ନୂଆଦିଲ୍ଲୀ,୧୬ ।୧: ଗଣତନ୍ତ୍ର ଦିବସ ଅବସରରେ ଦେଶର ରାଜଧାନୀ ଦିଲୀ ସମେତ କିଛି ବଡ ବଡ ସହର ଉପରେ ନଜର ରଖିଛନ୍ତି ଆତଙ୍କବାଦୀ । ଇଣ୍ଟଲିଜେନ୍ସ ଏଜେନ୍ସିକୁ ଗୁପ୍ତ ସୂଚନା ମିଳିଛି କି ଆତଙ୍କବାଦୀମାନେ ଅଯୋଧ୍ୟାର ରାମ ମନ୍ଦିରକୁ ସେମାନଙ୍କର ଟାର୍ଗେଟ କରିପାରନ୍ତି । ଏଜେନ୍ସି ସୂତ୍ରରୁ ମିଳିଥିବା ସୂଚନା ଅନୁଯାୟୀ, ରାମ ମନ୍ଦିରରେ ସୁଇସାଇଡ ବମ୍ବର ଜରିଆରେ ଆକ୍ରମଣ କରିବାର ଯୋଜନା କରାଯାଉଛି ।
ଏଜେନ୍ସିକୁ ଇନପୁଟ ମିଳିଛି କି ଆଗାମୀ କିଛି ଦିନ ମଧ୍ୟରେ ପାକିସ୍ତାନର ଆତଙ୍କବାଦୀ ସଙ୍ଗଠନ ରାମ ମନ୍ଦିର ଉପରେ ଆକ୍ରମଣ କରିବାର ଯୋଜନା କରୁଛନ୍ତି । ଜୈଶ-ଏ-ମହମ୍ମଦ ଆତଙ୍କବାଦୀ ସଙ୍ଗଠନ ଏହି ଆକ୍ରମଣର ଯୋଜନା କରିଛି । ନେପାଳ ରାସ୍ତା ଦେଇ ଭାରତରେ ସୁଇସାଇଡ ସ୍କ୍ୱାର୍ଡ ଅର୍ଥାତ୍ ଆତ୍ମଘାତି ଆକ୍ରମଣକାରୀ ପଠାଇ ଆକ୍ରମଣର ପ୍ଲାନ ପ୍ରସ୍ତୁତ କରାଯାଇଛି । ସୂଚନାଯୋଗ୍ୟ, ରାମ ମନ୍ଦିର ନିର୍ମାଣର ୫୦ ପ୍ରତିଶତ କାମ ଶେଷ ହୋଇଗଲାଣି । ଏଠାରେ ସୁରକ୍ଷା ବି କଡା କଡି ରଖାଯାଇଛି । ଏବେ ଏହି ସୂଚନା ମିଳିବା ପରେ ଉତ୍ତର ପ୍ରଦେଶ ପୋଲିସ ଆହୁରି ଆଲର୍ଟ ହୋଇଯାଇଛି ।
