ବରଗଡ଼,୧୩।୧୧(ପ୍ରେମାନନ୍ଦ ଖମାରୀ):ବରଗଡ଼ ଜିଲାରେ ଖରିଫ୍ ଧାନ ଅମଳ ଜୋର୍ ଧରିଲାଣି। ଜିଲାର ସବୁ ଅଞ୍ଚଳରେ ଚାଷୀମାନେ ନିଜ କଷ୍ଟୋପାର୍ଜିତ ଧାନ ଅମଳ କରୁଛନ୍ତି। କିନ୍ତୁ ଏପର୍ଯ୍ୟନ୍ତ ଜିଲାରେ ମଣ୍ଡି ଖୋଲିବା ତ ଦୂରର କଥା, ଜିଲାର ପ୍ରାୟ ୫ହଜାର ଚାଷୀ ଧାନ ବିକ୍ରି ଲାଗି ପଞ୍ଜୀକରଣ କରିପାରିନାହାନ୍ତି। ଏହାକୁ ନେଇ ଚାଷୀ ଅସନ୍ତୋଷ ତେଜି ଉଠିଛି। ଏହି କ୍ରମରେ ସୋମବାରରୁ ଧାନବିକ୍ରି ପଞ୍ଜୀକରଣରୁ ବଞ୍ଚିତ ସମସ୍ତ ଚାଷୀଙ୍କୁ ପଞ୍ଜୀକୃତ କରି ସେମାନଙ୍କ ସମସ୍ତ ବିକ୍ରିଯୋଗ୍ୟ ଧାନକୁ ସରକାରଙ୍କ ନିର୍ଦ୍ଧାରିତ ସର୍ବନିମ୍ନ ସହାୟକ ମୂଲ୍ୟରେ କିଣିବା ଦାବିରେ ଚାଷୀମାନେ ବରଗଡ଼ ଜିଲାପାଳ କାର୍ଯ୍ୟାଳୟ ଆଗରେ ଶୀତ କାକର ସହି ଧାରଣାରେ ବସିଛନ୍ତି। ସଂଯୁକ୍ତ କୃଷକ ସଂଗଠନ ନେତୃତ୍ୱରେ ଚାଲିଥିବା ଏହି ଧାରଣା ବୁଧବାର ତୃତୀୟ ଦିବସରେ ପହଞ୍ଚତ୍ଛି। ମାତ୍ର ଦାବି ପୂରଣ ହୋଇ ନ ଥିବା ଯୋଗୁ ଧାରଣା ଜାରି ରହିଛି। ଅନ୍ୟପଟେ ଚାଷୀଙ୍କ ଏହି ଧାରଣାକୁ ସମର୍ଥନ ବଢ଼ିଚାଲିଛି।
ବୁଧବାର ବରଗଡ଼ ନାଗରିକ ମଞ୍ଚର ଏକ ପ୍ରତିନିଧି ଦଳ ଧାରଣାସ୍ଥଳରେ ପହଞ୍ଚତ୍ ସମର୍ଥନ ଜଣାଇଥିଲା। ନାଗରିକ ମଞ୍ଚ ସଭାପତି ଭୀଷ୍ମଦେବ ସରାଫ୍ ଧାରଣାକୁ ସମର୍ଥନ ଘୋଷଣା କରିଥିବାବେଳେ ଚାଷୀଙ୍କ ସହିତ ସବୁବେଳେ ବରଗଡ଼ ନାଗରିକ ମଞ୍ଚ ରହିଛି ଏବଂ ଆଗକୁ ମଧ୍ୟ ରହିବ ବୋଲି କହିଥିଲେ। ଚାଷୀଙ୍କୁ ସରକାର ୮୦୦ ଟଙ୍କା ବୋନସ୍ରୁ ବଞ୍ଚିତ କରିବା ପାଇଁ ଏହା ଏକ ଚକ୍ରାନ୍ତ ବୋଲି ମଞ୍ଚର ସମ୍ପାଦକ ଭବାନୀ ସାହୁ କହିଥିଲେ। ଯଦି ସରକାର ଚାଷୀଙ୍କ ଦାବିକୁ ତୁରନ୍ତ ପୂରଣ ନ କରନ୍ତି, ଆଗକୁ ଦୁର୍ବାର ଆନ୍ଦୋଳନ ହେବ ବୋଲି ମଞ୍ଚର ଶୟନ ପଣ୍ଡା ଚେତାବନୀ ଦେଇଥିଲେ। ସେହିପରି କଂଗ୍ରେସ ନେତା ଅଭିଷେକ ସେଠ୍, ସମ୍ବିଧାନ ସୁରକ୍ଷା ମଞ୍ଚର ପବିତ୍ର ଦେହେରୀ, ଭେଡ଼େନ କୃଷକ ସଂଗଠନର ଆଇନ ପରାମର୍ଶଦାତା ନରେନ୍ଦ୍ର ଭୋଇ, କୋଶଳ ସେନାର ବୀରବଲ ମହାକୁଡ଼, ବୁଗବୁଗା ପଞ୍ଚାୟତ ସମିତିସଭ୍ୟ କୈଲାସ ଧରୁଆ, ଗିରିଶ୍ ଡନ୍ସନା, ଟିକେଶ୍ୱର ବିଶ୍ୱାଳ, ଜଗନ୍ନାଥ ମାଝୀ, କରୁଣାକର ସାହୁ, ସୁଶୀଲ ସାହୁ, ହେମନ୍ତ ଭୋଇ, ରାଜୁ ସାହୁ, ଯାଦବ ସାହୁ, ରଙ୍କ ବୁଡ଼େକ, ଡିଲେଶ୍ୱର ଭୋଇ, ଦିବାକର ଭୋଇ, ଦିଲୀପ ସାହୁ, ସରୋଜ ସେଠ୍, ପୀତାମ୍ବର ପ୍ରଧାନ, ପ୍ରତାପ ମେହେର, ଶିବୁନ ତ୍ରିପାଠୀ ପ୍ରମୁଖ ସମର୍ଥନ ଜଣାଇବା ପାଇଁ ଧାରଣାସ୍ଥଳରେ ପହଞ୍ଚିଥିଲେ।
Dharitri – Odisha’s No.1 Odia Daily
