କାବୁଲ,୫।୧: ଦୀର୍ଘ ଦିନ ଧରି ପାକିସ୍ତାନ ଏବଂ ଆଫଗାନିସ୍ତାନ ମଧ୍ୟରେ ସୀମା ବିବାଦ ଏକ ପ୍ରମୁଖ ପ୍ରସଙ୍ଗ ହୋଇଆସୁଛି ଯାହା ନିକଟ ଅତୀତରେ ଗଭୀର ହେବାରେ ଲାଗିଛି। ନିକଟରେ ପାକିସ୍ତାନ ଆଫଗାନିସ୍ତାନ ଭିତରେ ଆତଙ୍କବାଦୀ ଶିବିର ଉପରେ ଏୟାର ଷ୍ଟ୍ରାଇକ କରି ଅନେକ ତାଲିବାନ ଯୋଦ୍ଧାଙ୍କୁ ହତ୍ୟା କରିଥିଲା। ଏହା ପରେ ଆଫଗାନିସ୍ତାନ ଏହାର ପ୍ରତିଶୋଧ ନେବାକୁ ଦାବି କରିଥିଲା।
ତାଲିବାନ ସମ୍ପର୍କରେ ପାକିସ୍ତାନ ପ୍ରଧାନମନ୍ତ୍ରୀ ଶାହାବାଜ ସରିଫ କଡା ବିବୃତ୍ତି ଦେଇଛନ୍ତି। ସେ କହିଛନ୍ତି ଯେ ତାଲିବାନକୁ ଦମନ ନକରି ପାକିସ୍ତାନ ଆଗକୁ ଯାଇପାରିବ ନାହିଁ। ଏହି ସମୟରେ, ପାକିସ୍ତାନରେ ଆଫଗାନିସ୍ତାନର ଏକ ଅଂଶ ୱାଖାନକୁ କାବୁ କରିବା ନେଇ ତାଲିବାନ କ୍ରୋଧିତ ହୋଇଛି।
ତାଲିବାନର ଉପ ବୈଦେଶିକ ମନ୍ତ୍ରୀ କହିଛନ୍ତି, ୧୯୭୩ ଏବଂ ୧୯୮୯ରେ ଜାଲାଲାବାଦର ଉଭୟ ଯୁଦ୍ଧରେ ଏବଂ ଆଫଗାନିସ୍ତାନ ଭିତରେ କୁନାର ନଦୀ ଯୁଦ୍ଧରେ ପାକିସ୍ତାନ ପରାସ୍ତ ହୋଇଥିଲା। ବାହ୍ୟ ଯୁଦ୍ଧରେ ପାକିସ୍ତାନର ସେନା କ୍ରମାଗତ ପରାଜୟର ସମ୍ମୁଖୀନ ହୋଇଥିଲା। ଏହାର ସୀମା ବାହାରେ ପାକିସ୍ତାନ ଜିତିବାରେ ସକ୍ଷମ ହୋଇ ନାହିଁ। ଯେକୌଣସି ବଡ ଯୁଦ୍ଧ ପାକିସ୍ତାନ ଜିତି ପାରି ନାହିଁ। ପାକିସ୍ତାନ ନିଜ ଦେଶରେ ସଂଖ୍ୟାଲଘୁମାନଙ୍କ ଉପରେ ଅତ୍ୟାଚାର କରେ…, ବଲୁଚ ଓ ପସ୍ତୁନୋଲୋକଙ୍କ ବିରୋଧାର ଅତ୍ୟାଚାର କରେ, ଏହା ଉପରେ କାର୍ଯ୍ୟ କରିବା ଉଚିତ୍। ଓ୍ବାଖରାନ କରିଡର ଉପରେ ପାକିସ୍ତାନର କବଜା କରିବାର ପ୍ରୟାସ ମୂର୍ଖତାରେ ପରିପୂର୍ଣ୍ଣ।
ଏହି ପରି ଭାବରେ ତାଲିବାନ ପାକିସ୍ତାନକୁ ଏକ ବଡ ଚେତାବନୀ ଦେଇଛି ଯେ ଯଦି ଆଫଗାନିସ୍ତାନର କୌଣସି ଅଂଶକୁ ଅନୁପ୍ରବେଶ କରିବାକୁ କିମ୍ବା ଭାଙ୍ଗିବାକୁ ଚେଷ୍ଟା କରେ ତେବେ ଏହା ଏକ ବଡ ଭୁଲ ହେବ। ଏହାପୂର୍ବରୁ ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ ସରିଫ ଦେଶର ରାଜନୈତିକ ଏବଂ ସାମରିକ ହିତାଧିକାରୀଙ୍କୁ ଏକଜୁଟ ହେବା ପାଇଁ ନିବେଦନ କରିଥିଲେ ଏବଂ ଦେଶରେ ବଢୁଥିବା ସୁରକ୍ଷା ସଙ୍କଟକୁ ମୁକାବିଲା କରିବାର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ।
