ନୂଆଦିଲ୍ଲୀ,୨୧।୭: ସାମାଜିକ କର୍ମୀ ସୋନମ ୱାଙ୍ଗଚୁକ ବର୍ତ୍ତମାନ ଦିଲ୍ଲୀର ସଫଦରଜଙ୍ଗ ହସ୍ପିଟାଲରେ ଭର୍ତ୍ତି ଅଛନ୍ତି। ଏଭଳି ପରିସ୍ଥିତିରେ ତାଙ୍କ ସ୍ବାସ୍ଥ୍ୟାବସ୍ଥାକୁ ନେଇ ଏକ ସଦ୍ୟତମ ଅପଡେଟ୍ ସାମ୍ନାକୁ ଆସିଛି। ସୋନମ ୱାଙ୍ଗଚୁକଙ୍କ ସ୍ବାସ୍ଥ୍ୟାବସ୍ଥା ବର୍ତ୍ତମାନ ସ୍ଥିର ଅଛି ବୋଲିି କୁହାଯାଉଛି, କିନ୍ତୁ ଡାକ୍ତରଙ୍କ ନଜରବନ୍ଦୀ ଜାରି ରହିଛି। ଅନ୍ୟପକ୍ଷରେ ରକ୍ତରେ ଶର୍କରାର ପରିମାଣ (ବ୍ଲଡ ସୁଗାର୍) ଏବେ ମଧ୍ୟ ସାଧାରଣଠାରୁ କମ୍ ରହିଛି।
ଏହା ବ୍ୟତୀତ ପୋଟାସିୟମ ସ୍ତର ୩.୨ mEq/L, ରକ୍ତ ପରୀକ୍ଷାରେ ଆନିମିଆ (ରକ୍ତହୀନତା) ଏବଂ ଶ୍ୱେତ ରକ୍ତ କଣିକା (ସଫେଦ ରକ୍ତ କୋଷ) ମଧ୍ୟ କମ୍ ମିଳିଛି। ଡାକ୍ତରଙ୍କ କହିବାନୁଯାୟୀ, କ୍ରମାଗତ ଯାଞ୍ଚ ଏବଂ ତଦାରଖ କରିବା ଜରୁରୀ ଅଛି। ଏହି ସମୟରେ ୱାଙ୍ଗଚୁକ ଓଆର୍ଏସ (ORS) ଏବଂ ପୋଟାସିୟମ ଔଷଧ ନେଉଛନ୍ତି। ତଥାପି, ଡାକ୍ତରଙ୍କ ପରାମର୍ଶ ସତ୍ତ୍ୱେ ସେ ଆଇଭି ଫ୍ଲୁଇଡ (IV fluid) ଏବଂ ଗ୍ଲୁକୋଜ ନେବାକୁ ମନା କରିଦେଇଛନ୍ତି।
ଦୀର୍ଘ ସମୟ ଧରି ଉପବାସ ଏବଂ ଶରୀରରେ ଜଳ ଅଭାବକୁ ଦୃଷ୍ଟିରେ ରଖି ଡାକ୍ତରମାନେ କ୍ରମାଗତ ଭାବରେ ତାଙ୍କ ସୱାସ୍ଥ୍ୟାବସ୍ଥା ଉପରେ ନଜର ରଖିଛନ୍ତି। ସୋନମ ୱାଙ୍ଗଚୁକଙ୍କୁ ସଫଦରଜଙ୍ଗ ହସ୍ପିଟାଲ ଏବଂ ଏମ୍ସ (AIIMS) ର ବିଶେଷଜ୍ଞ ଟିମ ଚିକିତ୍ସା କରୁଛନ୍ତି। ହସ୍ପିଟାଲ ପକ୍ଷରୁ କୁହାଯାଇଛି ଯେ ଆବଶ୍ୟକୀୟ ସମସ୍ତ ଚିକିତ୍ସା ଯାଇଯାଉଛି ଏବଂ ସ୍ବାସ୍ଥ୍ୟାବସ୍ଥା ଉପରେ କ୍ରମାଗତ ନଜର ରଖାଯାଇଛି।
Odisha’s No.1 Odia Daily
