ପାଟଣା,୧ା୬(ବୀରକିଶୋର ଦାଶ): କେନ୍ଦୁଝର ଜିଲା ସାହାରପଡ଼ାସ୍ଥିତ କେନ୍ଦ୍ର ସମବାୟ ବ୍ୟାଙ୍କ ସାହାରପଡ଼ା ଶାଖା ପରିଚାଳକ ଦୀନବନ୍ଧୁ ମିଶ୍ର ଚାକିରିରୁ ରବିବାର ଅବସର ଗ୍ରହଣ କରିଛନ୍ତି। ଏଥି ପାଇଁ ସହାରପଡ଼ା ଶାଖା ପରିସରରେ ସ୍ଥାନୀୟ ଅଞ୍ଚଳର ବୁଦ୍ଧିଜୀବୀ ଓ ବ୍ୟାଙ୍କ କର୍ମଚାରୀଙ୍କ ପକ୍ଷରୁ ଅବସରକାଳୀନ ସମ୍ବର୍ଦ୍ଧନା ପ୍ରଦାନ କରାଯାଇଛି।
ମିଶ୍ର ୧୯୮୪ରେ ସମବାୟ ସମିତିରେ ଯୋଗ ଦେଇ କାର୍ଯ୍ୟ ଆରମ୍ଭ କରିଥିଲେ। ୨୦୧୨ରେ ସାହାରପଡ଼ା କେନ୍ଦ୍ର ସମବାୟ ବ୍ୟାଙ୍କରେ ଶାଖା ପରିଚାଳକ ଭାବେ ଯୋଗଦେଇଥିଲେ। ସେ ଜଣେ ଜଣାଶୁଣା ସମବାୟବିତ୍ ଭାବେ ଜିଲାରେ ତାଙ୍କର ପରିଚିତି ରହିଛି। ତାଙ୍କ କାର୍ଯ୍ୟ କାଳ ସମୟରେ ନିଷ୍ଠାର ସହିତ କାର୍ଯ୍ୟ କରି କେନ୍ଦୁଝର କେନ୍ଦ୍ର ସମବାୟ ବ୍ୟାଙ୍କ ସାହାରପଡ଼ା ଶାଖାକୁ ଜିଲାରେ ଏକ ନମ୍ବର କରିବାରେ ସଫଳ ହୋଇଥିଲେ। ଅବସରକାଳୀନ ବିଦାୟ ସଭାରେ ସାହାରପଡ଼ାବାସୀ ତାଙ୍କୁ ପୁଷ୍ପଗୁଚ୍ଛ ଓ ଉତ୍ତରୀୟ ଦେଇ ସମ୍ବର୍ଦ୍ଧନା ପ୍ରଦାନ କରିଛନ୍ତି।
