ପୁଣେ,୫।୧: ପୁଣେ ସ୍ଥିତ ମହାରାଷ୍ଟ୍ର କ୍ରିକେଟ ଆସୋସିଏସନ ଷ୍ଟାଡିୟମରେ ଗୁରୁବାର ଶ୍ରୀଲଙ୍କା ବିପକ୍ଷ ଦ୍ୱିତୀୟ ଟି-୨୦ ମ୍ୟାଚରେ ଭାରତର ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଟସ୍ ଜିତି ବୋଲିଂ ନିଷ୍ପତ୍ତି ନେଇଥିଲେ। ଆମନ୍ତ୍ରଣ ପାଇ ଶ୍ରୀଲଙ୍କା ବ୍ୟାଟିଂ ଆରମ୍ଭ କରିଥିଲା। ଶ୍ରୀଲଙ୍କାର ଦୁଇ ଓପରନ ପୃଥମ ନିସଙ୍କା ଏବଂ କୁସାଲ ମେଣ୍ଡିସ ଆରମ୍ଭରୁ ଦଳକୁ ଭଲ ଷ୍ଟାଟ ଦେଇଥିଲେ। ଏପରିକି ଶ୍ରୀଲଙ୍କା ଅଧିନାୟକ ଦାସୁନ ଶାନକା ୫୬ ରନ୍ର ବିସ୍ଫୋରକ ଅର୍ଦ୍ଧଶତକ ଇନିଂସ ଖେଳିଥିଲେ। ଫଳରେ ଶ୍ରୀଲଙ୍କା ନିର୍ଦ୍ଧାରିତ ୨୦ ଓଭରରେ ୬ ଉଇକେଟ ହରାଇ ୨୦୬ ରନ୍ କରିଥିଲା। ଭାରତ ଆଗରେ ୨୦୭ ରନ୍ର ବିଶାଳ ଟାର୍ଗେଟ ରଖିଛି ଶ୍ରୀଲଙ୍କା।
କୁସାଲ ମେଣ୍ଡିସ ଧର୍ଯ୍ୟର ସହ ବ୍ୟାଟିଂ କରି ୩୧ ବଲ୍ରେ (୩ ଚୌକା ଏବଂ ୪ ଛକା) ୫୨ ରନ୍ କରିଥିବା ବେଳେ ପୃଥମ ନିସଙ୍କା ୩୩ ରନ୍ କରି ଆଉଟ୍ ହୋଇଯାଇଥିଲେ। ହେଲେ ଚରିତ ଅସଲଙ୍କା ୧୯ ବଲ୍ରେ ୪ ଛକା ସହାୟତାରେ ୩୭ ରନ୍ର ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ। ପରବର୍ତ୍ତି ସମୟରେ ଶ୍ରୀଲଙ୍କା ଅଧିନାୟକ ଦାସୁନ ଶାନକା ୨୨ ବଲରେ ୬ ଚୌକା ଓ ୨ ଚୌକା ସହାୟତାରେ ୫୬ ରନ୍ର ମହତ୍ୱପୂର୍ଣ୍ଣ ଇନିଂସ ଖେଳିଥିଲେ। ଭାରତର ଉମ୍ରାନ ମଲ୍ଲିକ ୩ ଉଇକେଟ ନେଇଥିବା ବେଳେ ଅକ୍ସର ପଟେଲ ୨ ଉଇକେଟ ନେବାରେ ସକ୍ଷମ ହୋଇଥିଲେ।
