ମହାକାଳପଡ଼ା,୮ା୧୧(ଡି.ଏନ.ଏ.):କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ପେଟଛେଲା ପଞ୍ଚାୟତ ବି.ବି. କଲୋନୀ ଗ୍ରାମ ଶ୍ମଶାନ ନିକଟରେ ଦୀର୍ଘ ୪୦ବର୍ଷ ଧରି ଅସହାୟ ବୃଦ୍ଧ ସୁକଲାଲ୍ ଦେବନାଥ (୭୨) ପଲିଥିନ ତଳେ ଜୀବନ ବିତାଉଛନ୍ତି। ଏ ସମ୍ପର୍କରେ ଅଗଷ୍ଟ ୨୬ରେ ‘ଧରିତ୍ରୀ’ରେ ଖବର ପ୍ରକାଶିତ ହେବା ପରେ ପ୍ରଶାସନ ପକ୍ଷରୁ ରାଶନ କାର୍ଡ ଓ ଚାଉଳ ପ୍ରଦାନ କରାଯାଇଥିଲା। ପରେ କେନ୍ଦ୍ରାପଡ଼ାସ୍ଥିତ ଶ୍ରୀଜଗନ୍ନାଥ ଚାରିଟେବୁଲ ଟ୍ରଷ୍ଟ କର୍ମକର୍ତ୍ତା ପହଞ୍ଚତ୍ ବୃଦ୍ଧଙ୍କ ଦୁଃଖ ହୃଦୟଙ୍ଗମ କରିଥିଲେ। ସୋମବାର ପୂର୍ବାହ୍ନରେ ଟ୍ରଷ୍ଟ କାର୍ଯ୍ୟକର୍ତ୍ତାମାନେ ପହଞ୍ଚତ୍ ଏହି ଅସହାୟ ବୃଦ୍ଧଙ୍କ ଛିଣ୍ଡା ପଲିଥିନ କାଢ଼ି ନୂତନ ଟିଣ ପକାଇଛନ୍ତି। ପରେ ବୃଦ୍ଧଙ୍କର ଦୈନଦିନ ଜୀବନ ଅତିବାହିତ କରିବାକୁ ଆଉ କିଛି ସମସ୍ୟା ରହିବ ନାହିଁ ବୋଲି ସଙ୍ଗଠନ ପକ୍ଷରୁ କୁହାଯାଇଛି। ଅସହାୟ ବୃଦ୍ଧଙ୍କ ଘର ନିର୍ମାଣ ପରେ ସୁକଲାଲ୍ଙ୍କ ମୁହଁରେ ହସ ଫୁଟିଛି। ସେଥିପାଇଁ ସେ ‘ଧରିତ୍ରୀ’ ଓ ଶ୍ରୀଜଗନ୍ନାଥ ଚାରିଟେବୁଲ ଟ୍ରଷ୍ଟର ସମସ୍ତ ସଦସ୍ୟଙ୍କୁ ସାଧୁବାଦ ଜଣାଇଛନ୍ତି। ସ୍ତ୍ରୀଙ୍କ ମୃତ୍ୟୁ ପରେ ୩ ପୁଅ ସୁକଲାଲ୍ଙ୍କୁ ଅଣଦେଖା କରୁଥିଲେ। ସୁକଲାଲ୍ ବାଧ୍ୟହୋଇ ଗଁା ଶ୍ମଶାନ ନିକଟରେ ଛିଣ୍ଡା ପଲିଥିନ ତଳେ ୪୦ବର୍ଷ ଧରି ଜୀବନ ଅତିବାହିତ କରୁଥିଲେ। ପିଲାମାନେ ନିଜ ମାତାପିତାଙ୍କୁ ପଚାରୁ ନ ଥିବାବେଳେ ଶ୍ରୀଜଗନ୍ନାଥ ଚାରିଟେବୁଲ ଟ୍ରଷ୍ଟ ବୃଦ୍ଧଙ୍କ ନିକଟରେ ପହଞ୍ଚତ୍ ସହାୟତାର ହାତ ବଢ଼ାଇଥିବାରୁ ଗ୍ରାମବାସୀ ସାଧୁବାଦ ଜଣାଇଛନ୍ତି। ସୁକଲାଲ୍ଙ୍କ ନୂତନ ଗୃହ ନିର୍ମାଣରେ ଟ୍ରଷ୍ଟ ସଭାପତି ଦମନ ମହାନ୍ତି, ଶାନ୍ତନୁ ମଲିକ, ରାଜେଶ ପଣ୍ଡା, କେଦାର ସ୍ବାଇଁ, ବିନୋଦ ପଣ୍ଡା, ସନ୍ତୋଷ ପଟ୍ଟନାୟକ, କାଳନ୍ଦୀ ମଲିକ, ଜୟନ୍ତ ମଲ୍ଲିକ, ଭାବଗ୍ରାହୀ ସାହୁ, ସୁବାଶିଷ ସିଂ, ଅଜୟ ସେଠୀ, ବିକାଶ ମହାରଣା, ହେମନ୍ତ ସାମଲ, ବଣ୍ଟି କାନୁନ୍ଗୋ, ଜୟନ୍ତ ଜେନା, ସାଗର ଜେନା ପ୍ରମୁଖ ସହାୟତା କରିଛନ୍ତି।
