ସେଲ୍‌ଫି ପଏଣ୍ଟ ପାଇଁ ସଜବାଜ

ଅନୁଗୋଳ ଅଫିସ, ୨୨ା୧୦: ସେଲ୍‌ଫି ଉଠାଇ ସୋସିଆଲ ମିଡିଆରେ ଛାଡ଼ିବା ଏବେ ଏକ ପ୍ରତିଯୋଗିତାରେ ପରିଣତ ହୋଇଛି। ଏହା କେବଳ ଯୁବପିଢ଼ିଙ୍କ ମଧ୍ୟରେ ଆଉ ସୀମିତ ହୋଇ ରହିନାହିଁ। ପିଲାଙ୍କଠାରୁ ପାଚିଲା ମଣିଷଙ୍କ ଯାଏ ପ୍ରାୟ ସମସ୍ତେ ଏହି ମାୟାରେ ବାୟା। ଲୋକଙ୍କ ମଧ୍ୟରେ ସେଲ୍‌ଫି ପ୍ରତି ବଢ଼ୁଥିବା ଆଗ୍ରହକୁ ଦେଖି ରାଜ୍ୟର ବିଭିନ୍ନ ସହରରେ ଏକାଧିକ ସେଲ୍‌ଫି ପଏଣ୍ଟ ପ୍ରସ୍ତୁତ କରାଯାଇଛି। ତେଣୁ ଏ କ୍ଷେତ୍ରରେ ଆଉ ପଛରେ ପଡ଼ିବାକୁ ଚାହାନ୍ତି ନାହିଁ ଅନୁଗୋଳବାସୀ। ଜିଲା ପ୍ରଶାସନ ପକ୍ଷରୁ ଶିଳ୍ପ ସହର ଅନୁଗୋଳରେ ଏପରି ବ୍ୟବସ୍ଥା କରିବାକୁ ଅନେକ ଅନୁଷ୍ଠାନ ଜିଲାପାଳଙ୍କୁ ଟୁଇଟ୍‌ କରିଛନ୍ତି। ଉତ୍ତରରେ ଜିଲାପାଳ ମଧ୍ୟ ଏଥିପାଇଁ ପ୍ରଶାସନ ସଜବାଜ ହେଉଥିବା ଜଣାଇଛନ୍ତି, ଯାହାକୁ ନେଇ ଉତ୍ସାହିତ ହୋଇପଡ଼ିଛନ୍ତି ଅନୁଗୋଳର ଯୁବପିଢ଼ି।
ଅନୁଗୋଳ ସହରର ସୌନ୍ଦର୍ଯ୍ୟକରଣ ଉପରେ ଏବେ ପ୍ରଶାସନ ଜୋର୍‌ ଦେଉଛି। ଦୀର୍ଘଦିନର ଅଳିଆ ସମସ୍ୟାର ସମାଧାନ ପାଇଁ ସହରରେ ୩ଟି ମାଇକ୍ରୋ କମ୍ପୋଷ୍ଟିଂ ସେଣ୍ଟର (ଏମ୍‌ସିସି) ନିର୍ମାଣ କରାଯାଇଛି। ବିଭିନ୍ନ ଛକ ସ୍ଥାନରେ ଓ୍ବାଟର ଏଟିଏମ୍‌ ଲଗାଯିବାର ବ୍ୟବସ୍ଥା ହେଉଛି। ଏଲ୍‌ଇଡି ଯୋଗେ ସରକାରୀ ଯୋଜନାର ପ୍ରଚାର ପ୍ରସାର ସହ କୋଟିଏ ଟଙ୍କା ବ୍ୟୟରେ ବସ୍‌ଷ୍ଟାଣ୍ଡ ନିକଟରେ ଅତ୍ୟାଧୁନିକ ପାର୍କ ନିର୍ମାଣର ଯୋଜନା ଉପରେ ମଧ୍ୟ କାର୍ଯ୍ୟ କରାଯାଉଛି। ତେଣୁ ସହରର ଶୋଭା ବଢ଼ାଇବା ଦିଗରେ ଆଉ ପାଦେ ଆଗେଇ ବିଭିନ୍ନ ସ୍ଥାନରେ ସେଲ୍‌ଫି ପଏଣ୍ଟ ସ୍ଥାପନ କରିବାକୁ କେତେକ ଅନୁଷ୍ଠାନ ପକ୍ଷରୁ ଜିଲାପାଳଙ୍କୁ ଟୁଇଟ୍‌ ଯୋଗେ ଅନୁରୋଧ କରାଯାଇଛି। ଏହାକୁ ନେଇ ସେମାନଙ୍କ ମଧ୍ୟରେ ଉତ୍ସାହ ଏତେ ଯେ କେଉଁ କେଉଁ ସ୍ଥାନରେ ଏହି ବ୍ୟବସ୍ଥା କରାଗଲେ ସହରର ଶୋଭା ଅଧିକ ବୃଦ୍ଧି ହେବ ସେ ନେଇ ମଧ୍ୟ ପ୍ରସ୍ତାବମାନ ଦିଆଯାଇଛି। ବିଶେଷକରି ବିଜୁ ମଇଦାନ, ରାଜା ଛକ, ଇକୋ ପାର୍କ, ନାରଣସାଗର ଆଦି ସ୍ଥାନକୁ ବଛାଯାଇଛି। କଟକ, ଭୁବନେଶ୍ୱର, ରାଉରକେଲା ଓ ସମ୍ବଲପୁରରେ ସେଲ୍‌ଫି ପଏଣ୍ଟ ଥିବାରୁ ଅନୁଗୋଳରେ ଏହି କାର୍ଯ୍ୟ ଯଥାଶୀଘ୍ର କରିବାକୁ ଯୁବପିଢ଼ିଙ୍କ ପକ୍ଷରୁ ଦାବି କରାଯାଇଛି। ଏ କ୍ଷେତ୍ରରେ ତାଳଚେର ସହର ବାସିନ୍ଦା ମଧ୍ୟ ପଛରେ ପଡ଼ିନାହାନ୍ତି। ତାଳଚେର ଉପଜିଲାପାଳଙ୍କ କାର୍ଯ୍ୟାଳୟ ନିକଟ, ରାଜବାଟୀ, ଜଜାଙ୍କ ବନ୍ଧ, ଆଇଟିଆଇ ଛକଠାରେ ସେଲ୍‌ଫି ପଏଣ୍ଟ ପ୍ରସ୍ତୁତ କରିବାକୁ ଦାବି କରାଯାଇଛି।

 

ମାଷ୍ଟର ପ୍ଲାନ୍‌ ପ୍ରସ୍ତୁତ କରାଯାଉଛି
ସେଲ୍‌ଫି ପଏଣ୍ଟ ପାଇଁ ଯୋଜନା କରାଯାଇଛି। ଏ ନେଇ କେତେ ଅର୍ଥ ବ୍ୟୟ ହେବ ଏବଂ କେଉଁ ସ୍ଥାନକୁ ବଛାଯିବ ତାହା ପ୍ରଥମେ ସ୍ଥିର କରାଯିବ। ଆସନ୍ତା ୬ ମାସ ମଧ୍ୟରେ ଏହି କାର୍ଯ୍ୟ ଆରମ୍ଭ ହେବ। ସହରର ବିକାଶ ପାଇଁ ଜବରଦଖଲ ହଟାଯିବା ସହ କେଉଁ ସ୍ଥାନର କିପରି ସୌନ୍ଦର୍ଯ୍ୟକରଣ କରାଯିବ ତାହା ଉପରେ ଗୁରୁତ୍ୱ ଦିଆଯିବ।
-ସିଦ୍ଧାର୍ଥ ଶଙ୍କର ସ୍ବାଇଁ, ଜିଲାପାଳ

ଲୋକଙ୍କ ମଧ୍ୟରେ ଉତ୍ସାହ ଭରିବ
ଅନୁଗୋଳ ସହରରେ ସେଲ୍‌ଫି ପଏଣ୍ଟ ପାଇଁ ପ୍ରଶାସନ ଯୋଜନା କରିବା ଏକ ସ୍ବାଗତଯୋଗ୍ୟ ପଦକ୍ଷେପ। ତେବେ ଜିଲାର କେବଳ ଗୋଟିଏ ସହରରେ କରା ନ ଯାଇ ତାଳଚେର ଓ ଅନ୍ୟାନ୍ୟ ଅଞ୍ଚଳକୁ ଏଥିପାଇଁ ବଛାଗଲେ ସୌନ୍ଦର୍ଯ୍ୟ ବୃଦ୍ଧି ସହ ଏହା ସ୍ଥାନୀୟ ଲୋକଙ୍କୁ ଉତ୍ସାହିତ କରିପାରନ୍ତା।
-ଜୀବନଜ୍ୟୋତ୍ସ୍ନା ଜେନା, ତାଳଚେର

ଅଭିଜ୍ଞତା ରହିଛି, ସୁଯୋଗକୁ ଅପେକ୍ଷା
ସହରରେ ସେଲ୍‌ଫି ପଏଣ୍ଟ ପାଇଁ ଦୁଇ ବର୍ଷ ପୂର୍ବରୁ ଭାବିଥିଲି। ଏ ନେଇ ବ୍ଲୁ ପ୍ରିଣ୍ଟ ପ୍ରସ୍ତୁତ କରି ପ୍ରଶାସନକୁ ଦେଇଥିଲି। କିନ୍ତୁ କୌଣସି ଉତ୍ତର ମିଳି ନ ଥିଲା। ଏବେ ସେଲ୍‌ଫି ପଏଣ୍ଟ ପାଇଁ ଯୁବଗୋଷ୍ଠୀ ଦାବି କରିବା ଜାଣି ଖୁସି ଲାଗୁଛି। ଏହି କାର୍ଯ୍ୟରେ ପୂର୍ବରୁ ଅଭିଜ୍ଞତା ରହିଛି। ଯଦି ପ୍ରଶାସନ ସୁଯୋଗ ଦିଏ ତା’ହେଲେ ହାତର କାରିଗରି ନିଶ୍ଚିତ ଭାବେ ଦେଖାଇବି।
-ଅନିଲ ଦାଶ, ଯୁବ ଉଦ୍ୟୋଗୀ, ଅନୁଗୋଳ

ଜିଲାର ସମ୍ମାନ ବଢ଼ିବ
ସେଲ୍‌ଫି ପଏଣ୍ଟ ନିର୍ମାଣ ହେଲେ ଅନୁଗୋଳ ଅନ୍ୟ ଜିଲା ପାଇଁ ଉଦାହରଣ ପାଲଟିବ। ଜିଲାର ସମ୍ମାନ ମଧ୍ୟ ବଢ଼ିଯିବ। ଏହା ଯୁବଗୋଷ୍ଠୀଙ୍କୁ ଅଧିକ ଉତ୍ସାହିତ କରିବ। ଜିଲାର ବିଭିନ୍ନ ପର୍ଯ୍ୟଟନସ୍ଥଳୀକୁ ଆସୁଥିବା ପର୍ଯ୍ୟଟକମାନେ ମଧ୍ୟ ଏହାର ସୁଯୋଗ ନେବେ।
-ଚନ୍ଦନ କୁମାର ସାହୁ, ଅନୁଗୋଳ

ଆକର୍ଷଣର କେନ୍ଦ୍ରବିନ୍ଦୁ ହୋଇପାରିବ
ଅନୁଗୋଳ ଜିଲା ଶିଳ୍ପରେ ପରିପୂର୍ଣ୍ଣ। ଦେଶ ବିଦେଶରେ ଏହାର ପରିଚୟ ରହିଛି। ଦୈନିକ ବିଭିନ୍ନ କାର୍ଯ୍ୟରେ ରାଜ୍ୟ ବାହାରୁ ଲୋକେ ଏଠାକୁ ଆସୁଛନ୍ତି। ସହରରେ ଏକାଧିକ ହୋଟେଲ ରହିଛି। ତେଣୁ ଏଠାରେ ସେଲ୍‌ଫି ପଏଣ୍ଟ ନିର୍ମାଣ କରାଗଲେ ଏହା ଆକର୍ଷଣର କେନ୍ଦ୍ରବିନ୍ଦୁ ହୋଇପାରନ୍ତା।
-ପବିତ୍ର ଭଞ୍ଜ, ଅନୁଗୋଳ


Enter your email to get our daily news in your inbox.

All Right Reserved By Dharitri.Com

ଭୁବନେଶ୍ୱରରେ ହେବନି କଣ୍ଟେନମେଣ୍ଟ

ଭୁବନେଶ୍ୱର, ୩।୬(ବ୍ୟୁରୋ): ଭୁବନେଶ୍ୱର ମହାନଗର ଅଞ୍ଚଳରେ ଆଉ କଣ୍ଟେନମେଣ୍ଟ ଜୋନ୍‌ ହେବ ନାହିଁ। ସିଲ କିମ୍ବା କଣ୍ଟେନମେଣ୍ଟ ଜୋନ କରାଯିବ ନାହିଁ । ଆବଶ୍ୟକ ହେଲେ...

ରକ୍ଷକ ଏଠି ଭକ୍ଷକ ସାଜିଛି: ବିଜୟଲକ୍ଷ୍ମୀ

ଭୁବନେଶ୍ୱର,୩୧୨(ବ୍ୟୁରୋ): ରାଜ୍ୟରେ ବଢ଼ି ଚାଲିଥିବା ନାରୀ ନିର୍ଯାତନା ଏବଂ ବଳାତ୍କାର ଘଟଣାକୁ ନେଇ ଖବରଦାତା ସମ୍ମିଳନୀରେ ବର୍ଷିଛନ୍ତି କଂଗ୍ରେସ ନେତ୍ରୀ ବିଜୟଲକ୍ଷ୍ମୀ ସାହୁ। ସେ କହିଛନ୍ତି...

ଅଭୟାରଣ୍ୟ, ହାତୀ କରିଡର୍‌ ପାଇଁ ବିପଦ ପାଲଟିଛି ଖଣି ଖାଦାନ

ଭୁବନେଶ୍ୱର,୪ା୧୧୧(ବ୍ୟୁରୋ) : ରାଜ୍ୟରେ ଅଭୟାରଣ୍ୟ ଓ ହାତୀ କରିଡର୍‌ ପାଇଁ ବିପଦ ସୃଷ୍ଟି କରୁଛି ଖଣି ଖାଦାନ। ଏନେଇ ଜାତୀୟ ଗ୍ରୀନ୍‌ ଟ୍ରିବ୍ୟୁନାଲ(ଏନ୍‌ଜିଟି) ଉଦ୍‌ବେଗ ପ୍ରକାଶ...

ବେଲଗାମ ହେଲାଣି ନିଶା ଓଷଧ କାରବାର

ଯୋଡ଼ା,୩୧।୮(ଡି.ଏନ.ଏ.)- କେନ୍ଦୁଝର ଜିଲା ଯୋଡା ସହରରେ ନିଶା ଓଷଧ କାରବାର ଅହେତୁକ ପରିମାଣରେ ବୃଦ୍ଧି ପାଇଛି ା ବାହାର ରାଜ୍ୟରୁ ଏହାକୁ ଆଣି ସହରରେ ବିକ୍ରୟ...

ସ୍ବାଧୀନତା ସଂଗ୍ରାମୀ ଦୟାନିଧି ନାୟକଙ୍କ ପରଲୋକ

ବରଗଡ଼ ଅଫିସ/ସୋହେଲା,୧୦।୮(ଡି.ଏନ୍‌.ଏ.): ବରଗଡ଼ ଜିଲା ସୋହେଲା ବ୍ଲକ ପାଣିମୋରା ଗ୍ରାମର ସ୍ବାଧୀନତା ସଂଗ୍ରାମୀ ଦୟାନିଧି ନାୟକଙ୍କ ଶନିବାର ସକାଳେ ପରଲୋକ ଘଟିଛି। ସେ ସକାଳୁ ଗୁରୁତର...

କରୋନା ଆକ୍ରାନ୍ତ ସରପଞ୍ଚ, ଆଶା, ଅଙ୍ଗନୱାଡି କର୍ମୀ, ଶିକ୍ଷକ, ସ୍ବାସ୍ଥ୍ୟକର୍ମୀଙ୍କ ସହ କଥା ହେଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୨୮ା୫(ବ୍ୟୁରୋ): କରୋନା ଆକ୍ରାନ୍ତ ସରପଞ୍ଚ, ଆଶା ଓ ଅଙ୍ଗନୱାଡି କର୍ମୀଙ୍କ ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୁରୁବାର ପୂର୍ବାହ୍ନରେ ଟେଲିଫୋନ ଯୋଗେ କଥା ହୋଇଥିବା ବେଳେ...

ସୀମା ସିଲ୍‌ କଲା ବରୀ ବ୍ଲକ ପ୍ରଶାସନ

ରତ୍ନଗିରି,୩ା୫(ଡି.ଏନ୍‌/ଏ.): ଯାଜପୁର ଜିଲାରେ ଶନିବାର ୮ କରୋନା ଆକ୍ରାନ୍ତ ଚିହ୍ନଟ ହୋଇଥିଲେ। ସେଥିମଧ୍ୟରୁ ବରୀ ବ୍ଲକ କଳାମାଟିଆ ପଞ୍ଚାୟତର ତଲକାଇପଡ଼ା ଗ୍ରାମରୁ ଜଣେ, ଉଦୟନାଥପୁରରୁ ଜଣେ...

ରାଜ୍ୟରେ ଆଉ ୬୮୧ କରୋନା ଆକ୍ରାନ୍ତ ସୁସ୍ଥ: କଟକରୁ ସର୍ବାଧିକ ସୁସ୍ଥ

ଭୁବନେଶ୍ୱର,୨ା୮(ବ୍ୟୁରୋ)-ରାଜ୍ୟରେ ରବିବାର ଆଉ ୬୮୧ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ସୁସ୍ଥଙ୍କ ମଧ୍ୟରେ କଟକରୁ ସର୍ବାଧିକ ୯୧ ଜଣ ସୁସ୍ଥ ହୋଇଥିବା ବେଳେ ଗଜପତିରୁ ୮୮,...

Advertisement


Archives

Model This Week

Why Dharitri