ପାଟଣା,୨୫।୯(ବୀର କିଶୋର ଦାଶ): ବନ୍ଦେ ମାତରଂର ୧୫୦ ବର୍ଷ ପୂର୍ତ୍ତି ଉପଲକ୍ଷେ ବିଦ୍ୟା ଭାରତୀ ଓ ଶିକ୍ଷା ବିକାଶ ସମିତି ଆନୁକୂଲ୍ୟରେ ଶୁକ୍ରବାର ପାଟଣା ସ୍ବରସ୍ବତୀ ଶିଶୁ ବିଦ୍ୟାମନ୍ଦିରରେ ସାମୁହିକ ବନ୍ଦେ ମାତରଂ ଗାନ ଅନୁଷ୍ଠିତ ହୋଇଥିଲା। ପୂର୍ବାହ୍ନ ୧୧ଟାରେ ବିଦ୍ୟାଳୟର ଛାତ୍ରୀଛାତ୍ର ଓ ଆଚାର୍ଯ୍ୟ-ଆଚାର୍ଯ୍ୟାମାନେ ସାମୂହିକ ଭାବେ ବନ୍ଦେ ମାତରଂ ଗାନ୍ କରିଥିଲେ।
ପରେ ବିଦ୍ୟାଳୟ ସଭାଗୃହରେ ବନ୍ଦେ ମାତରଂ ସଙ୍ଗୀତ ଉପରେ ଏକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା। ବିଦ୍ୟାଳୟ ପରିଚାଳନା କମିଟି ସଭାପତି ବ୍ରଜେନ୍ଦ୍ର କୁମାର ପତିଙ୍କ ଅଧ୍ୟକ୍ଷତାରେ ବଡ଼ପାଟଣା ସରପଞ୍ଚ ବିନତି ବାନାରା ମୁଖ୍ୟ ଅତିଥି, ସ୍ତମ୍ଭକାର ବୀର କିଶୋର ଦାଶ ମୁଖ୍ୟ ବକ୍ତା ଏବଂ ପରିଚାଳନା କମିଟି ସଦସ୍ୟା ମାମିନା ବେହେରା ସମ୍ମାନିତ ଅତିଥି ଭାବେ ଯୋଗଦେଇଥିଲେ।
ବକ୍ତାମାନେ ବନ୍ଦେ ମାତରଂର ରଚୟିତା, ଏହାର ଐତିହାସିକତା ଓ ସ୍ବଧୀନତା ସଂଗ୍ରାମରେ ଏହାର ଭୂମିକା ସମ୍ପର୍କରେ ଆଲୋକପାତ କରିଥିଲେ।
ପ୍ରଧାନ ଆଚାର୍ଯ୍ୟ ଗଣେଶ୍ୱର କର କାର୍ଯ୍ୟକ୍ରମ ସଂଯୋଜନା କରିଥିବା ବେଳେ ସଭାପତି ପତି ଧନ୍ୟବାଦ ଅର୍ପଣ କରିଥିଲେ। ବରିଷ୍ଠ ଆଚାର୍ଯ୍ୟା ଶୋଭାଶ୍ରୀ ଷଡ଼ଙ୍ଗୀ ବନ୍ଦେ ମାତରଂ ସଙ୍ଗୀତ ଆବୃତ୍ତି ଓ ସାଂସ୍କୃତିକ କାର୍ଯ୍ୟକ୍ରମ ପରିଚାଳନା କରିଥିଲେ।
ଛାତ୍ରୀମାନେ ବନ୍ଦେ ମାତରଂ ସଙ୍ଗୀତରେ ନୃତ୍ୟ ପରିବେଷଣ କରିଥିଲେ। କାର୍ଯ୍ୟକ୍ରମରେ ଆଚାର୍ଯ୍ୟା ସୁରେଖା ମହାନ୍ତ, ଅର୍ଚ୍ଚନା ସାମନ୍ତରାୟ, ମୋନାଲି ମହାନ୍ତ, ରଞ୍ଜିତା ବାରିକ, ଆଚାର୍ଯ୍ୟ ହିରାଲାଲ ମହାନ୍ତ, ଯୁଧିଷ୍ଠିର ମହାନ୍ତ, ସଞ୍ଜୟ କୁମାର ଗିରି, ବେଣୁଧର ମହାନ୍ତଙ୍କ ସମେତ ବିଦ୍ୟାଳୟର ସମସ୍ତ ଆଚାର୍ଯ୍ୟା, ଆଚାର୍ଯ୍ୟ ସହଯୋଗ କରିଥିଲେ।
