ବରପାଲି,୧୭।୭(ଡି.ଏନ୍.ଏ.) ବରଗଡ଼ ଜିଲା ବରପାଲି ବ୍ଲକ କୁମ୍ଭାରୀ ପଞ୍ଚାୟତ ଅଫିସ୍ରୁ ଗୋଟିଏ ପୁରୁଣା ଟ୍ରେଜେରି ଓ ଡିଜେଲ ରାଇସ ହଲର ଚୋରି ହୋଇଥିବା ନେଇ ଗତ ୧୪ ତାରିଖରେ ବରପାଲି ଥାନାରେ ଅଭିଯୋଗ ହୋଇଥିଲା। ପୋଲିସ ଏହି ଘଟଣାରେ ଏକ ମାମଲା (ନଂ.୨୧୯।୨୨) ରୁଜୁ କରି ତଦନ୍ତ ଆରମ୍ଭ କରିଥିଲା। ପୋଲିସ ତଦନ୍ତ ବେଳେ ଚୋରି ହୋଇଥିବା ସାମଗ୍ରୀରୁ ରାଇସ୍ ହଲରକୁ ପୋଲିସ କୁମ୍ଭାରୀ ସରପଞ୍ଚଙ୍କ ଘରୁ ରବିବାର ଜବତ କରିଛି। ଏହି ସମ୍ପର୍କରେ ବରପାଲି ଥାନା ଆଇଆଇସି ରୋଜାଲିନ ପଟେଲଙ୍କୁ ପଚାରିବାରୁ ସେ କହିଲେ, ଚୋରି ରାଇସ ହଲରକୁ କୁମ୍ଭାରୀ ସରପଞ୍ଚଙ୍କ ଘରୁ ଜବତ କରି ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ ନୀଳାଞ୍ଚଳ ପଧାନଙ୍କ ଜିମା ଦିଆଯାଇଛି। ଚୋରି ହୋଇଥିବା ଲକର ମିଳିନାହିଁ । ଏହି ସମ୍ପର୍କରେ ସରପଞ୍ଚ ବସନ୍ତ ମହାନନ୍ଦଙ୍କୁ ତାଙ୍କ ମୋବାଇଲ ନଂ. ୯୯୩୭୯୯୪୧୮୮ରେ ଯୋଗାଯୋଗ କରାଯାଇଥିଲା। ସେ ଫୋନ ରିସିଭ ନ କରିବାରୁ ମତାମତ ମିଳିପାରିନାହିଁ।
