କ୍ୱିଭ୍,୨୪।୨ : ରୁଷିଆ ୟୁକ୍ରେନ ଉପରେ ଆକ୍ରମଣ କରିଛି। କ୍ୱିିଭ୍, ଡୋନବାସ ଖାର୍କି, ଓଡେସା ସମେତ ବହୁ ଅଞ୍ଚଳରେ ପ୍ରଚଣ୍ଡ ବିସ୍ଫୋରଣର ଶବ୍ଦ ଶୁଣିବାକୁ ମିଳିଛି। ଘଟଣାସ୍ଥଳରେ ଉପସ୍ଥିତ ଗଣମାଧ୍ୟମ ପ୍ରତିନିଧିମାନେ ସୋସିଆଲ ମିଡିଆରେ କେତେକ ଭିଜୁଆଲ ଶେୟାର କରିଛନ୍ତି । ଯେଉଁଥିରେ ବିସ୍ଫୋରଣର ଘନ ଧୁଆଁ ଦେଖିବାକୁ ମିଳୁଛି। ୟୁକ୍ରେନର ବହୁ ଅଞ୍ଚଳରେ ଲୋକମାନଙ୍କ ମଧ୍ୟରେ ଭୟର ବାତାବରଣ ରହିଛି।
କ୍ୱିଭ୍ ରାସ୍ତାରେ ପ୍ରବଳ ଟ୍ରାଫିକ୍ ଯୋଗୁ ଜାମ ସ୍ଥିତି ସୃଷ୍ଟି ହୋଇଥିବା ରିପୋର୍ଟ ହୋଇଛି। ଲୋକମାନେ ଜୀବନ ଭୟରେ ସୁରକ୍ଷିତ ଅଞ୍ଚଳ ମୁହାଁ ହୋଇଛନ୍ତି। ଆଖିରେ ଆଖିଏ ଲୁହ, ମନରେ କୋହ ନେଇ ଜୀବନ ଭୟରେ ଲୋକେ ଏୟାର ସାଇରନ ଶବ୍ଦ ଶୁଣି ଦୌଡ଼ାଦୌଡ଼ି କରୁଥିବାର ଦେଖିବାକୁ ମିଳିଛି।
ୟୁକ୍ରେନର ରାଜଧାନୀ କ୍ୱିଭ୍ରେ ଏୟାର ଆଟାକ ସାଇରନ ପ୍ରତିଧ୍ୱନିତ ହେଉଛି। ସକାଳୁୁ ବିସ୍ଫୋରଣ ଶବ୍ଦ ଶୁଣିବାକୁ ମିଳୁଛି। କ୍ୱିଭ୍ ରାସ୍ତାରେ ରୁଷିଆଠାରୁ ବିପରୀତ ଦିଗରେ କାରଗୁଡିକ ଚାଲୁଥିବାର ଦେଖାଯାଉଛି।
ଜୀବନ ଭୟରେ ଲୋକେ ରାଜଧାନୀ କ୍ୱିଭ୍ ଛାଡୁଛନ୍ତି। ଲୋକମାନେ ମେଟ୍ରୋ ଷ୍ଟେସନ ବାହାରେ ଭାବପ୍ରବଣ ହୋଇ ପରସ୍ପରକୁ ବିଦାୟ ଦେଉଛନ୍ତି। ସେହିପରି ଏଟିଏମ୍ ବାହାରେ ଲମ୍ବା ଲାଇନ ଦେଖିବାକୁ ମିଳୁଛି।
