ଦାରିଙ୍ଗବାଡି, ୨୭।୧୨ (ଅରୁଣ ସାହୁ ):ଗତ କିଛିଦିନ ହେଲା ଦାରିଙ୍ଗବାଡି ବ୍ଲକ ଅଞ୍ଚଳରେ କୁହୁଡିର ପ୍ରଭାବରେ ଗାଡି ଚଳାଚକ ବାଧାପ୍ରାପ୍ତ ହୋଇଛି। ଶୀତ କମିବାରେ ନାମ ଧରୁନି କୁହାଯାଉଛି। ଆହୁରି ପ୍ରବଳ ଶୀତ ପଡିବ। ଏବେ ସନ୍ଧ୍ୟାା ନଇଁ ଆସିବା କ୍ଷଣି ସାଥିରେ ଶୀତ ମାଡି ଆସୁଛି। ଘନ କୁହୁଡି ଓ ସୁଲୁସୁଲିଆ ଦକ୍ଷିଣା ପବନ ଶୀତକୁ ଦ୍ବିଗୁଣିତ କରୁଛି ଘରୁ ଗୋଡ଼ କାଡିବା ମୁସ୍କିଲ ହୋଇପଡୁଛି। ୫୯ନଂ ଜାତୀୟ ରାଜପଥ ଉପରେ ଘନ କୁହୁଡି ଗାଡି ଚଳାଚଳରେ ବଡ଼ ବାଧକ ସାଜିଛି।
ବିଳମ୍ବିତ ରାତିଠାରୁ କୁହୁଡି ଆରମ୍ଭ ହୋଇ ସକାଳ ୯ଟା ଅର୍ଯ୍ୟନ୍ତ ଆଚ୍ଛାଦିତ ହୋଉ ରହୁଛି। ଅସହ୍ୟ ଜାଡ଼ ଯୋଗୁ ଅଞ୍ଚଳବାସୀ ପ୍ରାତଃଭ୍ରମଣ ସହ ଯୋଗାଭ୍ୟାସ ଓ ପ୍ରାଣାୟାମ କରି ଦେହକୁ ଉଷୁମ କରିବା ସହ ଫିଟ ରଖୁଛନ୍ତି। ସେହିପରି ଅନ୍ୟ ମାନେ ମଧ୍ୟ ନିଆଁ ଲଗାଇ ନିଆଁ ପୁଉଁଥିବା ଓ ଖରାରେ ରହି ଦେହକୁ ଉଷୁମ କରୁଥିବା ଦେଖିବାକୁ ମିଳିଛି। ଏବେ ଶୀତ ଛୁଟି ରହିଥିବାରୁ ଶିଶୁ ପର୍ଯ୍ୟଟକ ନିଜ ପରିବାର ସହ ଇକୋ ରିଟ୍ରିଟ ସହ ହୋଟେଲ ଲଜରେ ରାତ୍ରିଯାପନ କରିଛନ୍ତି ରାଜ୍ୟର ପର୍ଯ୍ୟଟକଙ୍କ ସମେତ ରାଜ୍ୟ ବାହାରୁ ପର୍ଯ୍ୟଟକ ଦାରିଙ୍ଗବାଡିରେ ଡେରା ପକାଇ ଶୀତର ମଜା ନେଉଛନ୍ତି। ହୋଟେଲ ଲଜ୍ ବୁକିଂ ସରିଯାଇଥିବାରୁ ଅନେକ ପର୍ଯ୍ୟଟକ ଷ୍ଟେ ହୋମ ଓ ପରିଚିତ ସମ୍ପର୍କୀୟଙ୍କ ଘରେ ରହି ଦାରିଙ୍ଗବାଡିରେ ଶୀତର ମଜା ଉଠାଉଛନ୍ତି।
Dharitri – Odisha’s No.1 Odia Daily
