ବମ୍ବେ: ଶିକ୍ଷାଗତ ଯୋଗ୍ୟତା ଇଞ୍ଜିନିୟର। ହେଲେ ବୃତ୍ତିଗତ ଭାବେ ପେସାରେ ଅଭିନେତ୍ରୀ। ଆମେ କହୁଛୁ ବିଗ୍ ବସ୍ ୧୫ ବିଜେତା ତେଜସ୍ବୀ ପ୍ରକାଶଙ୍କ କଥା। ଆଜି ଅର୍ଥାତ ଜୁନ ୧୦ରେ ସେ ନିଜର ଜନ୍ମଦିନ ପାଳନ କରୁଛନ୍ତି। ତେଜସ୍ବୀଙ୍କ ଜନ୍ମ ଏକ ମରାଠି ପରିବାରରେ। ସେ ମୁମ୍ବାଇ ୟୁନିଭର୍ସିଟିରୁ ଇଲେକ୍ଟ୍ରୋନିକ୍ସ ଏବଂ ଟେଲିକମ୍ୟୁନିକେଶନରେ ଇଞ୍ଜିନିୟରିଂ ପଢ଼ା ଶେଷ କରିଛନ୍ତି।
୨୦୧୨ରେ ଲାଇଫ ଓକେରେ ପ୍ରସାରିତ ଶୋ’ ‘୨୬୧୨’ରୁ ସେ ନିଜର କ୍ୟାରିୟର ଆରମ୍ଭ କରିଥିଲେ। ଏହାପରେ ସେ ‘ଧରୋହର ଅପନୋ କି, ସ୍ବରାଗୀଣୀ, ପହେରଦାର ପିୟା କି, ସିଲ୍ସିଲା ବଦଲତେ ରିସ୍ତୋକା, ସଙ୍ଗୀନୀ ଭଳି ଧାରାବାହିକରେ କାମ କରିଛନ୍ତି।
ସାଉଦି ଆରବରେ ଜନ୍ମିତ ତେଜସ୍ବୀ ଚାରି ବର୍ଷ ଯାଏ ଭାରତୀୟ ଶାସ୍ତ୍ରୀୟ ସଂଙ୍ଗୀତ ବିଷୟରେ ଟ୍ରେନିଂ ନେଇଛନ୍ତି। କଲେଜ ଦିନରୁ ସେ ସୁନ୍ଦରୀ ପ୍ରତିଯୋଗୀତାରେ ଭାଗ ନେଉଥିଲେ। ଇଞ୍ଜିନିୟରିଂ କରିବା ପରେ ସେ କିଛି ଦିନ ଏହି ପେସାରେ କାମ କରିଥିଲେ। ଏହି ସମୟରେ ତାଙ୍କ ଫଟୋ ଖବରକାଗଜରେ ବାହାରିଥିଲା। ପରେ ତେଜସ୍ବୀ ‘ମୁମ୍ବାଇ ଫ୍ରେଶ ଫେସ୍’ ଜିତିବା ପରେ ତାଙ୍କ ଭାଗ୍ୟ ବଦଳିଯାଇଥିଲା। ସେ ଅଭିନୟ ଦୁନିଆରେ ପାଦ ରଖିଥିଲେ।
ବ୍ୟକ୍ତିଗତ ଜୀବନକୁ ଦେଖିଲେ ସେ ଏବେ କରନ୍ କୁନ୍ଦ୍ରାଙ୍କୁ ଡେଟ୍ କରୁଛନ୍ତି। ଉଭୟ ବିଗ୍ ବସ୍ ଘରେ ପରସ୍ପରକୁ ଭେଟିଥିଲେ। ଏବେ ଏହି ଯୋଡ଼ି ଗୋଆରେ ଜନ୍ମଦିନ ପାଳନ କରିବାକୁ ଯାଇଛନ୍ତି।
