ଲକ୍ଷ୍ନୌ,୧୧।୭: ଉତ୍ତର ପ୍ରଦେଶର ସମ୍ଭଲ ଜିଲାର ସରିଫପୁର ଗ୍ରାମର ଉଚ୍ଚ ପ୍ରାଥମିକ ବିଦ୍ୟାଳୟରେ ପୋଷ୍ଟ ହୋଇଥିବା ଶିକ୍ଷକ ପ୍ରେମ ଗୋୟଲ ତାଙ୍କର ୬ ଘଣ୍ଟିଆ ଡ୍ୟୁଟି ସମୟରେ ମୋବାଇଲକୁ ତିନି ଘଣ୍ଟା ବ୍ୟବହାର କରୁଥିଲେ। ଏହି ସମୟରେ ସେ କ୍ୟାଣ୍ଡିକ୍ରସ ଖେଳ ୧.୧୭ ଘଣ୍ଟା ପାଇଁ ଖେଳୁଥିଲେ। ଜିଲା ମାଜିଷ୍ଟ୍ରେଟ ରାଜେନ୍ଦ୍ର ପାନସିଆଙ୍କ ନିର୍ଦ୍ଦେଶରେ ତାଙ୍କୁ ଚାକିରିରୁ ନିଲମ୍ବିତ କରାଯାଇଛି।
ଜିଲା ମାଜିଷ୍ଟ୍ରେଟ ରାଜେନ୍ଦ୍ର ପାନସିଆ ଶରିଫପୁର ଗୋଶାଳାରେ ପହଞ୍ଚି ପଶୁମାନଙ୍କ ମୃତ୍ୟୁ ସମ୍ପର୍କରେ ସୂଚନା ଯାଞ୍ଚ କରିଥିଲେ। ଅପରାହ୍ନରେ ଫେରୁଥିବା ବେଳେ ସେ ଗାଁର ଉଚ୍ଚ ପ୍ରାଥମିକ ବିଦ୍ୟାଳୟରେ ପହଞ୍ଚିଥିଲେ। ଡିଏମ ବିଦ୍ୟାଳୟରେ ପୋଷ୍ଟ ହୋଇଥିବା ଶିକ୍ଷକ ପ୍ରେମ ଗୋୟଲଙ୍କ ମୋବାଇଲ ଫୋନ ଯାଞ୍ଚ କରି ଜାଣିବାକୁ ପାଇଲେ, ଡ୍ୟୁଟିରେ ଥିବାବେଳେ ଶିକ୍ଷକ ମୋବାଇଲ ଫୋନ ବ୍ୟବହାର କରି ତିନି ଘଣ୍ଟା ବିତାଇଛନ୍ତି। ଡ୍ୟୁଟିରେ ଥିବାବେଳେ ଶିକ୍ଷକ କ୍ୟାଣ୍ଡିକ୍ରସ ଖେଳ ୧.୧୭ ଘଣ୍ଟା ଖେଳିଥିଲେ ଏବଂ ବାକି ୧.୪୩ ମିନିଟ ସୋସିଆଲ ମିଡିଆ ଏବଂ କଲରେ ବିତାଇଥିଲେ। ଏହା ଦେଖି ଡିଏମଙ୍କ ରାଗ ବଢି ଯାଇଥିଲା। ସେ ଶିକ୍ଷକଙ୍କୁ ନିଲମ୍ବନ କରିବାକୁ ମୌଳିକ ଶିକ୍ଷା ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ। ଅନ୍ୟ ଶିକ୍ଷକମାନଙ୍କୁ ମଧ୍ୟ ଚେତାବନୀ ଦେଇଥିଲେ।
