ପାକିସ୍ତାନ ସୁପରଷ୍ଟାର ଅଲରାଉଣ୍ଡର ଶାହିଦ ଆଫ୍ରିଦ ପାକିସ୍ତାନ କ୍ରିକେଟ ଦଳର ଦ୍ରୁତ ବୋଲର ଶାହିନ ଶାହା ଆଫ୍ରିଦିଙ୍କ ଶ୍ୱଶୁର ହେବାକୁ ଯାଉଛନ୍ତି। ଆଫ୍ରିଦିଙ୍କ ଝିଅ ଅକସା ଏବଂ ଦ୍ରୁତ ବୋଲର ଶାହିନ ଶାହ ଆଫ୍ରିଦଙ୍କ ମଧ୍ୟରେ ବିବାହ ହେବାକୁ ଯାଉଛି। ଉଭୟ ପରିବାର ଏହି ବିବାହରେ ରାଜି ହୋଇଛନ୍ତ। ଶୀଘ୍ର ଶାହିନ ଏବଂ ଅକସା ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି। ଶାହିନଙ୍କ ପିତା ଆୟାଜ ଖାନ ମଧ୍ୟ ଏହି ଖବରକୁ ନିଶ୍ଚିତ କରିଛନ୍ତି। ଅକସା ଅଧ୍ୟୟନ ସମାପ୍ତ କରିବା ପରେ ଉଭୟ ବିବାହ କରିବେ ବୋଲି ସେ କହିଛନ୍ତି। ଶାହିଦ ଆଫ୍ରିଦି ଏବଂ ଶାହିନ ଶାହା ପାକିସ୍ତାନ ସୁପର ଲିଗ ୨୦୨୧ରେ ଖେଳୁଥିବା ଦେଖିବାକୁ ମିଳିଥିଲା। କିନ୍ତୁ କରୋନା ଯୋଗୁ ଏହି ଟୁର୍ନାମେଣ୍ଟ ୧୪ ମ୍ୟାଚ ପରେ ସ୍ଥଗିତ ରଖାଯାଇଥିଲା। ଶାହିନ ଶାହା ମାତ୍ର ୪ଟି ମ୍ୟାଚରେ ୯ ଉଇକେଟ ନେଇ ଚମତ୍କାର ପ୍ରଦର୍ଶନ କରିଥିଲେ, ଅନ୍ୟପଟେ ଶାହିଦ ଆଫ୍ରିଦି ମୁଲତାନ ସୁଲତାନ ପାଇଁ ୫ ଉଇକେଟ ନେଇଥିଲେ।
