଜୁରୀ ପ୍ରଦାନ କରିଛି। ଏଥିସହିତ ପରବର୍ତ୍ତୀ ୩ ବୃହତ୍‌ ଇଭେଣ୍ଟ ଯଥା…

୧୦ କୋଟି ଟଙ୍କାରୁ ଅଧିକ ମୂଲ୍ୟ ଥିବା ପାଞ୍ଚ ଜଣ ଖେଳାଳିଙ୍କୁ ଦଳରୁ ମୁକ୍ତ କରାଯାଇପାରେ; ଆସନ୍ତାକାଲି ଆସିବ ଆଇପିଏଲ (IPL) ୨୦୨୭ ପାଇଁ ରିଟେନସନ ତାଲିକା

ନୂଆଦିଲ୍ଲୀ,୧୬।୧୧: IPL 2027 ପାଇଁ ସମସ୍ତ ଦଳର ରିଟେନସନ ତାଲିକା ନଭେମ୍ବର ୧୭ରେ ପ୍ରକାଶ ପାଇବ। ହାର୍ଦ୍ଦିକ ପାଣ୍ଡ୍ୟା ଏବଂ ରିଷଭ ପନ୍ତଙ୍କ ପରି ପ୍ରମୁଖ ଖେଳାଳିମାନେ…

ପୂର୍ବତନ ପ୍ରଧାନ ଶିକ୍ଷକଙ୍କୁ ଝୁରୁଛି ଗାଁ ମାଟି: ଶିକ୍ଷକତା ପରେ କାହଁକି ନେଲେ ଏଭଳି ଚରମ ନିଷ୍ପତ୍ତି

ବରୀ, ୧୬।୧୧ (ମହେନ୍ଦ୍ର ସ୍ୱାଇଁ): ବରୀ ଶିକ୍ଷାମଣ୍ଡଳ ଅନ୍ତର୍ଗତ ଅରଙ୍ଗାବାଦ ପ୍ରକଳ୍ପ ପ୍ରାଥମିକ ବିଦ୍ୟାଳୟର ପୂର୍ବତନ ପ୍ରଧାନ ଶିକ୍ଷକ ସୁରେନ୍ଦ୍ର ପ୍ରଧାନଙ୍କ ମୃତ୍ୟୁ ଘଟିଛି। ପାରିବାରିକ କଳହକୁ…

୧୩ ଛକା, ୮ଚୌକା ଇତିହାସ ରଚିଲେ ରଜତ ପାଟିଦାର, ୧୩୫ ରନ କରି କଲେ ବଡ଼ ରେକର୍ଡ

ନୂଆଦିଲ୍ଲୀ,୧୬।୧୧: ନିଜର ବିସ୍ଫୋରକ ବ୍ୟାଟିଂ ପାଇଁ ଜଣାଶୁଣା ରଜତ ପାଟିଦାର, ଗତ କିଛି ବର୍ଷ ମଧ୍ୟରେ ଆଇପିଏଲ (IPL) ରେ ନିଜକୁ ଅନ୍ୟତମ ବିପଜ୍ଜନକ ମଧ୍ୟକ୍ରମ ବ୍ୟାଟର…

କିୱି ମାଟିରେ ଭାରତର କଡ଼ା ପରୀକ୍ଷା, ୧୫ ମିମି ଘାସ…

ନୂଆଦିଲ୍ଲୀ,୧୬।୧୧: ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ନଭେମ୍ବର ୧୯ ତାରିଖରୁ ୱେଲିଂଟନ୍‌ର ଐତିହାସିକ ବେସିନ୍‌ ରିଜର୍ଭ ଷ୍ଟାଡିୟମ୍‌ରେ ଆରମ୍ଭ ହେବ ପ୍ରଥମ ଟେଷ୍ଟ ମ୍ୟାଚ୍‌ । ଏହି…

କାର୍ତ୍ତିକ ମାସର ତୃତୀୟ ସୋମବାରରେ ବଟେଶ୍ୱର ଶୈବପୀଠରେ ୫୦ ହଜାରରୁ ଊର୍ଦ୍ଧ୍ୱ ଶ୍ରଦ୍ଧାଳୁଙ୍କ ସମାଗମ: ପାଣି ପାଇଁ ଡହଳବିକଳ ହେଲେ….

ଗଞ୍ଜାମ,୧୬/୧୧ (ବିଦ୍ୟାଧର ସାହୁ): ପବିତ୍ର କାର୍ତ୍ତିକ ମାସର ତୃତୀୟ ସୋମବାର ଅବସରରେ ଗଞ୍ଜାମ ବ୍ଲକ୍‌ ଅନ୍ତର୍ଗତ ପାଳିବନ୍ଧ ପଞ୍ଚାୟତର କଣ୍ଟିଆଗଡ଼ସ୍ଥିତ ପ୍ରସିଦ୍ଧ ବଟେଶ୍ୱର ଶୈବପୀଠରେ ୫୦ ହଜାରରୁ…

ନିର୍ବାଚନ ମଇଦାନକୁ ଓହ୍ଲାଇବ CJP? ଅଭିଜିତ ଦୀପକେ ଗଠନ କଲେ ଟିମ୍‌

ନୂଆଦିଲ୍ଲୀ,୧୬।୧୧: ୨୦୨୭ ଉତ୍ତର ପ୍ରଦେଶ ବିଧାନସଭା ନିର୍ବାଚନ ପୂର୍ବରୁ, ଯେତେବେଳେ ବିଭିନ୍ନ ରାଜନୈତିକ ଦଳ ନିର୍ବାଚନ ପାଇଁ ପ୍ରସ୍ତୁତି ଚଳାଇଛନ୍ତି, ସେହି ସମୟରେ ଅଭିଜିତ ଦୀପକେଙ୍କ ଦ୍ୱାରା…

କିଡ୍‌ନୀ ଖରାପ ହେଲେ ଶରୀରରେ ଦେଖାଦିଏ ଏସବୁ ସମସ୍ୟା, କରନ୍ତୁ ନାହିଁ ଅଣଦେଖା

କିଡ୍‌ନୀ ଏପରି ଏକ ଅଙ୍ଗ ଯାହାର କାର୍ଯ୍ୟ ଅକ୍ଷମତା ଅନେକ ଡେରିରେ ଜଣାପଡ଼େ। ଅଙ୍ଗଟି ପ୍ରାୟ ୮୦-୯୦ ଶତାଂଶ ଅକ୍ଷମ ନ ହୋଇପଡ଼ିବାର ପୂର୍ବ ପର୍ଯ୍ୟନ୍ତ ରୋଗୀକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?