ଅଶୋକ ଗୁପ୍ତାଙ୍କ ବୟସ ୨୧। ହେଲେ ପରିବେଶ ସମ୍ପର୍କିତ ଉନ୍ନତ ବିଚାର ତାଙ୍କୁ ସମାଜରେ ଭିନ୍ନ ପରିଚୟ ଦେଇଛି। ସେ ଉତ୍ତରପ୍ରଦେଶର ମନୋରମା ନଦୀକୁ ସଫା କରିପାରିଛନ୍ତି। ଏଥିରେ ଅଶୋକଙ୍କ ସହ ତାଙ୍କ ସାଙ୍ଗମାନେ ସାମିଲ ହୋଇଛନ୍ତି। ମନୋରମା ନଦୀ ପ୍ଲାଷ୍ଟିକ ଓ ଅନ୍ୟାନ୍ୟ ବର୍ଜ୍ୟରେ ଭର୍ତ୍ତି ହେବା ଯୋଗୁ ଏହାର ଜଳାଧାର ବନ୍ଦ ହୋଇଯାଇଥିଲା। ଅଶୋକ ଏବଂ ତାଙ୍କ ସାଥୀମାନେ ଏହି ନଦୀରୁ ବର୍ଜ୍ୟ ସଫା କରିବା ପରେ ସେଥିରେ ଏବେ ଜଳ ପ୍ରବାହିତ ହେଉଛି। ସେମାନେ ୩୯ ଦିନରେ ୫୦୦ କେଜି ବର୍ଜ୍ୟ ସଫା କରିବା ପରେ ଜଳ ସ୍ରୋତ ସ୍ବାଭାବିକ ହୋଇପାରିଛି। ଆଶୋକଙ୍କ ଟିମ୍ ହାତରେ ଅଖା ଧରି ଏହି ବର୍ଜ୍ୟ ସଫା କରୁଛନ୍ତି। ପ୍ରଦୂଷିତ ଜଳଜନିତ ସଂକ୍ରମଣ ଓ ସାପ ଭୟକୁ ଖାତିର ନ କରି ସେମାନେ ଏହି କାର୍ଯ୍ୟକୁ ସଫଳତାର ସହ କରିପାରିଛନ୍ତି; ଏଥିପାଇଁ ସେ କୌଣସି ପାଣ୍ଠି ସଂଗ୍ରହ କରିନହାନ୍ତି କି ମେଶିନ ବ୍ୟବହାର କରିନାହାନ୍ତି କିମ୍ବା କୌଣସି ସଂଗଠନର ସହଯୋଗ ଲୋଡ଼ି ନାହାନ୍ତି।
