ଶୀତ ଆସିଲେ ସ୍ବେଟର୍ର ଚାହିଦା ବଢିଯାଏ। ଯେଉଁଥିପାଇଁ ପ୍ରତିବର୍ଷ ନୂଆନୂଆ ଡିଜାଇନ୍ର ସ୍ବେଟର୍ ମାର୍କେଟ୍କୁ ଆସେ। ତେବେ କେଉଁ ଟାଇପ୍ର ସ୍ବେଟର୍କୁ କିଭଳି କ୍ୟାରି କଲେ ଶୀତରେ ବି ଡିଫରେଣ୍ଟ ଲୁକ୍ ମିଳିପାରିବ ଜାଣନ୍ତୁ ସେ ସମ୍ପର୍କରେ …
* କାର୍ଡିଗନ୍ ସ୍ବେଟର୍: ଏହି ଟାଇପ୍ର ସ୍ବେଟର୍ ସବୁବେଳେ ଟ୍ରେଣ୍ଡରେ ରହିଥାଏ। ଏହାର ମଧ୍ୟ ଅନେକ ଭେରାଇଟି ଦେଖିବାକୁ ମିଳେ। ତେବେ ଲଙ୍ଗ୍ ସ୍ଲିଭ୍ ଥିବା କାର୍ଡିଗନ୍, ଯାହାର ସାମ୍ନାପଟେ ବଟନ୍ ଲାଗିଥାଏ; ତାହାକୁ ଯେ କୌଣସି ସିମ୍ପଲ ଆଉଟ୍ଫିଟ୍ ଉପରେ ପିନ୍ଧି ଟ୍ରେଣ୍ଡି ଲୁକ୍ ପାଇହେବ। ଏବେ ମାର୍କେଟ୍ରେ ବିନା ବଟନ୍ବାଲା କାର୍ଡିଗନ୍ ତଥା ଓପନ୍ କାର୍ଡିଗନ୍, ଯାହାକୁ ଓପନ୍ ସ୍ବେଟର୍ ବୋଲି ବି କୁହାଯାଏ, ତାହାର ଅନେକ ଭେରାଇଟି ଆସୁଥିବା ଦେଖିବାକୁ ମିଳୁଛି।
* ପୁଲ୍ ଓଭର୍ ସ୍ବେଟର୍: ଏହି ଟାଇପ୍ର ସ୍ବେଟର୍ରେ ଆଦୌ ବଟନ୍ ଲାଗି ନ ଥାଏ ଏବଂ ଏହାକୁ ମୁଣ୍ଡରେ ଗଳେଇ କି ପିନ୍ଧିବାକୁ ହୁଏ। ଦେଖିବାକୁ କ୍ଲାସି ଲାଗୁଥିବା ଏହି ଟାଇପ୍ର ସ୍ବେଟର୍କୁ ମୁଖ୍ୟତଃ ଜିନ୍ସ ଓ ଟପ୍ସ ଉପରେ ପିନ୍ଧିଲେ ସ୍ମାର୍ଟ ଲୁକ୍ ମିଳିଥାଏ।
* ଭି-ନେକ୍ ସ୍ବେଟର୍: କାଜୁଆଲ୍ ଲୁକ୍ ପାଇଁ ଏହି ଟାଇପ୍ର ସ୍ବେଟର୍ ପରଫେକ୍ଟ। ମୁଖ୍ୟତଃ ଫର୍ମାଲ୍ ଶାର୍ଟ ଓ ପ୍ୟାଣ୍ଟ ସାଙ୍ଗକୁ ଏହି ସ୍ବେଟର୍ ପିନ୍ଧି ତାହାକୁ ଇନ୍ କଲେ ଡିଫରେଣ୍ଟ ଲୁକ୍ ମିଳିଥାଏ।
* ଟ୍ୟୁନିକ୍ ସ୍ବେଟର୍: ମହିଳାମାନେ ଏହି ଟାଇପ୍ର ସ୍ବେଟର୍କୁ ଲଙ୍ଗ୍ ଶାର୍ଟ ପରି ପିନ୍ଧିବାକୁ ବେଶ୍ ପସନ୍ଦ କରିଥାନ୍ତି। ବିଶେଷକରି ଏହାର କଲାର୍, ହାତ ଏବଂ ଅଣ୍ଟାର ବର୍ଡରରେ ହୋଇଥିବା କୁଞ୍ଚୁକୁଞ୍ଚତ୍ଆ ବା ଫର୍ଲ ଡିଜାଇନ୍ ଏହାକୁ ଅନ୍ୟ ସ୍ବେଟର୍ଠାରୁ ଭିନ୍ନ ଲୁକ୍ ଦେଇଥାଏ।
* ଟର୍ଟଲନେକ୍ ସ୍ବେଟର୍: ଯେଉଁ ସ୍ବେଟର୍ର କଲାର୍ ହାଈ ନେକ୍ ହେବା ସହ ଫୁଲିକି ରହି ଫୋଲ୍ଡ ହୋଇ ରହିଥାଏ, ତାହାକୁ ଟର୍ଟଲନେକ୍ ସ୍ବେଟର୍ କୁହାଯାଏ। ଏହି ସ୍ବେଟର୍ ଯୋଗୁ ବେକ ପୂରାପୂରି କଭର୍ ହୋଇଯାଏ। ମୁଖ୍ୟତଃ ଜିନ୍ସ ପ୍ୟାଣ୍ଟ ସହ ଏହାକୁ ପିନ୍ଧିଲେ କ୍ଲାସି ଲୁକ୍ ମିଳିଥାଏ।
* ସ୍ବେଟର ଭେଷ୍ଟ: ଏହି ସ୍ବେଟର ମୁଖ୍ୟତଃ ସ୍ଲିଭ୍ଲେସ୍ ଡିଜାଇନ୍ର। କିନ୍ତୁ ଦେଖିବାକୁ ସୁନ୍ଦର ଲାଗେ। ଖାସ୍ କରି ଜିନ୍ସ ପ୍ୟାଣ୍ଟ କିମ୍ବା ସ୍କର୍ଟ୍ ସହ ଏହି ଟାଇପ୍ର୍ ସ୍ବେଟର ପିନ୍ଧିଲେ ଲୁକ ବେଶ୍ ଆକର୍ଷଣୀୟ ଦେଖାଯାଏ। ସବୁଠୁ ବଡ଼ କଥା ହେଉଛି, ଏହି ଟାଇପ୍ର ସ୍ବେଟରକୁ ଉଭୟ ପୁରୁଷ ଓ ମହିଳା ବେଶ୍ ଆରାମରେ କ୍ୟାରି କରିପାରିବେ।
* ବୟଫ୍ରେଣ୍ଡ ସ୍ବେଟର: ବୟଫ୍ରେଣ୍ଡ ଜିନ୍ସ ପରି ବୟଫ୍ରେଣ୍ଡ ସ୍ବେଟରର ବି ବେଶ୍ ଭଲ ଚାହିଦା ରହିଥାଏ। ଏହି ଟାଇପର୍ ସ୍ବେଟର ଦେଖିବାକୁ ଟ୍ରେଣ୍ଡି ବି ଲାଗେ। ମୁଖ୍ୟତଃ ସାଙ୍ଗମାନଙ୍କ ସହ ଆଉଟିଂରେ ଯିବାବେଳେ ଏହି ଟାଇପ୍ର ସ୍ବେଟର ପିନ୍ଧିଲେ ବେଶ୍ କମ୍ଫର୍ଟେବଲ୍ ଲାଗିଥାଏ।
* କ୍ୱାଟର୍ ଜିପ୍ ସ୍ବେଟର୍: ଏହି ଟାଇପ୍ର ସ୍ବେଟର୍ ଦେଖିବାକୁ ପ୍ରାୟତଃ ଭି-ନେକ୍ ସ୍ବେଟର୍ ଭଳି ହୋଇଥାଏ; କିନ୍ତୁ ଏଥିରେ ସାମ୍ନାପଟେ ଜିପ୍ ଲାଗିଥାଏ। ଅନ୍ୟ ସ୍ବେଟର୍ ତୁଳନାରେ ଏହା ଟିକେ ମୋଟା, ଯଦ୍ଦ୍ବାରା ଟିକେ ଅଧିକ ସମୟ ପିନ୍ଧିଲେ ଗରମ ଲାଗିଥାଏ। ଅଫିସିଆଲ୍ ଲୁକ୍ ପାଇଁ ଏହି ଟାଇପ୍ର ସ୍ବେଟର୍ ପରଫେକ୍ଟ ହୋଇଥାଏ।
