ନୂଆଦିଲ୍ଲୀ,୧୨।୧୨: ପୂର୍ବତନ ରାଷ୍ଟ୍ରପତି ପ୍ରଣବ ମୂଖାର୍ଜୀଙ୍କ ଆତ୍ମଜୀବନୀ ପୁସ୍ତକ ‘ଦ ପ୍ରେସିଡ଼େନ୍ସିଆଲ୍ ଇୟର’ରେ ଉଲ୍ଲେଖ କରାଯାଇଥିବା ତଥ୍ୟ ନେଇ ଏବେ ଦେଶର ରାଜନୈତିକ ମହଲରେ ଉଷ୍ଣତା ଭରିବାରେ ଲାଗିଛି। ପୁସ୍ତକରେ ପ୍ରଣବ ବର୍ଣ୍ଣନା କରିଥିବା କେତେକ ଅଜଣା କଥାକୁ ନେଇ ଚର୍ଚ୍ଚା ଆରମ୍ଭ ହୋଇଛି। ପ୍ରଣବ ଏଥିରେ ଲେଖିଛନ୍ତି ଯେ, ୨୦୧୪ ଲୋକ ସଭା ନିର୍ବାଚନରେ କଂଗ୍ରେସର ପରାଜୟ ପାଇଁ ସୋନିଆ ଗାନ୍ଧୀ ଏବଂ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ଦାୟୀ। ସୋନିଆଙ୍କ ଅଦୂରଦର୍ଶିତା ଏବଂ ମନମୋହନଙ୍କ କେତେକ ନୀତି ଯୋଗୁ କଂଗ୍ରେସକୁ ପରାଜୟର ମୁହଁ ଦେଖିବାକୁ ପଡ଼ିଲା ବୋଲି ଏହି ପୁସ୍ତକରେ ଦର୍ଶାଯାଇଛି। ପ୍ରଣବ ଯଦି ପ୍ରଧାନମନ୍ତ୍ରୀ ରହିଥାନ୍ତେ ତେବେ ଏଭଳି ହୋଇ ନ ଥାନ୍ତା। କଂଗ୍ରେସର ଅଦୂରଦର୍ଶୀ ନୀତି ଯୋଗୁ ଭାଜପା କେନ୍ଦ୍ରରେ ସହଜରେ ସରକାର ଗଠନ କରିବାକୁ ସକ୍ଷମ ହୋଇଥିବା ପୁସ୍ତକରେ ଦଶର୍ର୍ାଯାଇଛି। ଏହି ପୁସ୍ତକ ବିଶ୍ୱବ୍ୟାପୀ ୨୦୨୧ ଜାନୁୟାରୀରେ ଲୋକାର୍ପିତ କରାଯିବ। ସୂଚନାଯୋଗ୍ୟ, ପ୍ରଣବ ମୃତ୍ୟୁ ପୂର୍ବରୁ ଏହି ପୁସ୍ତକ ଲେଖା କାମ ଶେଷ କରିଥିଲେ।