ଟୋକିଓ,୩୦ା୬: ଜାପାନରେ ରେକର୍ଡ ଭାଙ୍ଗିଛି ତାପମାତ୍ରା। ୧୮୭୫ ମସିହା ପରଠାରୁ ଅଧିକ ଉତ୍ତପ୍ତ ସହର ଭାବେ ପରିଗଣିତ ହୋଇଛି ଜାପାନ। ଲୋକଙ୍କୁ ଯଥାସମ୍ଭବ ବିଦ୍ୟୁତ୍ ସଞ୍ଚୟ କରିବାକୁ ଅନୁରୋଧ କରାଯାଉଛି। ଏଥିସହିତ ସରକାର ଉତ୍ତାପ ଜନିତ ରୋଗରୁ ରକ୍ଷା ପାଇବା ପାଇଁ ଲୋକଙ୍କୁ କ୍ରମାଗତ ଭାବରେ ବାୟୁ ସ୍ଥିତିକୁ ବ୍ୟବହାର କରିବାକୁ ପରାମର୍ଶ ଦେଉଛନ୍ତି। କାରଣ ଉତ୍ତାପ ହେତୁ ଡାକ୍ତରଖାନାଗୁଡ଼ିକରେ କ୍ରମାଗତ ଭାବେ ରୋଗୀଙ୍କ ସଂଖ୍ୟା ବୃଦ୍ଧି ପାଉଛି।
ଆଗାମୀ ଦିନରେ ଏପରି ଉତ୍ତାପ ଅବ୍ୟାହତ ରହିବ ବୋଲି ପାଣିପାଗ ବିଜ୍ଞାନୀମାନେ ଚେତାବନୀ ଦେଇଛନ୍ତି। ଟୋକିଓରେ କ୍ରମାଗତ ୫ ଦିନ ଧରି ତାପମାତ୍ରା ୩୫ ଡିଗ୍ରୀ ସେଲ୍ସିୟସରୁ ଅଧିକ ରେକର୍ଡ କରିଛି। ଏହି ସମୟରେ ରାଜଧାନୀର ଉତ୍ତର-ପଶ୍ଚିମ ସହର ଇସାକିରେ ୪୦.୨ ଡିଗ୍ରୀ ତାପମାତ୍ରା ରେକର୍ଡ ହୋଇଛି। ଯାହାକି ଜାପାନରେ ସର୍ବାଧିକ ତାପମାତ୍ରା।
ସବୁଠୁ ଚିନ୍ତାର ବିଷୟ ଜୁନ୍ରେ ଜାପାନରେ ବର୍ଷା ଋତୁ ଅଟେ। କିନ୍ତୁ ଜାପାନର ପାଣିପାଗ ବିଭାଗ ଟୋକିଓ ଏବଂ ଏହାର ଆଖପାଖ ଅଞ୍ଚଳ ପାଇଁ ଗ୍ରୀଷ୍ମ ଋତୁଠୁ ବି ଅଧିକ ଖରା ହେଉଥିବା କହିଛି।
