ସୋସିଆଲ ମିଡିଆରେ ଏକ ଭିଡିଓ ଏବେ ଖୁବ୍ ଭାଇରାଲ ହେଉଛି। ଯେଉଁଥିରେ ଜଣେ ଯୁବକ ଏକ ବିବାହ ସମାରୋହରେ ଛେପ ଲଗାଇ ରୁଟି ବେଲୁଛନ୍ତି। ଭିଡିଓଟି କୌଣସି ମରାଠୀ ବିବାହ ସମାରୋହର ବୋଲି ଜାଣିବାକୁ ମିଳିଛି। ଭିଡିଓ ସାମ୍ନାକୁ ଆସିବା ପରେ ହିନ୍ଦୁ ଜାଗରଣ ମଞ୍ଚ ପକ୍ଷରୁ ଏହାକୁ ନେଇ ହଙ୍ଗାମା କରାଯାଇଛି। ଏହି ଯୁବକଙ୍କ ନାଁରେ ଥାନାରେ ମାମଲା ରୁଜୁ କରାଯାଇଛି। ଏବେ ପୋଲିସ ସଂପୃକ୍ତ ଯୁବକଙ୍କୁ ଗିରଫ କରିଥିବା ଜଣାପଡ଼ିଛି।
ଛେପ ଲଗାଇ ରୁଟି ବେଲୁଥିବା ୧ ମିନିଟ୍ ୫ ସେକେଣ୍ଡର ଏହି ଭିଡିଓକୁ ଦେଖି ଯିଏ କେହି ଘୃଣା କରୁଛନ୍ତି। ଭିଡିଓରେ ଦେଖିବାକୁ ମିଳିଛି, ଯୁବକ ଜଣଙ୍କ ରୁଟି ବେଲିବା ସମୟରେ ଏହା ଉପରେ ଛେପ ପକାଉଛନ୍ତି। ଭିଡିଓକୁ ଦେଖି ହିନ୍ଦୁ ଜାଗରଣ ମଞ୍ଚ ମହାନଗର ଅଧ୍ୟକ୍ଷ ସଚିନ ସିରୋହୀ ନିଜର କାର୍ଯ୍ୟକର୍ତ୍ତାଙ୍କ ସହ ମିଶି ଥାନାରେ ପହଞ୍ଚି ଅଭିଯୋଗ କରିଥିଲେ। ପୋଲିସ ଘଟଣାର ତଦନ୍ତ କରି ଅଭିଯୁକ୍ତ ଯୁବକଙ୍କୁ ଗିରଫ କରିଛି। ଏହି ଘଟଣା ଲୋକଲୋଚନକୁ ଆସିବା ପରେ ଯେଉଁଠି ଉତ୍ସବ ଆୟୋଜନ ହେଉଛି ସେଠାରେ ସିସିଟିଭି ଲଗାଯାଇ ଯାଞ୍ଚ କରାଯାଉଛି।
