ପିଲା ଯାଉଥିଲେ ପଡ଼ିଶା ଘର…

ବନ୍ଧୁତା ହେଉ କି ଶତ୍ରୁତା ବୁଝନ୍ତି ନାହିଁ ପିଲା। ସେଥିପାଇଁ ସେମାନେ ପଡ଼ୋଶୀ ଘରକୁ ବି ନିଜର ଭାବନ୍ତି। ନିଶ୍ଚିତରେ ସେଠି ଖେଳନ୍ତି ଆଉ ବୁଲନ୍ତି। ପିଲାଙ୍କର ଏହି ଅଭ୍ୟାସ କୌଣସି ଅପ୍ରୀତିକର ପରିସ୍ଥିତି ସୃଷ୍ଟି ନ କରୁ ସେଥିପାଇଁ ମା’ ମାନେ ସେମାନଙ୍କୁ କିଛି ବ୍ୟବହାରିକ ଗୁଣ ଶିଖାଇବା ଆବଶ୍ୟକ…

ହସ ଖେଳ ଆଉ ମଜାମସ୍ତି କରିବା ପାଇଁ ପିଲାମାନେ ସବୁବେଳେ ଖୋଜନ୍ତି ତାଙ୍କ ସାଙ୍ଗ ପିଲାମାନଙ୍କୁ। କିନ୍ତୁ ଆଜିକାଲିର ଅଧିକାଂଶ ଏକାନ୍ନବର୍ତ୍ତୀ ପରିବାରରେ ପିଲାମାନେ ଘରେ ଏକୁଟିଆ ରହି ଚିଡ଼ିଚିଡ଼ା ହୋଇ ଯାଉଛନ୍ତି। ଅନେକ ସମୟରେ ପିଲା ଜିଦିଆ, ପ୍ରତିକ୍ରିୟାଶୀଳ ହେଉଥିବା ବି ଦେଖିବାକୁ ମିଳୁଛି। ଏହି ଦୃଷ୍ଟିରୁ ପିଲାଙ୍କୁ ସମ୍ଭାଳିବା ପାଇଁ ଢେର୍‌ ଉପାୟ ଚିନ୍ତା କରୁଛନ୍ତି ମା’ମାନେ। ତେବେ ମା’ ଯଦି କର୍ମଜୀବୀ ହୋଇଥାନ୍ତି ପିଲାଙ୍କ ସମୟକୁ ଖୁସିରେ ଅତିବାହିତ କରାଇବା ଆହୁରି କଷ୍ଟକର ମନେ ହୋଇଥାଏ। ଏଭଳି କ୍ଷେତ୍ରରେ ପିଲାଙ୍କ ପାଇଁ ବେଶ୍‌ ସହାୟକ ହୋଇଥାନ୍ତି ପଡ଼ୋଶୀ। ପିଲାମାନେ ପଡ଼ୋଶୀଙ୍କ ଘରକୁ ଯାଇ ସେମାନଙ୍କ ପିଲାଙ୍କ ସହ କିଛି ସମୟ ଅତିବାହିତ କରି ଖୁସି ହୋଇଯାନ୍ତି। ହେଲେ ପଡ଼ୋଶୀଙ୍କ ଘରେ ପିଲାମାନେ ଯେମିତି କୌଣସି ପ୍ରକାର ବିଶୃଙ୍ଖଳା ସୃଷ୍ଟି ନ କରନ୍ତି ଏଥିପାଇଁ ମା’ମାନଙ୍କୁ ହିଁ କେତେକ ଦିଗ ପ୍ରତି ଦୃଷ୍ଟିଦେବାକୁ ହେବ।
ଗୁରୁଜନଙ୍କୁ ସମ୍ମାନ
ନିଜ ଘରେ ହେଉ କି ପଡ଼ୋଶୀଙ୍କ ଘରେ ସବୁଠି ଗୁରୁଜନମାନଙ୍କୁ ସମ୍ମାନ ଦେବା ଉଚିତ। ଏକଥା ପ୍ରଥମେ ନିଜ ପିଲାଙ୍କୁ ଶିଖାନ୍ତୁ। ଫଳରେ ପଡ଼ୋଶୀଙ୍କ ଘରକୁ ଯିବା ସମୟରେ ପିଲାଟି ସେଠାରେ ବଡ଼ମାନଙ୍କ କଥା ମାନିବ ଏବଂ ସେହି ଅନୁସାରେ ଭଲ ବ୍ୟବହାର ବି ଦେଖାଇବ। ପଡ଼ୋଶୀଙ୍କ ଘରେ ସମସ୍ତେ ପିଲା ପ୍ରତି ଭଲ ଭାବନା ରଖିବେ ଓ ଦୁଇ ପରିବାର ମଧ୍ୟରେ ଭଲ ସମ୍ପର୍କ ସୃଷ୍ଟି ହୋଇପାରିବ।
ଜିନିଷ ନଷ୍ଟ ନ ହେଉ
ପିଲାମାନେ ସାଧାରଣତଃ ନିଜ ଘରେ ବିଭିନ୍ନ ଜିନିଷକୁ ଧରି ଖେଳନା କରି ଖେଳନ୍ତି। ବେଳେବେଳେ ଅନେକ କିଛି ନଷ୍ଟ ବି କରିଥାନ୍ତି। କିନ୍ତୁ ପଡ଼ୋଶୀଙ୍କ ଘରେ ଥିବା ସବୁ ଜିନିଷକୁ ଯେମିତି ପିଲା ଖେଳନା ନ କରୁ, ଏନେଇ ପିଲାଙ୍କୁ ଶିକ୍ଷା ଦେବା ଉଚିତ। ତାଙ୍କ ଘରେ ପିଲା ଯେପରି କୌଣସି ଜିନିଷରେ ହାତ ନ ଲଗାଇବ ଏବଂ କୌଣସି ଜିନିଷ ଆଣିବା ପାଇଁ ଜିଦ୍‌ ନ କରିବ ସେଥିପ୍ରତି ପୂର୍ବରୁ ଶିକ୍ଷା ଦେବା ଉଚିତ।
ପେଟପୂରା ଖୁଆନ୍ତୁ
ପଡ଼ୋଶୀଙ୍କ ଘରକୁ ପିଲା ଖେଳିବାକୁ ଯିବା ପୂର୍ବରୁ ତାକୁ ପେଟ ପୂରା ଖାଇବା ପାଇଁ ଦିଅନ୍ତୁ। ଫଳରେ ପଡ଼ୋଶୀଙ୍କ ଘରେ ସେ ଆଉ ଅନ୍ୟ କିଛି ଖାଇବା ପାଇଁ ଜିଦ୍‌ କରିବ ନାହିଁ। ଏହା ସହ ଅନ୍ୟ କାହା ଘରେ ଅନୁମତି ନ ନେଇ କୌଣସି ଖାଇବା ଜିନିଷ ପିଲା ଯେପରି ହାତ ନ ଲଗାଇବ ସେଥିପ୍ରତି ସତର୍କ କରାଇଥାନ୍ତୁ।
ସମୟକୁ ଧ୍ୟାନ ଦିଅନ୍ତୁ
ପଡ଼ୋଶୀଙ୍କ ଘରକୁ ପିଲା ହୁଏତ ବାରମ୍ବାର ଖେଳିବାକୁ ଯିବା ପାଇଁ ଜିଦ୍‌ କରିପାରେ, କିନ୍ତୁ ଅତି ସକାଳୁ କିମ୍ବା ଖାଇବା ଅଥବା ଶୋଇବା ସମୟରେ ପିଲାଙ୍କୁ ପଡ଼ୋଶୀଙ୍କ ଘରକୁ ପଠାନ୍ତୁ ନାହିଁ। କେଉଁ ସମୟରେ ପଡ଼ୋଶୀଙ୍କ ଘରକୁ ଗଲେ ସେମାନେ ଡିଷ୍ଟର୍ବ ହେବେ ନାହିଁ ସେକଥା ଜଣାନ୍ତୁ। ଏହା ସହ କାହା ଘରକୁ ଯିବା ପୂର୍ବରୁ ତାଙ୍କୁ ଜଣାଇବା ମଧ୍ୟ ନିହାତି ଦରକାର। ତେଣୁ ଆପଣଙ୍କ ପିଲା ଯଦି ପଡ଼ୋଶୀଙ୍କ ଘରକୁ ଯାଉଥାଏ ତାଙ୍କୁ ଆଗୁଆ ଜଣାଇଦେବା ଭଲ। ଏହା ସହିତ ଖେଳିବା ପରେ ପିଲା ନିଜ ଘରକୁ ଫେରିବା ସମୟରେ ମଧ୍ୟ ପଡ଼ୋଶୀଙ୍କ ଘରେ କୌଣସି ଗୁରୁଜନଙ୍କୁ ଜଣାଇ ଆସିବା ପାଇଁ ପିଲାକୁ କୁହନ୍ତୁ।

ଏମାନେ କ’ଣ କରନ୍ତି]

ପଡ଼ିଶାଘରକୁ ସବୁଦିନ ଯାଏ
ମୋ ଝିଅ ଏବେ ଦଶମ ଶ୍ରେଣୀରେ ପଢୁଛିି, ହେଲେ ଛୋଟବେଳରୁ ସେ ପଡ଼ିଶା ଘରକୁ ସବୁଦିନ ଯାଏ। ତା’ ସାଙ୍ଗେ ଖେଳିବା ପାଇଁ ବି କେହି ଭାଇଭଉଣୀ ନ ଥିବାରୁ ମୁଁ ତାକୁ ପଡ଼ୋଶୀଙ୍କ ଘରକୁ ଯିବାକୁ ମନା କରିପାରେ ନାହିଁ। ମୁଁ ଗୃହିଣୀ ହୋଇଥିବାରୁ ସବୁବେଳେ ତା’ ପାଖରେ ରହୁଥିଲେ ବି ତାଙ୍କ ଘରକୁ ନ ଗଲେ ସେ ବିରକ୍ତ ହୋଇଯାଏ। ସେଥିପାଇଁ ମୁଁ ଛୋଟବେଳରୁ ତା’ ନିତ୍ୟକର୍ମ ଶେଷ କରିବା ପରେ ତାକୁ ତାଙ୍କ ଘରକୁ ପଠାଇଥାଏ। ଆଉ ଆମ ପଡ଼ୋଶୀ ବି ଭାରି ଭଲ ଲୋକ। ତାଙ୍କ ଝିଅ ବି ଆମ ଘରକୁ ଆସେ ଓ ମୋ ଝିଅ ସହ ମିଶି ଏକାଠି ଖେଳେ। ଏବେ ବଡ଼ ହେବା ପରେ ବି ସେମାନେ ଏକାଠି ଅନେକ ସମୟରେ ପଢ଼ାପଢ଼ି କରିବା ସହ ବୁଲିବାକୁ ବି ଯାଆନ୍ତି।
-ମମତା ଦାସ, ଗୃହିଣୀ,
ବରଗଡ଼ ବ୍ରିଟ୍‌ କଲୋନି, ଭୁବନେଶ୍ୱର
ତାଙ୍କ ଘରେ ବଡ଼ ହେଇଛି
ମତେ ଲାଗେ ଆମ ପଡ଼ିଶାଘର ମହାନ୍ତିବାବୁ ନ ଥିଲେ ମୁଁ ବୋଧେ ମୋ ଦୁଇ ଛୁଆଙ୍କୁ ଏକା ରଖି ପାରି ନ ଥାନ୍ତି। ପିଲାଙ୍କୁ ବଡ଼ କରିବା ପାଇଁ ଚାକିରି ଛାଡ଼ିବା ପରେ ବି ସେମାନଙ୍କୁ ଘର ଭିତରେ ସବୁବେଳେ ରଖିପାରେନି। ମଝିରେ ମଝିରେ ପାର୍କ କି ମାମୁଘର ବୁଲାଇବାକୁ ନିଏ, ହେଲେ ମହାନ୍ତି ବାବୁଙ୍କ ଘରକୁ ନ ଗଲେ ସେମାନେ ରହିପାରନ୍ତି ନାହିଁ। ମହାନ୍ତିବାବୁଙ୍କ ପୁଅ ବି ଆମ ଘରକୁ ଆସି ମୋ ଛୁଆଙ୍କ ସହ ଖେଳେ। ଅନେକ ସମୟରେ ମୁଁ କାମ ବ୍ୟସ୍ତ ଥିଲେ ତାଙ୍କ ଘରେ ଛୁଆଙ୍କୁ ଛାଡ଼ି ନିଶ୍ଚିତରେ ରହି ଯାଇଥାଏ କିମ୍ବା ବାହାରକୁ କୌଣସି କାମରେ ବି ଯାଇଥାଏ। ମୋ ଛୁଆଙ୍କୁ ବଡ଼ କରିବାରେ ସେମାନଙ୍କର ବି ବହୁତ ବଡ଼ ଅବଦାନ ରହିଛି।

-ସୁରଶ୍ରୀ ପ୍ରିୟଦର୍ଶିନୀ, ଗୃହିଣୀ, କଟକ

ପଡ଼ୋଶୀଙ୍କ ଘରକୁ ପଠାଏ
କର୍ମଜୀବୀ ହୋଇ ପଡ଼ୋଶୀଙ୍କ ସହ ଭଲ ସମ୍ପର୍କ ନ ରଖିଲେ ଭୁବନେଶ୍ୱରରେ ରହି ହେବନି। ଚାକିରି କରି ଛୁଆକୁ ବଡ଼ କରିବା ପାଇଁ ମତେ ତ ପଡ଼ୋଶୀ ଘର ଲୋକେ ବହୁତ ସାହାଯ୍ୟ କରିଛନ୍ତି। ସ୍କୁଲରେ ଚାକିରି କରିଥିବାରୁ ମୁଁ ଘରୁ ଯିବାପରେ ଅଧିକାଂଶ ସମୟରେ ପଡ଼ୋଶୀ ଘର ଲୋକେ ହିଁ ମୋ ପୁଅକୁ ତାଙ୍କ ପାଖରେ ରଖିଥାନ୍ତି। ତାଙ୍କ ଘରେ ତାଙ୍କ ଛୁଆଙ୍କ ସହ ସେ ବେଶ୍‌ ଖୁସିରେ ଖେଳୁଥାଏ। ପୁଅ ଏବେ ସ୍କୁଲ ଗଲାଣି, ହେଲେ ପଡ଼ୋଶୀ ଘରେ ଥିବା ପିଲାଙ୍କ ପାଖକୁ ସେ ସବୁଦିନ ଯାଇଥାଏ।
-ଅନୀତା ଦାସ, ଶିକ୍ଷୟିତ୍ରୀ,
ଚକେଇସିହାଣୀ, ଭୁବନେଶ୍ୱର


Enter your email to get our daily news in your inbox.

All Right Reserved By Dharitri.Com

ଶନିଙ୍କ ମାର୍ଗୀ ଚଳନ: ୨୦୨୭ ପୂର୍ବରୁ ୪ ରାଶିଙ୍କ ଘରକୁ ଆସିବ ଧନର ସୁଅ! ଚାକିରି-ବ୍ୟବସାୟରେ…

ଶନିଦେବଙ୍କୁ ନ୍ୟାୟ ଓ କର୍ମଫଳର ଦେବତା ବୋଲି ମାନାଯାଏ। ବ୍ୟକ୍ତିଙ୍କ କର୍ମ ଅନୁସାରେ ଶନିଦେବ ତାଙ୍କୁ ଫଳ ପ୍ରଦାନ କରିଥାନ୍ତି। ଜ୍ୟୋତିଷ ଶାସ୍ତ୍ର ଅନୁଯାୟୀ, ଶନିଦେବ ଯେତେବେଳେ…

ଅନୁରାଧା ନକ୍ଷତ୍ରରେ ସୂର୍ଯ୍ୟଙ୍କ ପ୍ରବେଶ: ୫ ରାଶିର ଭାଗ୍ୟରେ ଲାଗିଲା ଚାରିଚାନ୍ଦ, ଧନଲାଭ ସହ ଚାକିରିରେ ବଡ଼ ପ୍ରମୋଶନ

ସୂର୍ଯ୍ୟଙ୍କ ନକ୍ଷତ୍ର ପରିବର୍ତ୍ତନ ଯୋଗୁ ମେଷ, ମିଥୁନ, କନ୍ୟା, ଧନୁ ଓ ମୀନ ରାଶିର ବ୍ୟକ୍ତିଙ୍କୁ ଭାଗ୍ୟର ସାଥ୍‌ ମିଳିବ। ଏହି ୫ଟି ରାଶିର ଲୋକଙ୍କ ପାଇଁ…

ଏକାସାଙ୍ଗେ ଶନି, ରାହୁ-କେତୁଙ୍କ ବକ୍ରୀ ଚଳନ: ଏହି ୪ ରାଶିଙ୍କ ଜୀବନରେ ଲାଗିବ ଗ୍ରହଣ! ପାଖରୁ ପଳାଇବ ସବୁ ଟଙ୍କା

ଜ୍ୟୋତିଷ ଶାସ୍ତ୍ର ଅନୁସାରେ, ଶନି ଗ୍ରହ ୨୭ ଜୁଲାଇ ୨୦୨୬ରେ ବକ୍ରୀ ହୋଇଥିଲେ। ବର୍ତ୍ତମାନ ଶନି ବକ୍ରୀ ଚଳନ କରୁଥିବା ବେଳେ ଆସନ୍ତା ଡିସେମ୍ବର ୧୧ ତାରିଖରେ…

ଶନିଦେବଙ୍କ ସିଧା ଚଳନ: ୩ ରାଶିଙ୍କ ଫାଇଦା ହିିଁ ଫାଇଦା, ଶେଷ ହେବ ଖରାପ ସମୟ

ଜ୍ୟୋତିଷ ଶାସ୍ତ୍ର ଅନୁସାରେ, ୨୦୨୬ର ଶେଷ ମାସ ଡିସେମ୍ବର ଅତ୍ୟନ୍ତ ଗୁରୁତ୍ୱପୂର୍ଣ୍ଣ ରହିବ। ଏହି ମାସରେ ଶନିଦେବ ମାର୍ଗୀ ହେବାକୁ ଯାଉଛନ୍ତି। ଜ୍ୟୋତିଷ ଶାସ୍ତ୍ରରେ ଶନିଦେବଙ୍କୁ କର୍ମଫଳଦାତା…

ଆଜି ବିଛା ରାଶିକୁ ଚଳନ କରିବେ ସୂର୍ଯ୍ୟ: ଡିସେମ୍ବର ୧୬ ପୂର୍ବରୁ କୋଟିପତି ହେବେ ଏହି ୬ ରାଶି! ଚାକିରିରେ ବଡ଼ ପ୍ରମୋଶନ

ଆଜି ସନ୍ଧ୍ୟା ୭ଟା ୪୮ ମିନିଟରେ ସୂର୍ଯ୍ୟ ବିଛା ରାଶିକୁ ଚଳନ କରିବେ। ଏହାପରେ ଡିସେମ୍ବର ୧୬ ତାରିଖ ପର୍ଯ୍ୟନ୍ତ ସୂର୍ଯ୍ୟ ଏହି ରାଶିରେ ଅବସ୍ଥାନ କରିବେ।…

ଶୁକ୍ରଙ୍କ ମାର୍ଗୀ ଚଳନରେ ଜବରଦସ୍ତ ଫାଇଦା: ୨୨ ନଭେମ୍ବର ପୂର୍ବରୁ ମାଲାମାଲ ହେବେ ଏହି ୩ ରାଶି! ଜାଣନ୍ତୁ ସେହି ଭାଗ୍ୟଶାଳୀ ରାଶି କିଏ…

ଜ୍ୟୋତିଷ ଶାସ୍ତ୍ର ଅନୁସାରେ, ଶୁକ୍ର ଗ୍ରହ ୧୪ ନଭେମ୍ବର ୨୦୨୬ରେ କନ୍ୟା ରାଶିରେ ମାର୍ଗୀ ହୋଇଛନ୍ତି। ଏହାପରେ ୨୨ ନଭେମ୍ବରରେ ଶୁକ୍ର ତୁଳା ରାଶିକୁ ଚଳନ କରିବେ।…

ଆମର ଏହି ବସୁନ୍ଧରା

ଦିନକର କଥା। ସୂର୍ଯ୍ୟଠାରୁ ସେଦିନ ଖଣ୍ଡେ ବାହାରି ଆସିଲା। ସେହି ସୂଯର୍ର୍‌ୟାଂଶ ହିଁ ହେଲା ଆମ ପୃଥିବୀ। ତାକୁ ସୂର୍ଯ୍ୟ ଖଣ୍ଡ ନ କହି ସୂର୍ଯ୍ୟକନ୍ୟା କହିବାଟା…

କିଡ୍‌ନୀ ଖରାପ ହେଲେ ଶରୀରରେ ଦେଖାଦିଏ ଏସବୁ ସମସ୍ୟା, କରନ୍ତୁ ନାହିଁ ଅଣଦେଖା

କିଡ୍‌ନୀ ଏପରି ଏକ ଅଙ୍ଗ ଯାହାର କାର୍ଯ୍ୟ ଅକ୍ଷମତା ଅନେକ ଡେରିରେ ଜଣାପଡ଼େ। ଅଙ୍ଗଟି ପ୍ରାୟ ୮୦-୯୦ ଶତାଂଶ ଅକ୍ଷମ ନ ହୋଇପଡ଼ିବାର ପୂର୍ବ ପର୍ଯ୍ୟନ୍ତ ରୋଗୀକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?