ଗୋପ,୭ା୮(ଡି.ଏନ୍.ଏ.)- ଗୋପ ଥାନା ପୋଲିସ ଗଁା ବିବାଦକୁ ନେଇ ବୀରତୁଙ୍ଗ ପଞ୍ଚାୟତ ଅଧୀନ ରେଢୁଆ ଗ୍ରାମକୁ ଚଢ଼ାଉ କରିବାକୁ ଯାଇ ହଟହଟା ହୋଇଛି। ବିନା ମାମଲାରେ ଚଢ଼ାଉ କରିଥିବା ଗ୍ରାମବାସୀ ଅଭିଯୋଗ କରି ୨ ଅଫିସରଙ୍କ ସମେତ ୧୦ରୁ ଊର୍ଦ୍ଧ୍ୱ ପୋଲିସ କର୍ମଚାରୀଙ୍କୁ ୫ଘଣ୍ଟା ଧରି ଅଟକ ରଖିଥିବା ଜଣାପଡ଼ିଛି। ଖବରପାଇ ନିମାପଡ଼ା ଡିଏସ୍ପି ପି.କେ. ଦଳାଇ, କୋଣାର୍କ ଥାନାଧିକାରୀ ରଞ୍ଜନ ମଲ୍ଲିକ, ଗୋପ ଥାନାଧିକାରୀ ସୁଧୀର ସାହୁ, ରାମଚଣ୍ଡୀ ଥାନାଧିକାରୀଙ୍କ ସହ ଗୋଟିଏ ପୋଲିସ ଫୋର୍ସ ଶୁକ୍ରବାର ସକାଳ ୬ଟାରେ ପହଞ୍ଚିବାରେ ଗ୍ରାମର ମହିଳାମାନେ ପୋଲିସ ଗାଡ଼ି ଆଗରେ ବସିଯାଇଥିଲେ। ପରେ ଡିଏସପି ଉତ୍ତ୍ୟକ୍ତ ଲୋକଙ୍କୁ ବୁଝାଶୁଝା କରିବା ପରେ ଅଟକ ପୋଲିସ ଗାଁରୁ ମୁକୁଳି ଥିଲେ।
ରେଢୁଆ ଗ୍ରାମରେ କିଛି ବର୍ଷ ହେବ ହନୁମାନ ମନ୍ଦିର ଜାଗା ସହ ପ୍ରାୟ ସମୟ ଗଁା ବିବାଦ ଲାଗି ରହିଥିଲା। ଫଳରେ ୨ ପରିବାର ଅଲଗା ରହୁଥିବା ବେଳେ ୧୦୦ ରୁ ଊଦ୍ଧର୍ବ ପରିବାର ଗୋଟିଏ ପଟେ ରହୁଛନ୍ତି। ୩ଦିନ ତଳେ ଏକ ଷଣ୍ଢ ଅଲଗା ରହୁଥିବା ବ୍ୟକ୍ତିଙ୍କ କୁଣ୍ତା ଖାଇ ଯିବାରେ ସାମାନ୍ୟ ପାଟିତୁଣ୍ଡ ହେବାରୁ ଅଭିଯୋଗ ହୋଇଥିଲା। ଏ ନେଇ ପୋଲିସ ଗୁରୁବାର ଗାଁରେ ପହଞ୍ଚି ତଦନ୍ତ କରି ୨ ପକ୍ଷକୁ ଥାନାକୁ ଡାକିଥିଲୋ। ମାତ୍ର ଗୋଟିଏ ପକ୍ଷର ୫୦ରୁ ଊଦ୍ଧର୍ବ ବ୍ୟକ୍ତି ଥାନାକୁ ଆସିଥିବାବେଳେ ଅନ୍ୟ ପକ୍ଷ ଆସି ନ ଥିଲେ। ପରେ ବିଳମ୍ବିତ ରାତ୍ରରେ ଗ୍ରାମବାସୀ ଗାଁକୁ ଫେରିଥିଲେ। ଏ ସମ୍ପର୍କରେ କୌଣସି ସମାଧାନ ବା କାହାରି ନାମରେ ମାମଲା ନ କରି ହଠାତ୍ ରାତ୍ର ପ୍ରାୟ ୧ ଟାରେ ପୋଲିସ ଏକ ଟିମ୍ ସହ ସଦଳବଳେ ଗ୍ରାମରେ ଚଢ଼ାଉ କରିଥିଲେ। ଜଣଙ୍କ ଘରେ ପଶିବାରୁ ମହିଳାମାନେ ପାଟି କରିବାରୁ ଗ୍ରାମବାସୀ ଉଠି ପଡ଼ିଥିଲେ। ଏଭଳି ଅଚାନକ ଘରେ ପଶିବାକୁ ଗ୍ରାମବାସୀ ସହଜରେ ଗ୍ରହଣ ନ କରି ପୋଲିସ ସହ ଯୁକ୍ତିତର୍କ କରିଥିଲେ। ପୋଲିସ ୨ଜଣ ଯୁବକଙ୍କୁ ଧରି ଗାଡିରେ ବସାଇବା ବେଳେ ଗ୍ରାମବାସୀ ଉତ୍ତ୍ୟକ୍ତ ହୋଇ ପୋଲିସ ଓ ଗାଡ଼ିକୁ ଅଟକ ରଖିଥିଲେ। ରାତ୍ର ୧ ଟା ରୁ ସକାଳ ୬ ଟା ପର୍ଯ୍ୟନ୍ତ ପୋଲିସ ଅଟକ ଥିବା ଖବର ପାଇ ଅନ୍ୟ ପୋଲିସ ଅଧକାରୀ ପହଞ୍ଚତ୍ଥିଲେ। ପୋଲିସ କେତେକ ଲୋକଙ୍କ ଘରେ ପଶି ମାରପିଟ କରିବା, ଭଙ୍ଗାରୁଜା କରିବା ସହ ମହିଳାମାନଙ୍କୁ ଅସଦାଚରଣ କରିଥିବା ଅଧିକାରୀଙ୍କୁ ଅଭିଯୋଗ କରିଥିଲେ। ପରେ ଲୋକଙ୍କୁ ବୁଝାଶୁଝା କରିବାରୁ ପୋଲିସଙ୍କୁ ଛାଡ଼ିଥିଲେ। ତେବେ ବିନା ମାମଲାରେ ପୋଲିସର ଏଭଳି ରାତିଅଧିଆ ଚଢ଼ାଉକୁ ନେଇ ନାନା ପ୍ରଶ୍ନ ସୃଷ୍ଟି କରୁଛି। ଏ ନେଇ ଗୋପ ଥାନାଧିକାରୀ ସାହୁଙ୍କ ଯୋଗାଯୋଗ କରିଥିଲେ ମଧ୍ୟ ସମ୍ଭବ ହୋଇପାରି ନ ଥିଲା।
