ନାଗପୁର,୬।୧୦: ନାଗପୁରରେ ଥିବା ରାଷ୍ଟ୍ରିୟ ସ୍ବୟଂସେବକ ସଂଗଠନ(ଆରଏସଏସ)ର ମୁଖ୍ୟାଳୟକୁ ଗୁରୁବାର ଭାରତ ମୁକ୍ତି ମୋର୍ଚ୍ଚା ପକ୍ଷରୁ ଘେରାଉ କରିବାକୁ ଚେଷ୍ଟା କରାଯାଇଛି। ଏହି ମାମଲାରେ ପୋଲିସ ମୁଖ୍ୟାଳୟ ବାହାରେ କିଛି ଲୋକଙ୍କୁ ଅଟକ ରଖିଛି। ଏହା ବ୍ୟତୀତ ଆରଏସଏସ କାର୍ଯ୍ୟାଳୟ ବାହାରେ ସୁରକ୍ଷାକୁ ମଧ୍ୟ ବୃଦ୍ଧି କରାଯାଇଛି। ସେଠାରେ ୧୪୪ ଧାରା ଜାରି କରାଯାଇଛି।
ଭାମନ ମେଶ୍ରମଙ୍କ ନେତୃତ୍ୱାଧୀନ ଭାରତ ମୁକ୍ତି ମୋର୍ଚ୍ଚା ଆଜି ନାଗପୁରର ଆରଏସଏସ ମୁଖ୍ୟାଳୟକୁ ଅବରୋଧ କରିବାକୁ ଉଦ୍ୟମ କରି କହିଛନ୍ତି। ସଂଗଠନର ଆଦର୍ଶ ଭାରତୀୟ ସମ୍ବିଧାନ ଅନୁଯାୟୀ ନୁହେଁ ସେମାନେ ଦାବି କରିଛନ୍ତି। ସେପଟେ ପୋଲିସ ଭମାନ ମେଶ୍ରମଙ୍କୁ ଗିରଫ କରିଛି।
ଏଥିରେ ଯୋଗଦେବା ପାଇଁ ଶତାଧିକ ଭାରତ ମୁକ୍ତି ମୋର୍ଚ୍ଚା କର୍ମୀ ନାଗପୁରରେ ପହଞ୍ଚିଥିଲେ। ତେବେ ଏହି ପଦଯାତ୍ରା ପାଇଁ ପୂର୍ବରୁ ପୋଲିସ ଅନୁମତି ଦେଇ ନ ଥିଲା। ତଥାପି ସେମାନେ ଆରଏଏ କାର୍ଯ୍ୟାଳୟ ନିକଟରେ ଏକତ୍ର ହୋଇଥିଲେ। ତେଣୁ ପୋଲିସ ଏହି ପଦଯାତ୍ରା ଜାରି ରଖିବାକୁ ଦେଇ ନ ଥିଲା।
