ଲଣ୍ଡନ,୩୦।୭ : ଟିମ୍ ଇଂଲଣ୍ଡର ଦ୍ରୁତ ବୋଲର ଷ୍ଟୁଆର୍ଟ ବ୍ରଡ ହଠାତ କ୍ରିକେଟରୁ ଅବସର ଘୋଷଣା କରିଛନ୍ତି। ତାଙ୍କର ଏଭଳି ନିଷ୍ପତ୍ତି ନେଇ ପ୍ରଶଂସକମାନେ ଦୁଃଖିତ ହୋଇଛନ୍ତି। ୨୦୦୭ ଟି-୨୦ରେ ସେ ଯୁବରାଜ ସିଂଙ୍କ ୬ ଟି ବଲରେ ୬ ଟି ଛକା ମାରିଥିଲେ।
ବ୍ରଡ କେବଳ ଇଂଲଣ୍ଡ ନୁହେଁ ବିଶ୍ୱର ସବୁଠାରୁ ସଫଳ ଟେଷ୍ଟ ବୋଲରମାନଙ୍କ ମଧ୍ୟରୁ ଅନ୍ୟତମ। କିନ୍ତୁ ଶନିବାର ଦିନ ଆଶେସର ପଞ୍ଚମ ଟେଷ୍ଟ ମ୍ୟାଚରେ ସେ ହଠାତ ଅବସର ଘୋଷଣା କରିଥିଲେ ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା।
ଇଂଲଣ୍ଡ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯାଉଥିବା ଆଶେସ ସିରିଜର ପଞ୍ଚମ ମ୍ୟାଚ କେନ୍ସିଙ୍ଗଟନ ଓଭାଲରେ ଖେଳାଯାଉଛି। ମ୍ୟାଚର ତୃତୀୟ ଦିନରେ ଦ୍ରୁତ ବୋଲର ଷ୍ଟୁଆର୍ଟ ବ୍ରଡ ହଠାତ ଅବସର ଘୋଷଣା କରିଥିଲେ। ଏଭଳି ପରିସ୍ଥିତିରେ ଆଶେସ ସିରିଜର ପଞ୍ଚମ ଟେଷ୍ଟ ବ୍ରଡଙ୍କ କ୍ୟାରିୟରର ଶେଷ ଟେଷ୍ଟ ମ୍ୟାଚ ହେବାକୁ ଯାଉଛି। ବ୍ରଡ ଇଂଲଣ୍ଡ ପାଇଁ ୬୦୦ ରୁ ଅଧିକ ଟେଷ୍ଟ ୱିକେଟ ନେଇଛନ୍ତି ଏବଂ ଏହା ହେଉଛି ଦ୍ୱିତୀୟ ସଫଳ ପେସର। କିନ୍ତୁ, ବର୍ତ୍ତମାନ ବ୍ରଡ ୩୭ ବର୍ଷ ବୟସରେ ଅବସର ନେବାକୁ ଯାଉଛନ୍ତି। ତୃତୀୟ ଦିନର ଖେଳ ଶେଷ ହେବା ପରେ ବ୍ରଡ ନିଜେ ସ୍କାଏ ସ୍ପୋର୍ଟସ ସହିତ କଥାବାର୍ତ୍ତା ବେଳେ ଅବସର ଘୋଷଣା କରିଥିଲେ। ଏଥି ସହିତ ଇଂଲଣ୍ଡ କ୍ରିକେଟ ଏହାର ପେସରଙ୍କ ପାଇଁ ଏକ ବିଶେଷ ଧନ୍ୟବାଦ ପୋଷ୍ଟ ବାଣ୍ଟିଛି ।
ଇଂଲଣ୍ଡ ଦ୍ରୁତ ବୋଲର ଷ୍ଟୁଆର୍ଟ ବ୍ରଡ ୧୬୭ ଟେଷ୍ଟ ମ୍ୟାଚ ଖେଳିଥିଲେ। ଯେଉଁଥିରେ ସେ ୬୦୨ ୱିକେଟ ନେଇଥିଲେ ଏବଂ ୩୬୫୬ ରନ ମଧ୍ୟ କରିଥିଲେ। ଏହି ସମୟରେ ସେ ୨୦ ଥର ପାଞ୍ଚଟି ୱିକେଟ ନେଇଥିଲେ ଏବଂ ୩ ଥର ୧୦ ୱିକେଟ ନେଇଥିଲେ। ଏକଦିବସୀୟ ବିଷୟରେ କହିବାକୁ ଗଲେ େ୧୨୧ ମ୍ୟାଚରେ ୧୭୮ ୱିକେଟ ନେଇଥିଲେ ଏବଂ ଟି-୨୦ରେ ୫୬ ମ୍ୟାଚ ରେ ୬୫ ୱିକେଟ ନେଇଥିଲେ। ଏହି ଭେଟେରାନ ୮୪୫ ଅନ୍ତର୍ଜାତୀୟ ୱିକେଟ ନେଇ କ୍ରିକେଟ ଇତିହାସରେ ସୁବର୍ଣ୍ଣ ଅକ୍ଷରରେ ତାଙ୍କ ନାମ ପଞ୍ଜିକରଣ କରିଛନ୍ତି। ସେ ଜେମ୍ସ ଆଣ୍ଡରସନଙ୍କ ପରେ ନିଜ ଦେଶ ପାଇଁ ସର୍ବାଧିକ ଟେଷ୍ଟ ୱିକେଟ ନେଇଛନ୍ତି।
