ଗଞ୍ଜାମ,୧୪।୪(ବିଦ୍ୟାଧର ସାହୁ ): ପ୍ରବଳ ଗ୍ରୀଷ୍ମ ପ୍ରବାହ ସତେ ଡହ ଡହ ଖରାରେ ଦାମୋଦର ପୁରସ୍ଥିତ ମା’ ଦକ୍ଷିଣ କାଳୀ ମନ୍ଦିରରେ ମେରୁସଂକ୍ରାନ୍ତି ଦେଖିବାକୁ ଭକ୍ତ ମାନଙ୍କ ଭିଡ଼ ଜମି ଥିଲା। ପ୍ରବଳ ଖରା ଓ ଭକ୍ତଙ୍କ ଭିଡ଼କୁ ଆଖି ଆଗରେ ରଖି ସ୍ବେଚ୍ଛାସେବୀ ସୁଧୀର କୁମାର ପାଢ଼ୀ ତତ୍ୱାବଧାନରେ ଦହି ଓ ନବାତ ପଣା ବଣ୍ଟନ କରାଯାଇଥିଲା l ମନୋଜ କୁମାର ପ୍ରଧାନ, ବିଭୁତି ପଲାଇ, ଏଲେୟା ରେଡି, ଆକାଶ ଗୌଡ଼,ବାପୁନି ପଣ୍ଡା, ସୁଦର୍ଶନ ପଣ୍ଡା, ନୀଳା ଗୌଡ଼,ଅରୁଣ ଗୌଡ଼, ନୀଳାଞ୍ଚଳ ଗୌଡ଼, ପ୍ରଶାନ୍ତ ପାଢ଼ୀ ପ୍ରମୁଖ ଉପସ୍ଥିତ ରହି ପଣା ବଣ୍ଟନରେ ସହଯୋଗ କରିଥିଲେ l ୨୧ ଦିନ ଧରି ଚାଲିଥିବା ମା’ ଦଣ୍ଡକାଳୀଙ୍କ ପର୍ବ ମେରୁ ଯାତ୍ରା ଶାନ୍ତି ଶୃଙ୍ଖଳାର ଶହ ସମ୍ପର୍ଣ ହୋଇଛି l ସେହିପରି ଚୌଧୁରୀ ସାହି ଦଣ୍ଡ ଯାତ୍ରା ମଧ୍ୟ ସୋମବାର ଉଦଯାପିତ ହୋଇଛି। ସାନ ବଜାର ଠାରୁ ମା’ଙ୍କ ମଦିର ପର୍ଯ୍ୟନ୍ତ ଶହ ଶହ ଭକ୍ତଙ୍କ ଲମ୍ବା ଲାଇନ ଦେଖିବାକୁ ମିଳିଥିଲା l
