ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ସନ୍ଦେହଜନକ ଆତ୍ମହତ୍ୟା ପରେ ବଲିଉଡ ଅଭିନେତ୍ରୀ ରିୟା ଚକ୍ରବର୍ତ୍ତୀ ବେଶ୍ ଚର୍ଚ୍ଚାରେ ଥିଲେ। ସୁଶାନ୍ତଙ୍କ ପରିବାର ଦ୍ୱାରା ଦାଖଲ ହୋଇଥିବା ମାମଲାରେ ତାଙ୍କ ନାମ ଏବଂ ଡ୍ରଗ ମାମଲା ସାମ୍ନାକୁ ଆସିବା ପରେ ରିୟାଙ୍କୁ ଜେଲ୍ ମଧ୍ୟ ହୋଇଥିଲା। ଜାମିନ ପାଇଁ ରିୟା ଜେଲ୍ରୁ ମୁକୁଳିବା ପରେ ଏବେ ସାଧାରଣ ଜୀବନ ବିତାଉଛନ୍ତି ସେ। ସୁଶାନ୍ତଙ୍କ ଜନ୍ମଦିନର ଗୋଟିଏ ଦିନ ପୂର୍ବରୁ ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେବାରେ ଲାଗିଛି। ଭିଡିଓରେ ରିୟା ମୁମ୍ବାଇ ରାସ୍ତାରେ ଫୁଲ କିଣୁଥିବାର ନଜର ଆସିଛନ୍ତି। ସୋସିଆଲ ମିଡିଆ ବ୍ୟବହାରକାରୀମାନେ ଅନୁମାନ କରୁଛନ୍ତି ଯେ ରିୟା ହୁଏତ ସୁଶାନ୍ତଙ୍କ ପାଇଁ ଏହି ଫୁଲ କିଣିଛନ୍ତି। ପ୍ରସିଦ୍ଧ ଫଟୋଗ୍ରାଫର ଭାଇରାଲ ଭାୟାନୀ ସୁଶାନ୍ତଙ୍କ ଗର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀଙ୍କ ଏହି ଭିଡିଓ ଇନଷ୍ଟାଗ୍ରାମରେ ଶେୟାର କରିଛନ୍ତି, ଯାହା ଦିନକୁ ଦିନ ଭାଇରାଲ ହେବାରେ ଲାଗିଛି। ଏହି ଭିଡିଓରେ ରିୟା ତାଙ୍କ କାରରୁ ଓହ୍ଲାଇ ବାନ୍ଦ୍ରା ରାସ୍ତାରେ ଫୁଲ କିଣିଥିବାର ନଜର ଆସିଛନ୍ତି। ସେମାନଙ୍କ ଚାରିପାଖରେ ଫଟୋଗ୍ରାଫରଙ୍କୁ ଦେଖାଯାଇଛି। ଏହି ସମୟ ମଧ୍ୟରେ ରିୟା ଫଟୋଗ୍ରାଫରଙ୍କୁ ଫଟୋ-ଭିଡିଓ କ୍ଲିକ କରିବାକୁ ବାରଣ କରିଥିଲେ। ସେ ଦୃଢ ସ୍ବରରେ କହିଥିଲେ,ମୋ ପିଛା କରିବା ଛାଡନ୍ତୁ। ସୁଶାନ୍ତଙ୍କ ମୃତ୍ୟୁର ଏକ ମାସ ପରେ ତାଙ୍କ ପରିବାର ରିୟାଙ୍କ ଉପରେ ଟଙ୍କା ହେରଫେର ତଥା ସୁଶାନ୍ତଙ୍କୁ ଡ୍ରଗ ଦେବା ଭଳି ଗୁରୁତର ଅଭିଯୋଗ କରିଥିଲେ। ଏହା ପରେ ତାଙ୍କ ବିରୋଧରେ ଇଡି, ଏନସିବି ଏବଂ ସିବିଆଇ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ। ଡ୍ରଗ୍ସ ମାମଲାରେ ରିୟାଙ୍କୁ ଗିରଫ କରାଯାଇଥିଲା ଏବଂ ଏକ ମାସ ଜେଲରେ ରହିବା ପରେ କୋର୍ଟ ତାଙ୍କୁ ଜାମିନରେ ଛାଡିଥିଲେ।
View this post on Instagram
