ଦୁବାଇ,୩୧।୮: ଏସିଆ କପ କ୍ରିକେଟ ଟୁର୍ନାମେଣ୍ଟର ଏକ ମ୍ୟାଚ୍ ଭାରତ ଏବଂ ହଂକଂ ମଧ୍ୟରେ ଖେଳାଯାଉଛି। ପ୍ରଥମେ ବ୍ୟାଟିଂ କରି ଭାରତୀୟ ଦଳ ନିର୍ଦ୍ଧାରିତ ୨୦ ଓଭରରେ ୨ ଉଇକେଟ୍ ହରାଇ ୧୯୨ ରନ ସଂଗ୍ରହ କରିଛି। ସୁର୍ଯ୍ୟକୁମାର ଯାଦବ ଏବଂ ବିରାଟ କୋହଲି ଭାରତ ପାଇଁ ଅର୍ଦ୍ଧଶତକ ହାସଲ କରିଥିଲେ। ପ୍ରଥମେ ବ୍ୟାଟିଂ ଭାରତ ପାୱାରପ୍ଲେରେ ଗୋଟିଏ ଉଇକେଟ ହରାଇ ୪୪ ରନ ସଂଗ୍ରହ କରିଥିଲା। ୧୩ ବଲରେ ୨୧ ରନ ସ୍କୋର କରିବା ପରେ ଅଧିନାୟକ ରୋହିତ ଶର୍ମା ଆଉଟ୍ ହୋଇଥିଲେ। କେ.ଏଲ ରାହୁଲ ବହୁତ ଧୀର ଇନିଂସ ଖେଳି ୩୯ ବଲରେ ୩୬ ରନରେ ଆଉଟ୍ ହୋଇଥିଲେ। ଏହା ପରେ ସୂର୍ଯ୍ୟକୁମାର ଯାଦବ ଏବଂ ବିରାଟ କୋହଲି କୌଣସି ଉଇକେଟ ହରାଇବାକୁ ଦେଇ ନ ଥିଲେ। ଏହି ଦୁଇଜଣ ତୃତୀୟ ଉଇକେଟ ପାଇଁ ୪୨ ବଲରେ ୯୮ ରନର ଭାଗିଦାରୀ କରିଥିଲେ। ସୂର୍ଯ୍ୟକୁମାର ଯାଦବ ମାତ୍ର ୨୬ ବଲରେ ୬୮ ରନର ଏକ ଶକ୍ତିଶାଳୀ ଇନିଂସ ଖେଳିଥିଲେ। ଏହି ସମୟରେ ସେ ୬ଟି ଛକା ଓ ୬ଟି ଚୌକା ମାରିଥିଲେ। ବିରାଟ କୋହଲି ମଧ୍ୟ ଅର୍ଦ୍ଧଶତକ ହାସଲ କରିଥିଲେ। ସେ ୪୪ ବଲରୁ ୫୯ ରନ୍ରେ ଅପରାଜିତ ରହିଥିଲେ। ବିରାଟ ତାଙ୍କ ଇନିଂସରେ ୪ ଚୌକା ଓ ଗୋଟିଏ ଛକା ମାରିଥିଲେ।
ପ୍ରଥମ ମ୍ୟାଚରେ ଭାରତ ପାକିସ୍ତାନକୁ ୫ ଉଇକେଟରେ ପରାସ୍ତ କରିଥିଲା। ଆଫଗାନିସ୍ତାନ ସୁପର-୪ ପାଇଁ ଯୋଗ୍ୟତା ଅର୍ଜନ କରିଥିବାବେଳେ ଭାରତ ଏକମାତ୍ର ମ୍ୟାଚ ଜିତିଛି। ପାକିସ୍ତାନ, ବାଂଲାଦେଶ ଏବଂ ଶ୍ରୀଲଙ୍କାର ବିଜୟ ଖାତା ଖୋଲିନାହାନ୍ତି।
