କେବୁଲ୍‌ ଟିଭି ମାଧ୍ୟମରେ ଶିକ୍ଷାଦାନ: ୨୭୩ ପ୍ରଧାନଶିକ୍ଷକଙ୍କ ସହ ଡିଇଓଙ୍କ ଗୁଗଲ୍‌ ମିଟ୍‌

ଜଗତ୍‌ସିଂହପୁର ଅଫିସ, ୩୧।୭: ଜଗତ୍‌ସିଂହପୁର ଜିଲା ଶିକ୍ଷା ଅଧିକାରୀ (ଡିଇଓ) ପ୍ରତିଭା ମଞ୍ଜରୀ ଦାସ ଜିଲାର ୨୭୩ ମାଧ୍ୟମିକ ବିଦ୍ୟାଳୟ ପ୍ରଧାନଶିକ୍ଷକଙ୍କ ସହ ଗୁରୁବାର ଗୁଗଲ୍‌ ମିଟ୍‌ କରିଛନ୍ତି। ଏଥିରେ ଡିଇଓ ୧ମରୁ ୮ମ ଶ୍ରେଣୀର ଛାତ୍ରୀଛାତ୍ରଙ୍କ ମଧ୍ୟାହ୍ନଭୋଜନ ଚାଉଳ ଓ ଅନ୍ୟ ଅର୍ଥରାଶି ପ୍ରଦାନ, ମାଟ୍ରିକ ପରୀକ୍ଷା ଫଳ, କେବୁଲ୍‌ ମାଧ୍ୟମରେ ଅନ୍‌ଲାଇନ୍‌ରେ ଶିକ୍ଷାଦାନ, ବିଦ୍ୟାଳୟ ଅନୁଦାନର ବିନିଯୋଗ ପ୍ରମାଣପତ୍ର, ନ୍ୟାଶନାଲ ସ୍କଲାରଶିପ୍‌ (ଜାତୀୟ ବୃତ୍ତି) ପୋର୍ଟାଲରେ ବିଦ୍ୟାଳୟଗୁଡିକ ପଞ୍ଜୀକରଣ କରାଯିବା ଓ ଶିକ୍ଷୟିତ୍ରୀଶିକ୍ଷକଙ୍କ ଅନଲାଇନ୍‌ ଶିକ୍ଷାଦାନ ଉପରେ ଜ୍ଞାନ ବୃଦ୍ଧି ପାଇଁ ଚକ୍‌ଲିଟ୍‌ ଆପ୍‌ରେ ନାମ ପଞ୍ଜୀକରଣ ଆଦି ଉପରେ ସମୀକ୍ଷା କରିଥିଲେ।
ସେ କହିଥିଲେ, ମାର୍ଚ୍ଚ ୧୩ରୁ ଜୁନ ୧୩ ପର୍ଯ୍ୟନ୍ତ ପ୍ରଥମରୁ ଅଷ୍ଟମ ଶ୍ରେଣୀ ଛାତ୍ରୀଛାତ୍ରଙ୍କୁ ମଧ୍ୟାହ୍ନଭୋଜନ ଚାଉଳ ଓ ଖର୍ଚ୍ଚ ବାବଦ ଅର୍ଥ ଦିଆଯାଇଛି। ଏବେ ଜୁନ ୧୪ରୁ ଅଗଷ୍ଟ ୩୧ ପର୍ଯ୍ୟନ୍ତ ପୁନଶ୍ଚ ୫୭ ଦିନର ଚାଉଳ ପ୍ରଦାନ କରାଯିବ। ଏହା ବିଦ୍ୟାଳୟ ପରିଚାଳନା ସମିତି ସଦସ୍ୟଙ୍କ ଉପସ୍ଥିତିରେ କରୋନା ମୁକାବିଲା ସମ୍ପର୍କିତ ସତର୍କତା ଅବଲମ୍ବନପୂର୍ବକ କରାଯିବ। ଅନ୍ୟ ଖର୍ଚ୍ଚ ବାବଦକୁ ଅର୍ଥ ସେମାନଙ୍କ ଆକାଉଣ୍ଟକୁ ପଠାଯିବ। ଆଇଏଫ୍‌ଏ (ଆଇରନ୍‌ ଓ ଫଲିକ ଏସିଡ୍‌ ଥିବା) ବଟିକା ମଧ୍ୟ ପ୍ରଦାନ କରାଯିବାକୁ ନିର୍ଦ୍ଦେଶ ଦିଆଯାଇଥିଲା। ଚଳିତ ମାଟ୍ରିକ ପରୀକ୍ଷା ଫଳ ଆଶାଜନକ ହୋଇ ନ ଥିବାରୁ ଡିଇଓ କ୍ଷୋଭ ପ୍ରକାଶ କରିଥିଲେ। ଗତବର୍ଷ ଏ-୧ ଗ୍ରେଡ୍‌ ୪୨ ଜଣ ପାଇଥିଲେ, ଚଳିତବର୍ଷ କାହିଁକି ୪୦କୁ ଖସିଲା ସେନେଇ ଅସନ୍ତୋଷ ପ୍ରକାଶ କରିଥିଲେ। ପ୍ରଧାନଶିକ୍ଷକମାନେ ଏ ବାବଦରେ ତର୍ଜମା କରିବା ଜରୁରୀ ବୋଲି କହିଥିଲେ। କରୋନା ଯୋଗୁ ଶିକ୍ଷାଦାନ ପ୍ରକ୍ରିୟା ପ୍ରଭାବିତ ହୋଇଥିବାରୁ ଛାତ୍ରୀଛାତ୍ରଙ୍କୁ ଅନଲାଇନ୍‌ ପାଠ୍ୟଦାନ ଜରୁରୀ ହୋଇ ପଡିଥିବା କୁହାଯାଇଥିଲା। ଜିଲାରେ ଅନଲାଇନ୍‌ ପାଠପଢାକୁ କିପରି ଅଧିକ କ୍ରିୟାଶୀଳ କରାଯାଇ ପାରିବ ତା’ ଉପରେ ବିସ୍ତୃତ ଆଲୋଚନା ହୋଇଥିଲା। ପ୍ରାଥମିକ ପର୍ଯ୍ୟାୟରେ ୧୦ମ ଶ୍ରେଣୀର ଛାତ୍ରୀଛାତ୍ରଙ୍କ ପାଇଁ ସ୍ଥାନୀୟ ଏକ କେବୁଲ ଚ୍ୟାନେଲ (ଟିଭି) ମାଧ୍ୟମରେ ଶିକ୍ଷାଦାନ କରାଯିବ। ପରେ ୯ମ ଓ ସଫଳତା ମିଳିଲେ ଅନ୍ୟ ଶ୍ରେଣୀର ପିଲାଙ୍କ ପାଇଁ ଏଭଳି ଶିକ୍ଷାଦାନ କରାଯିବାକୁ ବ୍ୟବସ୍ଥା ହେବ। ଏନେଇ ଶୁକ୍ରବାର ଜିଲାର ସାଧନ କର୍ମୀ ଓ କୃତୀ ଶିକ୍ଷକମାନଙ୍କୁ ନେଇ ଡିଇଓ ପୁଣିଥରେ ଗୁଗଲ ମିଟ୍‌ କରିବେ। ଭାରତ ସରକାର ଚକ୍‌ଲିଟ୍‌ ଆପ୍‌ ଜରିଆରେ ଶିକ୍ଷକଙ୍କୁ ଅଡିଓ, ଭିଡିଓ ସହ କିପରି ଭଲ ଶିକ୍ଷାଦାନ କରିପାରିବେ ସେ କୌଶଳ ଅନଲାଇନ୍‌ରେ ପ୍ରଦାନ କରୁଛନ୍ତି। ଏନେଇ ନାମ ପଞ୍ଜୀକରଣ ଆବଶ୍ୟକ ହେଉଛି। ତେଣୁ ଜିଲାର ଶିକ୍ଷୟିତ୍ରୀଶିକ୍ଷକ ଶୀଘ୍ର ନାମ ପଞ୍ଜୀକରଣ କରିବାକୁ ପରାମର୍ଶ ଦିଆଯାଇଛି। ଭାରତ ଏବଂ ଓଡ଼ିଶା ସରକାରଙ୍କ ତରଫରୁ ନ୍ୟାଶନାଲ ସ୍କଲାରଶିପ୍‌ (ଜାତୀୟ ବୃତ୍ତି) ପୋର୍ଟାଲରେ ବିଦ୍ୟାଳୟଗୁଡିକୁ ପଞ୍ଜୀକରଣ କରାଯିବାକୁ ପରାମର୍ଶ ଦିଆଯାଇଥିଲା। ତାହା ନ ହେଲେ ପିଲାଙ୍କ ନାଁ ଏଥିରେ ସଂଯୋଗ କରିହେବ ନାହିଁ। ଇନ୍‌ସ୍ପେୟାରମାନକ ବିଜ୍ଞାନ ପ୍ରକଳ୍ପ ପ୍ରତିଯୋଗିତା ପାଇଁ ଛାତ୍ରୀଛାତ୍ରଙ୍କୁ ଆଗକୁ ନେବାକୁ ପଡିବ। ତେଣୁ ଏନେଇ ପିଲାଙ୍କ ମଧ୍ୟରେ ଆଇଡିଆ ପ୍ରତିଯୋଗିତା କରାଇ ଇନ୍‌ସ୍ପେୟାରମାନକ ପୋର୍ଟାଲରେ ବିଦ୍ୟାଳୟ ତରଫରୁ ପିଲାମାନଙ୍କ ନାମ ପଞ୍ଜୀକରଣ କରାଇବାକୁ କୁହାଯାଇଥିଲା। ୬୦ କୃତୀ ଛାତ୍ରୀଛାତ୍ରଙ୍କ ନାଁ ଏହି ପୋର୍ଟାଲରେ ପଞ୍ଜୀକରଣ କରାଯାଇଥିଲେ ସୁଦ୍ଧା ସେମାନଙ୍କ ଆକାଉଣ୍ଟରେ ଅନ୍ୟ ନାଁ ରହିଛି। ଯେଉଁଥିପାଇଁ ଏହି ପିଲାମାନେ ଜାତୀୟ ଆୟଭିତ୍ତିକ ମେଧାବୃତ୍ତି ଓ ଜାତୀୟ ଗ୍ରାମାଞ୍ଚଳ ମେଧାବୃତ୍ତି ଅର୍ଥରାଶି ପାଇବାରୁ ବଞ୍ଚତ୍ତ ହେଉଛନ୍ତି। ତେଣୁ ନାମ ଠିକ ଭାବରେ ପଞ୍ଜୀକରଣ କରିବାକୁ ପରାମର୍ଶ ଦିଆଯାଇଥିଲା। କାର୍ଯ୍ୟକ୍ରମକୁ ଜିଲା ବିଜ୍ଞାନ ପରିଦର୍ଶକ ସୁଭାଷ ଚନ୍ଦ୍ର ରାଉତ ସଂଯୋଜନା କରିଥିବା ବେଳେ ଜୀବନ କୁମାର ସାହୁ ସହାୟତା କରିଥିଲେ।


Enter your email to get our daily news in your inbox.

All Right Reserved By Dharitri.Com

ସଙ୍ଗରୋଧ ଗୃହରେ ସାବିତ୍ରୀ ବ୍ରତ

ଭଞ୍ଜନଗର,୨୨।୫(ଡି.ଏନ.ଏ)- ଜଗନ୍ନାଥପ୍ରସାଦ ବ୍ଲକ ବିଡ଼ିପୁର ଗ୍ରାମରେ ଥିବା ସଙ୍ଗରୋଧ ଗୃହରେ ଶୁକ୍ରବାର ପ୍ରବାସୀ ମହିଳା ସାବିତ୍ରୀ ବ୍ରତ କରିଥିଲେ। ଏଥିରେ ସରପଞ୍ଚ କୃଷ୍ଣଚନ୍ଦ୍ର ରଥ ପୂଜାରୀ...

ଗଜପତିରେ ପୁଣି ୧୦ କରୋନା ପଜିଟିଭ

ପାରଳାଖେମୁଣ୍ଡି, ୬ା୬ (ସ୍ବ.ପ୍ର.) – ଗଜପତି ଜିଲାରେ ପୁଣି ୧୦ କରୋନା ପଜିଟିଭ ଚିହ୍ନଟ ହୋଇଛନ୍ତି ା ଏହି ସଂଖ୍ୟା ଶନିବାର ୬୧ରେ ପହଞ୍ଚିଛି ା...

ଗରିବ, ଅସହାୟଙ୍କୁ ମାସ୍କ

ବରଗଡ଼ ଅଫିସ୍‌,୨।୫: ଭାରତ ସ୍କାଉଟ୍‌ ଆଣ୍ଡ୍‌ ଗାଇଡ୍‌ର ବରଗଡ଼ ଶାଖା ଗରିବ, ଅସହାୟଙ୍କୁ ମାସ୍କ ବାଣ୍ଟିଛି । ଭାଗୀରଥି ମହାରଣାଙ୍କ ତତ୍ତ୍ବାବଧାନରେ ସ୍ଥାନୀୟ ଗାନ୍ଧୀଛକ, କଚେରୀ...

ଜଙ୍ଗଲରେ ଗୁଳିମାଡ ଘଟଣା: ଭାଇ ସମେତ ୨ ଗିରଫ

ଶଙ୍କରାଖୋଲ,୨୧ା୬(ଡି.ଏନ୍‌.ଏ.): ଚକାପାଦ ବ୍ଲକ ଟିକାବାଲି ଥାନା ମିଣିଆଖଡି ଜଙ୍ଗଲରେ ଶନିବାର ଗୁଳି ମାଡରେ ଆରାବାକା ପଞ୍ଚାୟତ କାମ୍ବିରିକିଆ ଗ୍ରାମର ଜନକ ମଲ୍ଲିକ ଗୁରୁତର ହୋଇଥିଲେ। ଏହି...

କଟକ କରୋନା ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିଲେ୧୯; ସମସ୍ତ ରିପୋର୍ଟ ନେଗେଟିଭ୍‌ : ଜିଲାପାଳ

କଟକ ଅଫିସ,୬।୪: କଟକ ସହରର ପ୍ରଥମ କରୋନା ଆକ୍ରାନ୍ତଙ୍କ ସଂସ୍ପର୍ଶରେ ୧୯ଜଣ ଆସିଥିବା ପ୍ରାରମ୍ଭିକ ପର୍ଯ୍ୟାୟରେ ଜଣାପଡ଼ିଛି। ସେମାନଙ୍କ ନମୂନା ସଂଗ୍ରହ କରାଯାଇଥିଲା। ସମସ୍ତଙ୍କ ରିପୋର୍ଟ...

ଏନଏସି ପାରିଲାନି, ଗାଁ ସଫେଇ କଲେ ଯୁବଗୋଷ୍ଠୀ

ଗଞ୍ଜାମ ଅଫିସ୍‌,୧୦।୯: ଗତ ଅଗଷ୍ଟ ୩୦ରୁ ଗଞ୍ଜାମ ଏନଏସିର ପରିମଳ କାର୍ଯ୍ୟ ଠପ ହୋଇଯାଇଛି l ଯାହା ଫଳରେ ସହରରେ ପରିମଳ ସମ୍ପୂର୍ଣ୍ଣ ବିପର୍ଯ୍ୟସ୍ତ ହୋଇପଡିଛି...

ପୁଣି ବାହାରୁ ରୋଗୀ କିଣିଲେ ମେଡିସିନ: ସମ୍ପର୍କୀୟ ତାତିଲା ପରେ ଚେତିଲେ କର୍ତ୍ତୃପକ୍ଷ

ଅନୁଗୋଳ ଅଫିସ, ୧ା୧୧- ୫-ଟି ସଚିବଙ୍କ ତାଗିଦ ପରେ ବି ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟକୁ ଆସୁଥିବା ରୋଗୀଙ୍କ ମଧ୍ୟରୁ ଅନେକଙ୍କୁ ବାହାରୁ ଔଷଧ କିଣିବାକୁ...

ଚିଲିକାରେ ଡଙ୍ଗା ଯୋଗେ ପୁରୀ ଜିଲାକୁ ହେଉଛି ଚାଲାଣ: ରମ୍ଭା ପୋଲିସର ଚଢ଼ାଉ; ୨ହଜାର ଲିଟର ଦେଶୀ ମଦ ଜବତ,୮ ଗିରଫ

ଛତ୍ରପୁର, ୧୬।୫(ଡି.ଏନ୍‌.ଏ.)- ଚିଲିକାରେ ଡ଼ଙ୍ଗା ଯୋଗେ ଗଞ୍ଜାମ ଜିଲାରୁ ପୁରୀ ଜିଲାର ପାରିକୁଦ ଅଞ୍ଚଳକୁ ଚୋରା ମଦ ବିକ୍ରି ପାଇଁ ଚାଲାଣ ବେଳେ ଶନିବାର ରମ୍ଭା...

Coronavirus Update


Archives

Model This Week

Why Dharitri