ଚେନ୍ନାଇ,୨୪।୪: ସନରାଇଜର୍ସ ହାଇଦ୍ରାବାର ଦ୍ରୁତ ବୋଲର ଟି ନଟରାଜନ ଆହତ ସମସ୍ୟା ନେଇ ଇଣ୍ଡିଆନ ପ୍ରିମିୟର ଲିଗ୍(ଆଇପିଏଲ୍)ରୁ ବାହାର ହୋଇଛନ୍ତି। ଆଣ୍ଠୁରେ ଆଘାତ ଲାଗିଥିବାରୁ ତାଙ୍କର ସର୍ଜରୀ କରାଯିବା ଜରୁରୀ ହୋଇପଡ଼ିଛି। ତେବେ ହାଇଦ୍ରାବାଦ ପକ୍ଷରୁ ଆଧିକାରୀକ ଟୁଇଟର ହ୍ୟାଣ୍ଡେଲରେ ନଟରାଜନ କହିଛନ୍ତି, ମୁଁ ଏହି ଆଇପିଏଲ୍ ମଧ୍ୟରେ ହୋଇଥିବା ମ୍ୟାଚ୍ରେ ଖେଳି ପାରୁ ନ ଥିବାରୁ ବହୁତ ଦୁଃଖି। ଗତ ସିଜିନରେ ଭଲ ଖେଳିଥିଲି। ଏହାପରେ ଭାରତ ପାଇଁ ଖେଳିବାକୁ ସୁଯୋଗ ପାଇଥିଲି। ଏଣୁ ମୋର ନିଜ ଉପରେ ଅଧିକ ଆଶା ରହିଥିଲା। ମାତ୍ର ଦୁର୍ଭାଗ୍ୟବଶତଃ ସର୍ଜରୀ ଯୋଗୁ ଆଉ ଖେଳି ହେବ ନାହିଁ ବୋଲି ସେ କହିଛନ୍ତି।
ଅଷ୍ଟ୍ରେଲିଆ ଗସ୍ତ ସମୟରୁ ନଟରାଜନ ଆହତ ହୋଇଥିଲେ। ସେ ସମ୍ପୂର୍ଣ୍ଣ ସୁସ୍ଥ ହୋଇ ନ ଥିବା ବେଳେ ଖେଳ ଜାରି ରଖିଥିବା କୁହାଯାଉଛି। ଏବେ ସମସ୍ୟା ହେବା କାରଣରୁ ଏହି ୩୦ ବର୍ଷୀୟ ଖେଳାଳିଙ୍କ ସର୍ଜରୀ କରାଯିବ। ଏଯାବତ ସେ ସନରାଇଜର୍ସ ପକ୍ଷରୁ କେବଳ ଦୁଇଟି ମ୍ୟାଚ୍ ଖେଳିଥିବା ବେଳେ ଆଗାମୀ ସମସ୍ତ ମ୍ୟାଚ୍ ପାଇଁ ଦଳକୁ ଶୁଭକାମନା ଜଣାଇଛନ୍ତି।
