ଟାଙ୍ଗରା ଭୂଇଁରେ ସବୁଜବଳୟ

ଭେଡେନ,୨୯।୨(ସୁଦନ ମହାକୁର): ଦିନେ ଯେଉଁ ସ୍ଥାନରେ ଦୂବଘାସ କଅଁଳୁ ନ ଥିଲା, ଖାଲି ପାଦରେ ଚାଲିଲେ ପାଦ ଫୁଟିଯିବାର ଭୟ ରହୁଥିଲା ସେଠି ଆଜି ଗଛରେ ପରିପୂର୍ଣ୍ଣ। ସରକାରଙ୍କ ସବୁଜ ମହାନଦୀ ମିଶନ ଯୋଜନାରେ ବରଗଡ଼ ଜିଲା ବନ ବିଭାଗର ପ୍ରଚେଷ୍ଟାରେ ଟାଙ୍ଗରା ଭୂଇଁରେ ସୃଷ୍ଟି ହୋଇଛି ସବୁଜ ବଳୟ। ଏହି ସବୁଜ ବଳୟର ନାମ ରହିଛି ‘ପଥିକ ବନ’। ଏହାକୁ ଦେଖିଲେ ସତେଯେମିତି ପରିବେଶ ସନ୍ତୁଳନ ଉଦ୍ଦେଶ୍ୟରେ ସରକାରଙ୍କ ଆଭିମୁଖ୍ୟ ସାର୍ଥକ ହୋଇଥିବା ପରି ମନେ ହେଉଛି।

ଜିଲାର ଭେଡ଼େନ ବ୍ଲକ ଗଣ୍ଡତୁରୁମ ସେକ୍ଟର ମହୁଲପାଲି ପଞ୍ଚାୟତ ଅନ୍ତର୍ଗତ ମେହେନା ଗ୍ରାମ ନିକଟରେ ରହିଥିଲା ଶତାଧିକ ଏକର ପତିତ କିସମ ଅନାବାଦୀ ଜମି। ତାହା ପୁଣି ମାଙ୍କଡ଼ା ପଥରରେ ଭରପୂର। ବର୍ଷାଦିନ ବ୍ୟତୀତ ଏଠି ଦୂବଘାସ ମଧ୍ୟ ଦିଶୁ ନ ଥିଲା। ରାଜ୍ୟ ସରକାରଙ୍କ ସବୁଜ ମହାନଦୀ ମିଶନ ଯୋଜନାରେ ଗତ ୨୦୧୯-୨୦ ଆର୍ଥିକ ବର୍ଷରେ ଏହାକୁ ସାମିଲ କରାଯାଇ ଚାରା ରୋପଣ କରାଯାଇଥିଲା। ଏଠାରେ ୟୁକାଲିପଟାସ, ଶାଳ, ପିଆଶାଳ, ଅଁଳା, ଶିଶୁ, ଶାଗୁଆନ ଆଦି ବିଭିନ୍ନ କିସମର ୧୦ ହଜାର ଗଛ ଲଗାଯାଇ ଯତ୍ନ ନିଆଯାଉଛି। ଆଜକୁ ୪ ବର୍ଷ ହେଲା ୯ ହଜାର ୯୮୦ ଜଣ ଶ୍ରମିକ ନିଶ୍ଚିତ କର୍ମନିଯୁକ୍ତି ଯୋଜନାରେ କର୍ମସଂସ୍ଥାନ ପାଇଛନ୍ତି। ଏଥିପାଇଁ ଆଜି ପର୍ଯ୍ୟନ୍ତ ୩୩ ଲକ୍ଷ ୫୪ ହଜାର ୮୦୦ଟଙ୍କା ବ୍ୟୟବରାଦ କରାଯାଇଥିବା ଫରେଷ୍ଟର ଲୋକେଶ୍ୱର ଭୋଇ ପ୍ରକାଶ କରିଛନ୍ତି। ଏହି ପଥିକ ବନ ବାଟୋଇ, ସ୍ଥାନୀୟ ଜନସାଧାରଣ, ପଶୁପକ୍ଷୀଙ୍କୁ ଆଶ୍ରୟ ଦେବା, ମୃତ୍ତିକା କ୍ଷୟ ରୋକିବା, ଜଳ ସଂରକ୍ଷଣ ଏବଂ ପରିବେଶ ପ୍ରଦୂଷଣ ରୋକିବା ସହ ପରିବେଶ ସନ୍ତୁଳନରେ ବେଶ୍‌ ସହାୟକ ହୋଇପାରିବ ବୋଲି ବନାଞ୍ଚଳ ଅଧିକାରୀ ଆରତି ନେଗୀ କହିଛନ୍ତି। ଆହୁରି ମଧ୍ୟ ଜିଲାରେ ଥିବା ପଡ଼ିଆ ଜମିରେ ଚାରାରୋପଣ, କୃତ୍ରିମ ଜଙ୍ଗଲ ସୃଷ୍ଟି କରିବା ପାଇଁ ବନ ବିଭାଗ ସଂକଳ୍ପବଦ୍ଧ। ଏହାର ରକ୍ଷଣାବେକ୍ଷଣ ଦାୟିତ୍ୱରେ ଜନସାଧାରଣଙ୍କ ସହଯୋଗ ଆବଶ୍ୟକ ବୋଲି ବନାଞ୍ଚଳ ଅଧିକାରୀ ନେଗୀ କହିଛନ୍ତି।

ଅନ୍ୟପକ୍ଷରେ ପଥିକ ବନର ଅପରପାର୍ଶ୍ୱରେ ସରକାରଙ୍କ ଜଙ୍ଗଲ ପରିବେଶ ଏବଂ ଜଳବାୟୁ ପରିବର୍ତ୍ତନ ବିଭାଗ ଦ୍ୱାରା ଗତ ୨୦୨୨-୨୩ ଆର୍ଥିକ ବର୍ଷରେ ବନୀକରଣ ଯୋଜନାରେ ବୃକ୍ଷ ରୋପଣ କରାଯାଇଥିଲା। ଏଥିର ନିମ୍ବ ୩ ହଜାର, କରଞ୍ଜ ୧୨୫୦, ଜାମୁ ୧୩ ଶହ, ବାହାଡ଼ା ୪୦, ପାଟୁଳି ୩୦, ପଣସ ୩ଶହ, ମେହେଗାନି ୩୦, ଆମ୍ବ ୭ଶହ, ତେନ୍ତୁଳି ୬ଶହ, ବାଉଁଶ ୪ଶହ, ଶିରିଶ ୧୫୦, ଅଁଳା ୧ହଜାର ଏବଂ ଶିଶୁ ଚାରା ୪ଶହ ରୋପଣ କରାଯାଇଥିଲା। ମାତ୍ର ସରକାରଙ୍କ ଗାଇଡ୍‌ଲାଇନ ଅନୁସାରେ ଏଥିରେ ଜଳସେଚନ ବ୍ୟବସ୍ଥା ନ ଥିବାରୁ ବହୁ ମୂଲ୍ୟବାନ ଗଛ ପାଣି ଅଭାବରୁ ମରିଯାଉଛି। ଆବଶ୍ୟକ ରକ୍ଷଣାବେକ୍ଷଣ ଅଭାବରୁ ଦୁର୍ବୃତ୍ତମାନେ ତାରବାଡ଼ ଭାଙ୍ଗି ଏହାକୁ ଚୋରି କରି ନେଉଥିବା ଭଳି ଦୃଶ୍ୟ ସାଧାରଣରେ ବ୍ୟଥିତ କରିଛି।


Enter your email to get our daily news in your inbox.

All Right Reserved By Dharitri.Com

ଭୟାବହ ଅଗ୍ନିକାଣ୍ଡ: ଚାଲିଗଲା ୪ ଜୀବନ, ଗାଁରେ ଶୋକାକୁଳ

ଯାଜପୁର,୧୧।୮: ଦୀପାବଳିର ଆଲୋକରେ ସାରା ଦୁନିଆ ଝଲସୁଥିବା ବେଳେ ଯାଜପୁର ଜିଲା ବାଲିଚନ୍ଦ୍ରପୁର ଅଞ୍ଚଳରେ ଘଟିଛି ଏକ ଛାତିଥରା ଘଟଣା। ଏହା ସାରା ଅଞ୍ଚଳକୁ ସ୍ତବ୍ଧ କରିଦେଇଛି।…

ଦୀପାବଳି ପାଇଁ ଯାଉଥିଲେ ଗାଁକୁ, ବାଟରେ ଘଟିଲା ଦୁର୍ଘଟଣା, ଆଉ ତା’ପରେ…

ଦିଗପହଣ୍ଡି,୮।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ସିଙ୍ଗପୁର ପଞ୍ଚାୟତ ଆଦିକନ୍ଦପୁର ଗ୍ରାମର ମନୋଜ କୁମାର ଗୌଡ଼ ନାମକ ଜଣେ ଯୁବକ ରବିବାର ଏକ ଅଟୋ…

ଦୀପାବଳିରେ କୁଡୁମି ସମାଜର ଗୋଠ ପୂଜା, ଧିଙ୍ଗୁଆନ ପର୍ବ

କାଳିଆପାଣି,୮।୧୧: ଦୀପାବଳି ଅବସରରେ କୁଡୁମି ସମାଜର ଗୋଠପୂଜା ଏବଂ ଧିଙ୍ଗୁଆନ ପର୍ବ ରବିବାର ଅନୁଷ୍ଠିତ ହୋଇଯାଇଛି । କୁଡୁମି ସମାଜ ନିଜ ପାରମ୍ପରିକ ରୀତି ନୀତିକୁ ବିଶ୍ୱାସ…

ମର୍ମନ୍ତୁଦ ଦୁର୍ଘଟଣା: ଦୀପାବଳିରେ ଲିଭିଗଲା ୩ ଜୀବନ

ନୟାଗଡ଼/ଦଶପଲ୍ଲା,୮।୧୧(ଲୋକନାଥ ମିଶ୍ର/ପ୍ରକାଶ ପାଣି): ଆଲୋକର ପର୍ବ ‘ଦୀପାବଳି’ ପାଇଁ ଗାଁରୁ ସହର ସବୁଠି ଉତ୍ସବମୁଖର। ଏହି ଅବସରରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି । ନୟାଗଡ଼…

ଜିଲାସ୍ତରୀୟ ପିଏମ୍‌ଶ୍ରୀ କୁଇଜ୍‌ ପ୍ରତିଯୋଗିତା, ପୁରସ୍କୃତ ହେଲେ କୃତୀ ପ୍ରତିଯୋଗୀ

ବଲାଙ୍ଗୀର: ୮।୧୧(ସୁନିଲ କୁମାର ମହାନ୍ତି): ଛାତ୍ରୀଛାତ୍ରଙ୍କ ଜ୍ଞାନ, ମେଧା, ଉପସ୍ଥିତ ବୁଦ୍ଧି ଓ ପ୍ରତିଯୋଗିତାମୂଳକ ମନୋଭାବର ବିକାଶ ଲକ୍ଷ୍ୟରେ ଜିଲାସ୍ତରୀୟ ପିଏମ୍‌ଶୀ କୁଇଜ ପ୍ରତିଯୋଗିତା ୨୦୨୬ ବଲାଙ୍ଗୀରସ୍ଥିତ…

ଗୁଣିଗାରେଡ଼ି ସନ୍ଦେହରେ ୮୦ ବର୍ଷୀୟ ବୃଦ୍ଧଙ୍କୁ ନିର୍ମମ ହତ୍ୟା ମାମଲା, ଦୁଇ ଭାଇ ଗିରଫ

ଭଞ୍ଜନଗର,୮ା୧୧(ବାବୁଲା ପ୍ରଧାନ): ଅନ୍ଧବିଶ୍ୱାସର କରୁଣ ପରିଣତି । ଗୁଣିଗାରେଡ଼ି ସନ୍ଦେହରେ ଜଣେ ୮୦ ବର୍ଷୀୟ ବୃଦ୍ଧଙ୍କୁ ଅତି ନିର୍ମମ ଭାବେ ହତ୍ୟା କରିବା ଅଭିଯୋଗରେ ତାରସିଂ ଥାନା…

ବିହାରୀ ଯୁବକଙ୍କ ସହ ଫେରାର ହେଉଥିବା ଆଦିବାସୀ ୱାର୍ଡସଭ୍ୟାଙ୍କୁ ଅଟକ

ମହାକାଳପଡ଼ା, ୮।୧୧ (ପ୍ରତାପ ଚନ୍ଦ୍ର ସ୍ୱାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଅନ୍ତର୍ଗତ ପେଟଛେଲା ପଞ୍ଚାୟତର ଜଙ୍ଗଲଘେରି ଶବରପଡ଼ାର ଆଦିବାସୀ ମହିଳା ୱାର୍ଡ ସଭ୍ୟାଙ୍କୁ ବିହାର ରାଜ୍ୟର…

ପୋଖରୀରେ ବୁଡ଼ି ୨ ଜଣଙ୍କ ମୃତ୍ୟୁ: ଗାଁ ଶ୍ମଶାନରେ ଜଳିଲା ଜୁଇ, ବିଧାୟକ ପହଞ୍ଚି…

ଅତାବିରା,୮ା୧୧(ଯୁଧିଷ୍ଠିତ ମହାପାତ୍ର): ବରଗଡ଼ ଜିଲା ଅତାବିରା ବ୍ଲକ ବୁଗବୁଗା ପଞ୍ଚାୟତ ଅନ୍ତର୍ଗତ ଗମ୍ଭାଟିକ୍ରା ଗ୍ରାମରେ ଶନିବାର ପୋଖରୀରେ ମାଛ ମାରିବାକୁ ଯାଇଥିବାବେଳେ ଗ୍ରାମର ରମେଶ ମହାକୁର (୫୫)…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?