ଚାନ୍ଦବାଲି,୯।୮(ଡି.ଏନ୍.ଏ.): ଭଦ୍ରକ ଜିଲା ଚାନ୍ଦବାଲି ଥାନା ଅଧୀନ ମତୋ ମାଧପୁର ମୁଖ୍ୟରାସ୍ତା କଲେଜ ଛକ ନିକଟରୁ ସୋମବାର ଜଣେ ଯୁବକଙ୍କ ମୃତଦେହ ମିଳିଛି। ସେ ହେଲେ ମତୋ ପରମାନ୍ଧପୁର ଗାଁର ଗୋଲେଖ ଦାସଙ୍କ ପୁଅ ବସନ୍ତ। ତେବେ ବସନ୍ତ କାଲି ଘରୁ ବୁଲେଟ୍ ନେଇ ଆସି ଫେରି ନ ଥିଲେ। ସକାଳେ ତାଙ୍କ ବାଇକ ରାସ୍ତା ତଳକୁ ପଡ଼ିଥିବା ବେଳେ ସନ୍ଦେହେଜନକ ଭାବେ ମୃତଦେହ ବାଇକ୍ର ଟିକେ ତଳକୁ ଅଳ୍ପ ପାଣିକାଦୁଅରେ ତଳ ମୁହାଁହୋଇ ପଡ଼ିଥିଲା। ପାରିପାର୍ଶ୍ୱିକ ସ୍ଥିତି ଦେଖି ସ୍ଥାନୀୟ ଲୋକେ ଏହାକୁ ସନ୍ଦେହ ଜନକ ମୃତ୍ୟୁ କହୁଥିବା ବେଳେ ଖବର ପାଇ ମତୋ ଫାଣ୍ଡି ଅଧିକାରୀ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛନ୍ତି। ବାଲେଶ୍ୱରରୁ ସନ୍ଧାନୀ କୁକୁର ଆସି ପହଞ୍ଚି ଛାନ୍ଭିନ୍ ଚଳାଇଛି।
