ତାମିଲ ସିନେମାର ଜଣାଶୁଣା ଅଭିନେତା ସୁରିଆ ତାଙ୍କର ଆଗାମୀ ଚଳଚ୍ଚିତ୍ର ‘ଏଥାରକମ ଥୁନିନ୍ଦହାଭାନ’ ପାଇଁ ଆଜିକାଲି ଚର୍ଚ୍ଚାରେ ଅଛନ୍ତି। ନିକଟରେ ସେ ନିର୍ଦ୍ଦେଶକ ପାଣ୍ଡିରାଜଙ୍କ ସହ ଏହି ଫିଲ୍ମର ଶୁଟିଂ ମଧ୍ୟ ଶେଷ କରିଛନ୍ତି। ଫିଲ୍ମର ନିର୍ଦ୍ଦେଶକ ପାଣ୍ଡିରାଜ ନିଜେ ନିଜ ଟୁଇଟର୍ ପୃଷ୍ଠାରେ ଏହି ସୂଚନା ଦେଇଛନ୍ତି। ସେ ଲେଖିଛନ୍ତି, ମୋର ଦଳକୁ ସମର୍ଥନ କରିଥିବାରୁ ମୁଁ ମୋର ପ୍ରଡକ୍ସନ ହାଉସ ସନ ପିକ୍ଚର୍ସ, ଆମର ହିରୋ ସୁରିଆ ସାର୍ ଏବଂ କ୍ୟାମେରାମ୍ୟାନ ରତ୍ନାଭେଲୁଙ୍କୁ ଅଶେଷ ଧନ୍ୟବାଦ ଜଣାଉଛି। ମୁଁ ତୁମକୁ ଶୀଘ୍ର ଏହା ବିଷୟରେ ଅଧିକ ଅପଡେଟ କରିବି। ଫିଲ୍ମର ଶୁଟିଂ ଶେଷ ହେବା ପରେ ସୁପରଷ୍ଟାର ସୁରିଆ ତାଙ୍କର ଏକ ମହାନ କାର୍ଯ୍ୟକୁ ନେଇ ଚର୍ଚ୍ଚାରେ ଅଛନ୍ତି। ସୁରିଆ ଏକ ସ୍ମରଣୀୟ ଅନୁଭୂତି ସୃଷ୍ଟି କରିବା ପାଇଁ ‘ଏଥାରକମ ଥୁନିନ୍ଦହାଭାନ’ର ସମସ୍ତ କାଷ୍ଟ ଏବଂ ଟେକନିସିଆନଙ୍କୁ ୧ କୋଟି ଟଙ୍କା ମୂଲ୍ୟର ସୁନା ମୁଦ୍ରା ଉପହାର ଦେଇଛନ୍ତି। ତାଙ୍କ ଉପହାରରେ ଫିଲ୍ମ ଦଳର ଲୋକମାନେ ବହୁତ ଖୁସି ଅଛନ୍ତି। ସୁରିଆ ଏହି ଫଇଲ୍ମରେ ଜଣେ ଶକ୍ତିଶାଳୀ ସାମାଜିକ ଯୋଦ୍ଧା ଭାବରେ ଅଭିନୟ କରିବେ। ତାମିଲ-ତେଲୁଗୁ ସିନେମାର ପ୍ରସିଦ୍ଧ ଅଭିନେତ୍ରୀ ପ୍ରିୟଙ୍କା ମୋହନ ତାଙ୍କର ବିପରୀତ ହେବେ।
