ବର୍ମାରେ ଗଣତନ୍ତ୍ରର ମୃତ୍ୟୁ

ମ୍ୟାନ୍‌ମାର(ବର୍ମା)ର ଗଣତନ୍ତ୍ର ସପକ୍ଷବାଦୀ ନେତ୍ରୀ ଅଙ୍ଗ୍‌ ସାନ୍‌ ସୁ ଚୀଙ୍କୁ ସେଠାକାର ମିଲିଟାରୀ ଶାସକ ଦୁଇଟି ଘଟଣାରେ ୬ ଡିସେମ୍ବରରେ ୪ ବର୍ଷ ଜେଲ ଦଣ୍ଡାଦେଶ ଦେଇଥିଲେ। ପରବର୍ତ୍ତୀ ସମୟରେ ଜୁଣ୍ଟା ମୁଖ୍ୟ ଦଣ୍ଡାଦେଶକୁ ଦୁଇବର୍ଷ କୋହଳ କରିଦେଇଛନ୍ତି। ଉଲ୍ଲେଖଯୋଗ୍ୟ ଯେ, ସୁ ଚୀଙ୍କ ବିରୋଧରେ ଆହୁରି ଅନେକ ମାମଲା ବିଚାରାଧୀନ ରହିଛି। ସାମରିକ ଜୁଣ୍ଟା ବିରୋଧରେ ଉତ୍ତେଜନାପୂର୍ଣ୍ଣ ଭାଷଣ ଦେବା ଓ କୋଭିଡ୍‌ ପ୍ରୋଟୋକଲ ଭାଙ୍ଗିବା ଅଭିଯୋଗରେ ତାଙ୍କ ବିରୋଧରେ ଏପରି କଠୋର ଆଇନଗତ ଶୁଣାଣି କରାଯାଇଛି। ତାଙ୍କ ଦଳ ନ୍ୟାଶନାଲ ଲିଗ୍‌ ଫର୍‌ ଡେମୋକ୍ରାସି (ଏନ୍‌ଏଲ୍‌ଡି) ୨୦୨୦ ନଭେମ୍ବରରେ ନିର୍ବାଚନ ଜିତିଥିଲେ ମଧ୍ୟ ୧ ଫେବୃୟାରୀ ୨୦୨୧ରେ ସାମରିକ ଶକ୍ତି ବ୍ୟବହାର କରାଯାଇ ତାହାକୁ ରଦ୍ଦ କରି ଦିଆଯାଇଥିଲା। ଏହାର ପ୍ରତିବାଦରେ ସୁ ଚୀ ଯେଉଁ ଭାଷଣ ଦେଇଥିଲେ ତାହା ବିଦ୍ୱେଷ ସୃଷ୍ଟିକାରୀ ବୋଲି ମିଲିଟାରୀ ଜୁଣ୍ଟା ବିଚାର କରିଥିଲା। ସେହିପରି ନିର୍ବାଚନ ସଭାରେ ସେ ମାସ୍କ ପିନ୍ଧି ନ ଥିବା ଓ କୋଭିଡ୍‌ ନିୟମାବଳୀ ପାଳନ କରି ନ ଥିବାରୁ ଦଣ୍ଡିତ କରାଯାଇଛି ବୋଲି ରାୟରେ କୁହାଯାଇଛି। କିନ୍ତୁ ସୁ ଚୀ ସର୍ବଦା ମାସ୍କ ପିନ୍ଧିଥିବା ଦେଖାଯାଉଥିବାରୁ ମିଲିଟାରୀ ଜୁଣ୍ଟା ଗଣତନ୍ତ୍ରକୁ ଫେରାଇ ନ ଆଣିବା ଲକ୍ଷ୍ୟରେ ଏଭଳି ନିଷ୍ପତ୍ତି ନେଇଥିବା ଏନ୍‌ଏଲ୍‌ଡି ପକ୍ଷରୁ କୁହାଯାଇଛି।
ମ୍ୟାନ୍‌ମାରରେ ଗଣତନ୍ତ୍ର ପ୍ରତିଷ୍ଠା କରିବା ଲକ୍ଷ୍ୟ ନେଇ ସୁ ଚୀ ଜୀବନବ୍ୟାପୀ ଯେଉଁ ସଂଗ୍ରାମ କରିଛନ୍ତି ତାହା ବିଶ୍ୱବାସୀ ଜାଣିଛନ୍ତି ଓ ସେଥିପାଇଁ ତାଙ୍କୁ ଶାନ୍ତି କ୍ଷେତ୍ରରେ ନୋବେଲ ପୁରସ୍କାର ମିଳିଛି। ତାଙ୍କ ଦଳ କ୍ଷମତାକୁ ଆସିବା ଦ୍ୱାରା ଗଣତନ୍ତ୍ର ସୁଦୃଢ଼ ହୋଇଆସୁଥିଲା। ହେଲେ ସାମରିକ କର୍ତ୍ତୃପକ୍ଷଙ୍କୁ ତାହା ଅଡ଼ୁଆ ଲାଗିବାରୁ ସୁ କୀଙ୍କ ବିରୋଧରେ ଷଡ଼ଯନ୍ତ୍ର କରାଗଲା। ଦେଶର ନାଗରିକ ଗଣତନ୍ତ୍ର ଚାହୁଁଥିବା ବେଳେ ସାମରିକ ଶାସନ ଜାରି ହେବାରୁ ଦେଶ ଭିତରେ ଜନଅସନ୍ତୋଷ ଲାଗି ରହିଛି। ଜନସାଧାରଣଙ୍କ ଅସନ୍ତୋଷକୁ ସୁ ଚୀଙ୍କ ଦ୍ୱାରା ଏକଜୁଟ କରି ଦିଆଯାଇପାରେ ବୋଲି ଆଶଙ୍କା କରି ମିଲିଟାରୀ ଜୁଣ୍ଟା ଏଭଳି ପଦକ୍ଷେପ ନେଇଥିବା ସନ୍ଦେହ କରାଯାଉଛି।
ସୁ ଚୀଙ୍କୁ ଦଣ୍ଡିତ କରାଯିବା ଘଟଣାକୁ ଅନ୍ତର୍ଜାତୀୟ ସମୁଦାୟ ନିନ୍ଦା କରିଛନ୍ତି। କିନ୍ତୁ ବାସ୍ତବ କ୍ଷେତ୍ରରେ କୌଣସି ବୃହତ୍‌ ବିକଶିତ ରାଷ୍ଟ୍ର ସେଠାରେ ରାଜନୈତିକ ସ୍ଥିରତା ବଜାୟ ରଖିବା ଲାଗି ପଦକ୍ଷେପ ନେଉଥିବା ଭଳି ମନେ ହେଉନାହିଁ। ଚାଇନା-ମ୍ୟାନ୍‌ମାର ଅର୍ଥନୈତିକ କରିଡରରେ ଚାଇନା ପୁଞ୍ଜି ବିନିଯୋଗ କରିଛି ଓ ଜୁଣ୍ଟା ପ୍ରତି ସମର୍ଥନ ରହିଥିବାରୁ ମ୍ୟାନ୍‌ମାର ବିରୋଧରେ ପ୍ରତିବନ୍ଧକ ଲଗାଇବାକୁ ଦେବ ନାହିଁ ବୋଲି ସ୍ପଷ୍ଟ ଦିଶୁଛି। ସେହିଭଳି ଆମେରିକା ଭଳି ଶକ୍ତିଶାଳୀ ଦେଶ ନୀରବତା ଅବଲମ୍ବନ କରୁଥିବା ଦେଖିବାକୁ ମିଳୁଛି। ଚଳିତବର୍ଷ ଫେବୃୟାରୀରେ ସାମରିକ ସରକାର ପ୍ରତିଷ୍ଠା ହେବା ପରେ ଗଣତନ୍ତ୍ର ସପକ୍ଷବାଦୀଙ୍କ ବିରୋଧରେ ହିଂସା ବଢ଼ିଚାଲିଛି। ଜାତିସଂଘ ଏସବୁ ଦେଖୁଥିଲେ ମଧ୍ୟ କଠୋର ପଦକ୍ଷେପ ନେଇପାରୁନାହିଁ। କେବଳ ଚେତାବନୀ ଦେଇଛି ଯେ, ସାମରିକ ସରକାର ହିଂସା ବନ୍ଦ କରି ଗଣତନ୍ତ୍ର ପ୍ରତିଷ୍ଠା ଦିଗରେ କାର୍ଯ୍ୟ ନ କଲେ ମ୍ୟାନ୍‌ମାର ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଆଉଁସିଲା ଭଳି ଏପରି ଚେତାବନୀ ମିଲିଟାରୀ ଜୁଣ୍ଟାକୁ କାଟୁ କରି ନ ଥିବା ପ୍ରତୀୟମାନ ହେଉଛି। ଏଥିସହିତ ଭାରତ ସରକାର ମଧ୍ୟ ଗଣତାନ୍ତ୍ରିକ ଶକ୍ତି ଅପେକ୍ଷା ବର୍ମାର ମିଲିଟାରୀ ଜୁଣ୍ଟାକୁ ସମର୍ଥନ କରୁଥିବାର ସବୁ ଲକ୍ଷଣ ଦେଖିବାକୁ ମିଳୁଛି। କାରଣ ଉତ୍ତର-ପୂର୍ବାଞ୍ଚଳରେ ଶାନ୍ତି ବଜାୟ ରଖିବାକୁ ହେଲେ ମିଲିଟାରୀ ସହ ସମ୍ପର୍କ ଭଲ ରଖିବାକୁ ପଡ଼ିବ ବୋଲି ମୋଦି ସରକାର ଧରି ନେଇଛନ୍ତି। ଉଲ୍ଲେଖ କରାଯାଇପାରେ ଯେ, ଭାରତ ଓ ବର୍ମା ମଧ୍ୟରେ ୧,୬୪୩ କିଲୋମିଟର ଲମ୍ବା ସୀମା ରହିଛି। ସେଥିପାଇଁ ଭାରତ ତା’ର ଉତ୍ତର-ପୂର୍ବାଞ୍ଚଳରେ ଅସ୍ଥିରତା ସମ୍ଭାଳିବା ପାଇଁ ବର୍ମା ମିଲିଟାରୀ ସହିତ ସୁସମ୍ପର୍କ ରଖିବାକୁ ବ୍ୟଗ୍ର। ବିଶ୍ୱର ଶକ୍ତିଶାଳୀ ଦେଶ ଓ ସର୍ବଉପରେ ଜାତିସଂଘ ମ୍ୟାନ୍‌ମାରରେ ସୃଷ୍ଟି ହୋଇଥିବା ବିଶୃଙ୍ଖଳାକୁ ସଜାଡ଼ିବାରେ ନିଘା ଦେଉ ନ ଥିବାରୁ ସେଠାକୁ ନିକଟ ଭବିଷ୍ୟତରେ ଗଣତନ୍ତ୍ର ଫେରିବ ବୋଲି ଆଶା କରାଯାଇପାରୁ ନାହିଁ।


Enter your email to get our daily news in your inbox.

All Right Reserved By Dharitri.Com

ଏଇ ଭାରତରେ

ଅବସର ପରେ ସେବାରେ ଲାଗିଛନ୍ତି ମହାରାଷ୍ଟ୍ରର ପ୍ରାଧ୍ୟାପକ ଅଶୋକ ସୋନାଓ୍ବାନେ। ନାସିକର ଏକ ଘରୋଇ କଲେଜ କେଟିଏଚ୍‌ଏମ୍‌ରୁ ୨୦୧୭ରେ ଅବସର ନେବା ପରେ ସେ ସୁନ୍ନାର...

ଇଏ ଦୁର୍ବଳ, ସିଏ ସବଳ

କେନ୍ଦ୍ର ସଡ଼କ ଓ ପରିବହନ ମନ୍ତ୍ରୀ ନୀତିନ ଗଡକରୀ ମୁମ୍ବାଇଠାରେ ଏକ କାର୍ଯ୍ୟକ୍ରମରେ କହିଛନ୍ତି ଯେ, ଭାରତୀୟ ଗଣତନ୍ତ୍ର ପାଇଁ ଏକ ଶକ୍ତିଶାଳୀ କଂଗ୍ରେସ ପାର୍ଟି...

ଏଇ ଭାରତରେ

ଖାଦ୍ୟାଭାବ, ବିଶ୍ୱତାପନ ତଥା ଜଳବାୟୁ ପରିବର୍ତ୍ତନ ଜୀବଜଗତକୁ ପ୍ରଭାବିତ କରୁଛି। ବହୁ ବିରଳ ପ୍ରଜାତିର ଜୀବ ଲୋପ ପାଇଯାଉଛନ୍ତି। ଏଭଳି ଜୀବଙ୍କ ମଧ୍ୟରେ ସବୁଠୁ ଛୋଟ...

ଏଇ ଭାରତରେ

ପୁନର୍ଜନ୍ମକୁ ନେଇ ବିଜ୍ଞାନ ଭିନ୍ନମତ ପୋଷଣ କରୁଥିବା ବେଳେ ଡେରାଡୁନର ଶୁକ୍ଳାପୁରର ଲୋକମାନେ ଏହା ଉପରେ ବିଶ୍ୱାସ ରଖିଛନ୍ତି। ପରିବେଶକୁ ଭାବନାତ୍ମକ ରୂପରେ ଜନମାନସରେ ଯୋଡି...

ବିପଦରେ ନଦୀ

ଡ. ପ୍ରଫୁଲ୍ଲ କୁମାର ସାହୁ ନଦୀ ହେଉଛି ସଭ୍ୟତାର ଜନ୍ମଦାତ୍ରୀ। ନଦୀର ସୁସ୍ଥତାରୁ ଜଣାପଡ଼େ ସଭ୍ୟତାର ସ୍ଥିତି। ମାତ୍ର ଭାରତବର୍ଷର ବଡ଼ବଡ଼ ସହର ପାର୍ଶ୍ୱରେ ବହିଯାଉଥିବା...

ଏଇ ଭାରତରେ

ଶାନ୍ତି ଶୃଙ୍ଖଳା ରକ୍ଷା କରିବା ଟ୍ରାଫିକ ପୋଲିସ ଅଫିସରଙ୍କ ସାଧାରଣ ଦାୟିତ୍ୱ। ମାତ୍ର ତେଲେଙ୍ଗାନାରେ ଏମିତି ଜଣେ ପୋଲିସ ଅଫିସର ଅଛନ୍ତି ଯିଏ କି ରାସ୍ତା...

ଏଇ ଭାରତରେ

ବିଭିନ୍ନ ଆକୃତିର ନିଶକୁ ନେଇ ଅନେକ ସମୟରେ ଚର୍ଚ୍ଚା ଜୋର ଧରେ। କେତେକ ନିଶ ରଖିବାକୁ ସମ୍ମାନଜନକ ବିଷୟ ବୋଲି ମନେକରନ୍ତି। ମାତ୍ର ରାଜସ୍ଥାନ ଜୟପୁରର...

ହ୍ବାଟ୍ସଆପରେ ସକାଳ

ଡ. କୁଳାଙ୍ଗାର ଯଦି ଆପଣଙ୍କର ସ୍ମାର୍ଟଫୋନଟିଏ ଅଛି ଆଉ ତାହା ଇଣ୍ଟରନେଟ ସଂଯୁକ୍ତ ତେବେ ଆପଣଙ୍କର ପ୍ରତିଟି ସକାଳ ଏବେ ଶୁଭ ସକାଳ। ଆପଣ ଯେତେ...

Advertisement
Archives

Model This Week