ପ୍ରମାଣ ଅଭାବରୁ ଖସି ଯାଉଛନ୍ତି ଅଭିଯୁକ୍ତ

ନୟାଗଡ଼ ଅଫିସ,୩।୪: କୋର୍ଟରେ ପ୍ରମାଣ ଅଭାବରୁ ଖସି ଯାଉଛନ୍ତି ମାଓବାଦୀ। ବିଭିନ୍ନ ସମୟରେ ଗିରଫ ହୋଇଥିବା ୧୯ ଅଭିଯୁକ୍ତ ମାଓବାଦୀରୁ ୧୬ ଜଣ ନିର୍ଦ୍ଦୋଷରେ ଖଲାସ ହୋଇ ସାରିଲେଣି। ଅନ୍ୟପକ୍ଷେ ଜେଲରେ ଥିବାବେଳେ ୨୦୦୯ରେ ଶୁଭଙ୍କର ଓ ୨୦୨୧ରେ ରବି ଦୁଲାରୀଙ୍କ ପରଲୋକ ଘଟିଛି। ଅନ୍ୟ ଜଣେ ହେଉଛନ୍ତି ମାଓବାଦୀ ନେତା ସବ୍ୟସାଚୀ ପଣ୍ଡା। ସବ୍ୟସାଚୀଙ୍କ ନଁାରେ ଥିବା ୯ ମାମଲା ମଧ୍ୟରୁ ୫ଟିରେ ସେ ନିର୍ଦ୍ଦୋଷରେ ଖଲାସ ହୋଇ ସାରିଲେଣି। ଯଦି ଗିରଫ ହୋଇ ଜେଲ ଯାଇଥିବା ୧୮ ଜଣ ବ୍ୟକ୍ତି ମାଓବାଦୀ ନୁହନ୍ତି ତେବେ ୨୦୦୮ ଫେବୃୟାରୀ ୧୫ ରାତିରେ କେଉଁମାନେ ନୟାଗଡ଼ ଆକ୍ରମଣ କରିଥିଲେ। ସେମାନଙ୍କୁ ଗିରଫ କରାଯାଉନି କାହିଁକି ବୋଲି ମତ ପ୍ରକାଶ ପାଇଛି। ଏଭଳିସ୍ଥଳେ କ୍ରାଇମବ୍ରାଞ୍ଚର ତଦନ୍ତ ଉପରେ ଉଠିଛି ପ୍ରଶ୍ନ।
ସୂଚନା ଅନୁଯାୟୀ, ମାଓବାଦୀଙ୍କ ନୟାଗଡ଼ ଆକ୍ରମଣ ଗତ ଫେବୃୟାରୀକୁ ୧୫ ବର୍ଷ ପୂରି ଯାଇଛି। ସେଦିନର କାଳ ରାତି କଥା ମନେ ପଡ଼ିଲେ ଲୋମ ଟାଙ୍କୁରି ଉଠୁଛି। ଭୁବନେଶ୍ୱର କାନ୍ଧ କୁହାଯାଉଥିବା ନୟାଗଡ଼ ଜିଲାରେ ୨୦୦୮ ଫେବୃୟାରୀ ୧୫ରେ ସଶସ୍ତ୍ର ମାଓବାଦୀ ଆକ୍ରମଣ କରି ତାଣ୍ଡବ ରଚିଥିଲେ। ଏଥିରେ ୧୫ ପୋଲିସଙ୍କ ସହ ଜଣେ ସାଧାରଣ ବ୍ୟକ୍ତିଙ୍କ ମୃତ୍ୟୁ ଘଟିଥିଲା। ମାଓବାଦୀଙ୍କ ଏହି ଆକ୍ରମଣ ସରକାର ଓ ପ୍ରଶାସନକୁ ଦୋହଲାଇ ଦେଇଥିଲା। ସେଦିନ ରାତିରେ ନୟାଗଡ଼ର ରିଜର୍ଭ ଅଫିସ, ପିଟିଏସ୍‌, ନୟାଗଡ଼ ଥାନା, ମହିପୁର ଫାଣ୍ଡି, ନୂଆଗାଁ ଥାନା ଉପରେ ମାଓବାଦୀମାନେ ଆକ୍ରମଣ କରିଥିଲେ। ସେହିଭଳି ଦଶପଲ୍ଲା ଥାନା ପୋଡ଼ି, ନଡ଼ିଆ ଟ୍ରକ ଅପହରଣ ଓ ଆଇଆଇସିଙ୍କ ଘର ପୋଡ଼ି କରିଥିଲେ। ମାଓବାଦୀମାନେ ରିଜର୍ଭ ଅଫିସ ଓ ପୋଲିସ ଟ୍ରେନିଂ ସ୍କୁଲ ଆର୍ମେରୀରୁ ୫୦ ହଜାରରୁ ଊର୍ଦ୍ଧ୍ୱ ଆମ୍ୟୁନିଶନ୍‌(ଜୀବନ୍ତ ଗୁଳି), ୩ ହଜାରରୁ ଊର୍ଦ୍ଧ୍ୱ ଗ୍ରେନେଡ଼୍‌, ୩୬- ହାଇ ଏକ୍ଲପ୍ଲୋସିଭ୍‌ ବୋମା, ଏକେ ୪୭ ବନ୍ଧୁକ ଅବାଧରେ ଲୁଟି ନେଇଥିେଲେ। ଗୋଟିଏ ଘରୋଇ ବସ୍‌ ଓ ଏକ ମିନିଟ୍ରକ୍‌ରେ ଏସବୁକୁ ବୋହି ନେଇଥିଲେ। ଉପରୋକ୍ତ ସାମଗ୍ରୀ ନେବା ପାଇଁ ସେମାନେ ନୟାଗଡ଼ ଆକ୍ରମଣ କରିଥିଲେ ବୋଲି କୁହାଯାଉଛି। ତେବେ ମାଓବାଦୀ ଆକ୍ରମଣର ସ୍ମୃତି ଏଯାବତ ଅନେକ ସ୍ଥାନରେ ରହିଛି। ଆକ୍ରମଣର ୧୫ ବର୍ଷ ଭିତରେ ନୟାଗଡ଼ ପୋଲିସ ଟ୍ରେନିଂ ସ୍କୁଲ(ପିଟିଏସ୍‌)ର ରୂପରେଖ କିଛିଟା ବଦଳିଛି। ମାଓବାଦୀ ଆକ୍ରମଣ ପରେ ଅସ୍ତ୍ରାଗାର ନୟାଗଡ଼ ଏସ୍‌ପି ଅଫିସ ନିକଟକୁ ସ୍ଥାନାନ୍ତରିତ ହୋଇଛି। ଅନ୍ୟପକ୍ଷେ ଜିଲାର ଥାନା ଓ ଫାଣ୍ଡିରେ ନୂଆ ଘର ନିର୍ମାଣ ହୋଇଛି। ହେଲେ ପୋଲିସ ଲୋକଙ୍କ ନିକଟତର ହେବାରେ ସକ୍ଷମ ହୋଇପାରି ନ ଥିବା ଅଭିଯୋଗ ହୋଇ ଆସୁଛି।
ଏନେଇ ଆଇନଜୀବୀ ଅମିୟ ପଟ୍ଟନାୟକ କୁହନ୍ତି, କ୍ରାଇମବାଞ୍ଚ ପ୍ରମାଣ ନ ଦେଇ କେବଳ ଗିରଫ କରି ଦାୟିତ୍ୱ ଶେଷ କରି ଦେଉଛି। ସାକ୍ଷ୍ୟ, ତଥ୍ୟ ଓ ପ୍ରମାଣ ଠିକ୍‌ ଭାବେ କୋର୍ଟରେ ଉପସ୍ଥାପନ କ୍ରାଇମବ୍ରାଞ୍ଚ କରିପାରୁ ନ ଥିବାରୁ ଅଭିଯୁକ୍ତ ମାଓବାଦୀମାନଙ୍କୁ ଖସିବା ସୁବିଧା ହେଉଛି। ଆଇନଜୀବୀ ରଣଜିତ ଦାଶ କୁହନ୍ତି, କ୍ରାଇମବ୍ରାଞ୍ଚ କେବଳ ଗିରଫ କରି ଦାୟିତ୍ୱ ଶେଷ କରିଦେବା ଯୋଗୂୁ ଏଭଳି ସ୍ଥିତି ଉପୁଜିଛି। ମାଓବାଦୀ ଆକ୍ରମଣ ଘଟଣାର ୧୫ ବର୍ଷ ପରେ ଲୋକମାନେ ଘଟଣା ଭୁଲିଗଲା ପରି ଜଣାପଡୁଛି। ଯେଉଁମାନେ ମାଓବାଦୀଙ୍କ ଆକ୍ରମଣର ଶିକାର ହୋଇଥିଲେ ସେମାନେ ମଧ୍ୟ ଗିରଫ ଅଭିଯୁକ୍ତମାନଙ୍କୁ ଚିହ୍ନି ପାରୁ ନ ଥିବା କହୁଛନ୍ତି। ଏଭଳିସ୍ଥଳେ ସରକାରଙ୍କ ଅଯଥାରେ ତଦନ୍ତ, କୋର୍ଟ କଚେରି ବାବଦକୁ ଅନେକ କୋଟି ଟଙ୍କା ଖର୍ଚ୍ଚ ହେଉଛି। କ୍ରାଇମବ୍ରାଞ୍ଚର ତଦନ୍ତ ଦିଗହରା ବୋଲି ପ୍ରମାଣ ହୋଇଯାଉଛି। ଜଣେ ସାଧାରଣ ଲୋକ ନିଜର ନଁା ଗୋପନ ରଖି କହିଛନ୍ତି, ମାଓବାଦୀ ଆକ୍ରମଣ ଘଟଣାରେ ପ୍ରକୃତରେ ଯେଉଁମାନେ ଦୋଷୀ ସେମାନଙ୍କୁ ଗିରଫ କରାଯାଇ ଦଣ୍ଡ ଦିଆଯାଉ। ନିର୍ଦ୍ଧୋଷ ବ୍ୟକ୍ତି ଦଣ୍ଡ ନ ପାଆନ୍ତୁ। ଯଦି ୧୯ଜଣରୁ ୧୬ଜଣ ନିର୍ଦ୍ଦୋଷରେ ଖଲାସ ହୋଇଛନ୍ତି ତେବେ କ୍ରାଇମବ୍ରାଞ୍ଚ ଦୋଷୀଙ୍କୁ ଖୋଜି କୋର୍ଟ ଚାଲାଣ କରୁ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଗାଡ଼ି ଜବତ କରିବାକୁ ଗୁଣ୍ଡା ବ୍ୟବହାର କରିପାରିବେନି ଫାଇନାନ୍ସ କମ୍ପାନୀ: ହାଇକୋର୍ଟ

ପ୍ରୟାଗରାଜ,୧୬ା୧୧(ପି.ଟି.): ଋଣ ପରିଶୋଧ କରୁ ନ ଥିବା କାରଣରୁ ଗାଡ଼ି ଜବତ କରିବା ପାଇଁ ଫାଇନାନ୍ସ କମ୍ପାନୀ ଗୁଣ୍ଡାଙ୍କୁ ବ୍ୟବହାର କରିପାରିବେ ନାହିଁ ଏବଂ ଚାପ ପକାଇବାକୁ…

ଭାଜପାର ପଞ୍ଜାବ ନିର୍ବାଚନ ଇସ୍ତାହାର କମିଟିରେ ରାଘବ, ହରଭଜନ

ଚଣ୍ଡିଗଡ଼,୧୬ା୧୧: ଆସନ୍ତା ବର୍ଷ ପଞ୍ଜାବ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଥିବାବେଳେ ଭାଜପା ଏହାର ଇସ୍ତାହାର କମିଟିରେ ରାଜ୍ୟ ସଭା ସଦସ୍ୟ ରାଘବ ଚଢ଼ା ଏବଂ ହରଭଜନ…

ଆଜି ମୁମ୍ବାଇ ଆସିବେ ବ୍ରିଟିଶ ଯୁବରାଜ ଓ୍ବିଲିୟମ୍‌

ଲଣ୍ଡନ,୧୬ା୧୧(ପି.ଟି.): ବ୍ରିଟିଶ ଯୁବରାଜ ଓ୍ବିଲିୟମ ୨୦୨୬ ଆର୍ଥଶଟ୍‌ ପ୍ରାଇଜ୍‌ ପାଇଁ ଯୁବରାଣୀ କେଟ୍‌ ମିଡିଲଟନ୍‌ଙ୍କ ସହ ସୋମବାର ମୁମ୍ବାଇ ଆସିବେ। ମଙ୍ଗଳବାର ସେମାନେ ନୂଆଦିଲ୍ଲୀ ଯାଇ ବୁଧବାର…

ପାକ୍‌ ଲିଙ୍କ୍‌ ଥିବା ୨ ଅଭିଯୁକ୍ତ ପଞ୍ଜାବରୁ ଗିରଫ

ଚଣ୍ଡିଗଡ଼,୧୬ା୧୧: ରାଜସ୍ଥାନର ଶ୍ରୀଗଙ୍ଗାନଗର ରେଳଲାଇନରେ ବିସ୍ଫୋରଣ ସହ ସମ୍ପୃକ୍ତି ନେଇ ଜଣେ ମହିଳାଙ୍କ ସହ ୨ ଜଣଙ୍କୁ ପଞ୍ଜାବରୁ ଗିରଫ କରାଯାଇଛି। ରାଜସ୍ଥାନ ଆତଙ୍କବାଦ ନିରୋଧୀ ସ୍କ୍ବାଡ୍‌…

ଦିଲ୍ଲୀରେ ଚାଞ୍ଚଲ୍ୟ: ଟ୍ରାଏଲ୍‌ ରୁମ୍‌ରେ ମହିଳା କର୍ମଚାରୀଙ୍କୁ ଗଳାକାଟି ହତ୍ୟା

ନୂଆଦିଲ୍ଲୀ,୧୫ା୧୧: ଦିଲ୍ଲୀର ଏକ ପୋଷାକ ଶୋ’ରୁମ୍‌ରେ କାମ କରୁଥିବା ଜଣେ ୧୮ ବର୍ଷୀୟା କର୍ମଚାରୀଙ୍କୁ ଟ୍ରାଏଲ୍‌ ରୁମ୍‌ରେ ଗଳାକାଟି ହତ୍ୟା କରାଯାଇଛି। ବ୍ୟକ୍ତିଗତ ସମ୍ପର୍କରେ ଫାଟ ଏବଂ…

ଏହି ୪ଟି ରାଶି ପାଇଁ ଆଗକୁ ରହିଛି କଠିନ ସମୟ, ସତର୍କ ନ ରହିଲେ ବଡ଼ ବିପଦ…

୧୬ ନଭେମ୍ବର ୨୦୨୬ରେ ସୂର୍ଯ୍ୟଦେବ ବିଛା ରାଶିକୁ ପ୍ରବେଶ କରିବେ। ଜ୍ୟୋତିଷ ଶାସ୍ତ୍ର ଅନୁସାରେ, ଏହି ଗୋଚରର ପ୍ରଭାବ କିଛି ରାଶିର ଜାତକଙ୍କ ଜୀବନରେ ପଡ଼ିପାରେ। ବିଶେଷକରି…

ଅତି ଖରାପ ସ୍ଥିତିରେ ଦିଲ୍ଲୀ ବାୟୁ ଗୁଣବତ୍ତା, ଘେରି ରହୁଛି ଧୂଳି, ଧୂଆଁର ଘନ ଆସ୍ତରଣ

ନୂଆଦିଲ୍ଲୀ,୧୫ା୧୧: ଦିଲ୍ଲୀର ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ରବିବାର ସକାଳେ ଅଧିକାଂଶ ପର୍ଯ୍ୟବେକ୍ଷଣ କେନ୍ଦ୍ରରେ ଅତି ଖରାପ ଦର୍ଶାଇଥିବା ବେଳେ ୭ଟିରେ ଗମ୍ଭୀର ସ୍ଥିତି ଦର୍ଶାଇଛି। ମୋଟାମୋଟି…

ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ: ଏକାଠି ହେଲେ କନ୍ଧମାଳ,ଗଜପତିର ଆଦିବାସୀ ସମାଜ

ବ୍ରାହ୍ମଣୀଗାଁ,୧୫।୧୧(ମନୋରଞ୍ଜନ ରଣା): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅନ୍ତର୍ଗତ ବ୍ରାହ୍ମଣୀଗାଁ ଶିବ ମନ୍ଦିର ପଡ଼ିଆରେ ରବିବାର ଭଗବାନ ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?