ବଲିଉଡ୍ ପରେ ହଲିଉଡ୍ରେ ପରିଚୟ ସୃଷ୍ଟି କରିଥିବା ଅଭିନେତ୍ରୀ ପ୍ରିୟଙ୍କା ଚୋପ୍ରା ଜୋନାସ, ଏବେ ତାଙ୍କ ପୁସ୍ତକ ‘ଅନ୍ଫିନିଷ୍ଟ’ ପାଇଁ ଚର୍ଚ୍ଚାରେ ଅଛନ୍ତି। ଏହି ପୁସ୍ତକରେ ଅଭିନେତ୍ରୀ ତାଙ୍କ ଜୀବନର ଯାତ୍ରା ବିଷୟରେ ଲେଖିଛନ୍ତି। ସେ ଇଣ୍ଡଷ୍ଟ୍ରିରେ କାମ କରିବା ସହ କିପରି ଲୋକପ୍ରିୟତା ହାସଲ କରିଛନ୍ତି ଏହି ପୁସ୍ତକରେ ଉଲ୍ଲେଖ କରିଛନ୍ତି। ତାଙ୍କ ପୁସ୍ତକର କିଛି ପୃଷ୍ଠା ବର୍ତ୍ତମାନ ଲିକ୍ ହୋଇ ସୋସିଆଲ ମିଡିଆରେ ଭାଇରାଲ୍ ହେଉଛି। ଯାହାର ଫଟୋ ସେ ନିଜେ ସୋସିଆଲ ମିଡିଆରେ ଶେୟାର କରିଛନ୍ତି। ଏହି ଫଟୋଗୁଡ଼ିକ ମଧ୍ୟରୁ ଗୋଟିଏରେ ସେ ତାଙ୍କ ନୂଆ ଘରେ ପ୍ରବେଶ କରୁଥିବା ଦେଖିବାକୁ ମିିଳିଛି।
ଫଟୋରେ ସ୍ବାମୀ ନିକ୍ ମଧ୍ୟ ନଜର ଆସିଛନ୍ତି। ଏହି ଫଟୋ ତଳେ ଲେଖାଯାଇଛି, କ୍ୱାରାଣ୍ଟାଇନ୍ ସମୟରେ ମୋ ନୂଆ ଘରକୁ ଯିବା ଅତ୍ୟନ୍ତ ଅସ୍ବାଭାବିକ ଥିଲା।
ପ୍ରିୟଙ୍କା କହିଛନ୍ତି, ତାଙ୍କ ବିବାହ ଫଟୋ ମଧ୍ୟ ତାଙ୍କ ପୁସ୍ତକରୁ ଲିକ୍ ହୋଇଛି। ଏହାକୁ ନ ଚୋରାଇବା ପାଇଁ ପ୍ରିୟଙ୍କା ଅନୁରୋଧ କରିଛନ୍ତି।
