ଚେନ୍ନାଇ: ସାଉଥ୍ ସୁପରଷ୍ଟାର ଥାଲାପତି ବିଜୟ ନିଜ ଅଭିନୟ ବଳରେ ଦର୍ଶକଙ୍କ ଖୁବ୍ ନିକଟତର ହୋଇପାରିଛନ୍ତି । ନିକଟରେ ରିଲିଜ ହୋଇଥିବା ଫିଲ୍ମ ‘ବିଷ୍ଟ’ ପାଇଁ ସେ ଏବେ ଚର୍ଚ୍ଚାରେ ଅଛନ୍ତି । ଏହା ବକ୍ସ ଅଫିସରେ ଖୁବ୍ ସଫଳତା ପାଇଛି । ଏବେ ଅଭିନେତାଙ୍କୁ ନେଇ ଆସିଥିବା ଏକ ଖବର ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଗତ ପ୍ରାୟ ୧୦ ବର୍ଷ ହେବ ସେ କୌଣସି ଗଣମାଧ୍ୟମକୁ ଇଣ୍ଟରଭ୍ୟୁ ଦେଇ ନ ଥିବା ଜଣାପଡିଛି । ଆଉ ଏହା ଜାଣିବା ପରେ ତାଙ୍କ ପ୍ରଶଂସକ ଆଶ୍ଚର୍ଯ୍ୟ ହୋଇଯାଇଛନ୍ତି । ତେବେ ଦୀର୍ଘ ୧୦ ବର୍ଷ ହେବ ସେ କାହିଁକି ଇଣ୍ଟରଭ୍ୟୁ ଦେଇ ନ ଥିଲେ ସେ ସମ୍ପର୍କରେ ବିଜୟ ଖୋଲାଖୋଲି କଥା ହୋଇଛନ୍ତି ।
ବିଜୟ କହିଛନ୍ତି ମୁଁ ସାବଧାନ ରହିବାକୁ ଚାହୁଁଥିଲି । ପୁର୍ବ ଇଣ୍ଟରଭ୍ୟୁରେ ମୁଁ ଯାହା କହିଥିଲି ତାକୁ ଓଲଟା ସିଧା ଭାବେ ଉପସ୍ଥାପନ କରାଯାଇଥିଲା । ଏହାପରଠାରୁ ମୁଁ ସାବଧାନ ହୋଇଯାଇଥିଲି । ସେହି ସାକ୍ଷାତକାର ପରେ ମୋର ପରିଚିତ ବନ୍ଧୁମାନେ ମୋତେ ପଚାରିଥିଲେ ଯେ ମୋ ମୁହଁରେ ଏରୋଗେନ୍ସ ଭାବ କାହିଁକି ଦେଖାଯାଉଛି । ଏମିତିକି ଏହାକୁ ନେଇ ମୋ ଘରଲୋକ ବି ମୋତେ ପ୍ରଶ୍ନ କରିଥିଲେ । ତେଣୁ ମୁଁ କିଛିଦିନ ପାଇଁ ଇଣ୍ଟରଭ୍ୟୁଠାରୁ ଦୂରେଇ ରହିଥିଲି ।
