ପ୍ରବାସୀଙ୍କୁ ଦେଇପାରିଲେନି ଦକ୍ଷତା ତାଲିମ

ନୂଆଦିଲ୍ଲୀ, ୨୮ା୭: କରୋନା ମହାମାରୀ ଯୋଗୁ ୨୦୨୦ ମାର୍ଚ୍ଚ ୨୫ରେ କେନ୍ଦ୍ର ସରକାର ହଠାତ୍‌ ଦେଶବ୍ୟାପୀ ଲକ୍‌ଡାଉନ ଘୋଷଣା କରିଥିଲେ। କଳକାରଖାନା ଓ ଅନ୍ୟ ବ୍ୟବସାୟିକ ପ୍ରତିଷ୍ଠାନଗୁଡ଼ିକରେ ତାଲା ପଡ଼ିବାରୁ କୋଟିଏରୁ ଊର୍ଦ୍ଧ୍ୱ ପ୍ରବାସୀ ଶ୍ରମିକ ଜୀବିକା ହରାଇଥିଲେ। ବିଭିନ୍ନ ରାଜ୍ୟରେ ଫସିରହିଥିବା ଶ୍ରମିକମାନେ ହଜାର ହଜାର କି.ମି. ପାଦରେ ଚାଲି ଘରକୁ ଫେରୁଥିବା ସେତେବେଳେ ଦେଖାଯାଇଥିଲା। ଏହି ଧାରା ଅଦ୍ୟାବଧି ଅବ୍ୟାହତ ରହିଛି। କୋଭିଡ୍‌-୧୯ର ଦ୍ୱିତୀୟ ଲହର ନ ଯାଉଣୁ ତୃତୀୟ ଲହରର ଆତଙ୍କ ସୃଷ୍ଟି ହେଲାଣି। କିନ୍ତୁ ଗତବର୍ଷ ପ୍ରବାସୀଙ୍କୁ ଦକ୍ଷତା ବିକାଶ ପାଇଁ ତାଲିମ ଦେବାକୁ ରଖାଯାଇଥିବା ଲକ୍ଷ୍ୟ ଏଯାଏ ପୂରଣ ହୋଇପାରି ନାହିଁ। ଏହି ବିଷୟ ଖୋଦ କେନ୍ଦ୍ର ସରକାର ସ୍ବୀକାର କରିଛନ୍ତି। ଉପଯୁକ୍ତ ସମନ୍ବୟ ଅଭାବରୁ ସରକାରୀ ଯୋଜନାଗୁଡ଼ିକ କିପରି ବାଟବଣା ହେଉଛି ଏହା ତା’ର ଜ୍ୱଳନ୍ତ ଦୃଷ୍ଟାନ୍ତ।

ଗତ ବର୍ଷ ମହାମାରୀ ବେଳେ ସୃଷ୍ଟି ହୋଇଥିବା ସ୍ଥିତି ପୂର୍ବରୁ କେବେ ଦେଖାଯାଇ ନ ଥିଲା। ଲକ୍‌ଡାଉନ ପରେ ଘରକୁ ଫେରୁଥିବା ପ୍ରବାସୀ ଶ୍ରମିକଙ୍କୁ ଦକ୍ଷତା ତାଲିମ ଦ୍ୱାରା ସେମାନେ ଯେମିତି ନିଜ ଘର ପାଖରେ କାମ ପାଇବେ ସେ ଦିଗକୁ କେନ୍ଦ୍ର ସରକାର ବିଚାର କରିଥିଲେ। ଓଡ଼ିଶା ସମେତ ଉତ୍ତର ପ୍ରଦେଶ, ବିହାର, ରାଜସ୍ଥାନ, ମଧ୍ୟ ପ୍ରଦେଶ ଏବଂ ଝାଡ଼ଖଣ୍ଡ ଭଳି ରାଜ୍ୟର ୧୧୩ ଜିଲାର ପ୍ରାୟ ୩ ଲକ୍ଷ ପ୍ରବାସୀଙ୍କୁ ଦକ୍ଷତା ତାଲିମ ପ୍ରଦାନ ନେଇ କେନ୍ଦ୍ର ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରଣାଳୟ ପକ୍ଷରୁ ଲକ୍ଷ୍ୟ ରଖାଯାଇଥିଲା। ମାତ୍ର ଏହି ଲକ୍ଷ୍ୟ ହାସଲ କରିବାକୁ ମନ୍ତ୍ରଣାଳୟ ଏ ପପର୍ଯ୍ୟନ୍ତ ସକ୍ଷମ ହୋଇନାହିଁ। ଏହି ଯୋଜନାରେ ବର୍ତ୍ତମାନ ସୁଦ୍ଧା ମାତ୍ର ୭୧ ହଜାର ଶ୍ରମିକଙ୍କୁ ତାଲିମ ଦିଆଯାଇଥିବା ସରକାରୀ ସୂତ୍ରରୁ ପ୍ରକାଶ। ଗତ ବର୍ଷ ପ୍ରବାସୀମାନେ ଯେଭଳି ସମସ୍ୟାର ସମ୍ମୁଖୀନ ହୋଇଥିଲେ ତାହା ଗଣମାଧ୍ୟମରେ ପ୍ରସାରିତ ହେବା ପରେ ଭାରତର ବ୍ୟବସ୍ଥାଗତ ଦୁର୍ବଳତାକୁ ବିଶ୍ୱ ସମୁଦାୟ ଆଗକୁ ଆଣିଥିଲା। କେନ୍ଦ୍ର ସରକାର ଦେଇଥିବା ତଥ୍ୟ ମୁତାବକ, ୨୦୨୦ ମାର୍ଚ୍ଚରେ ଘୋଷଣା ହୋଇଥିବା ପ୍ରଥମ ଲକ୍‌ଡାଉନରେ ୧.୦୮କୋଟି ପ୍ରବାସୀ ଘରକୁ ଫେରିଥିଲେ। ବିଶେଷକରି ଦେଶର ୬ ରାଜ୍ୟରେ ଏହି ପ୍ରବାସୀ ରହିଥିଲେ। ଉତ୍ତର ପ୍ରଦେଶରେ ସର୍ବାଧିକ ୩୨ ଲକ୍ଷ ଏବଂ ବିହାରରେ ୧୫ ଲକ୍ଷ ପ୍ରବାସୀ ଘରମୁହଁା ହୋଇଥିଲା। ମାତ୍ର ଫେରିଥିବା ୧ କୋଟି ଲୋକଙ୍କ ମଧ୍ୟରୁ ୩ ଲକ୍ଷ ଲୋକଙ୍କୁ ତାଲିମ ଦେବାକୁ ହୋଇଥିବା ଯୋଜନାକୁ ସରକାର କାହିଁକି ସଫଳ କରାଇପାରିଲେ ନାହିଁ ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ମନ୍ତ୍ରଣାଳୟ ପକ୍ଷରୁ ନିକଟରେ ମିଳିଥିବା ତଥ୍ୟ ମୁତାବକ, ୭୦,୮୨୩ ପ୍ରବାସୀ ତାଲିମ ନେଇଥିବାବେଳେ ୫୯,୮୮୮ ପ୍ରବାସୀଙ୍କୁ ତାଲିମ ଦେବା ଲାଗି ଧାର୍ଯ୍ୟ କରାଯାଇଛି। ଓଡ଼ିଶାରେ ଏହି କାର୍ଯ୍ୟକ୍ରମରେ ୧୬୯୦ ଲୋକ ତାଲିମ ପାଇଛନ୍ତି। ତାଲିକାରେ ବିହାର ସବୁଠାରୁ ଆଗରେ ରହିଛି। ଏଠାରେ ୩୧,୬୧୯ ପ୍ରବାସୀ ତାଲିମ ପାଇଛନ୍ତି। ଦ୍ୱିତୀୟ ସ୍ଥାନରେ ରହିଥିବା ଉତ୍ତର ପ୍ରଦେଶରେ ୧୩,୭୨୪ ଜଣ ଦକ୍ଷତା ତାଲିମ ପାଇବାକୁ ସକ୍ଷମ ହୋଇଛନ୍ତି। ରାଜସ୍ଥାନ, ମଧ୍ୟପ୍ରଦେଶ ଏବଂ ଆସାମରେ ୧୨,୪୪୮, ୧୦,୫୯୮ ଏବଂ ୭୪୧ ଜଣକୁ ତାଲିମ ଦିଆଯାଇଛି।
ଗରିବ କଲ୍ୟାଣ ରୋଜଗାର ଅଭିଯାନ ଅନ୍ତର୍ଗତ ପ୍ରବାସୀ ଶ୍ରମିକଙ୍କ ସ୍ପଲ ମ୍ୟାପିଂ ଦ୍ୱାରା ସେମାନଙ୍କ ଦକ୍ଷତା ବୃଦ୍ଧି ଦ୍ୱାରା ଘର ପାଖରେ କର୍ମନିଯୁକ୍ତିକୁ ଗୁରୁତ୍ୱ ଦିଆଯାଇଥିଲା। ଯୋଜନା କାର୍ଯ୍ୟକାରୀ କରିବା ଲାଗି ଜିଲା କର୍ତ୍ତୃପକ୍ଷଙ୍କ ସହ କେନ୍ଦ୍ର ସରକାର ମିଳିତ ହୋଇ କାମ କରୁଥିଲେ। ଜିଲା ସ୍ତରରେ ସ୍କିମ କମିଟି ଦ୍ୱାରା ବ୍ୟକ୍ତିଙ୍କୁ ଚୟନ ସହ ତାଲିମ ଭଳି ଦିଗ ଉପରେ ଯୋଜନା କରାଯାଇଥିଲା। ରାଜମିସ୍ତ୍ରି, ଟେଲରିଂ, ମେଶିନ ଅପରେଟର, ସହକାରୀ ଇଲେକ୍ଟ୍ରିସିଆନ ଏବଂ ଜୈବିକ କୃଷି ଭଳି ଅନ୍ୟ କ୍ଷେତ୍ରରେ ତାଲିମ ବ୍ୟବସ୍ଥା ରଖାଯାଇଛି। ଏ କ୍ଷେତ୍ରରେ ମନ୍ତ୍ରଣାଳୟ ବିଭିନ୍ନ ଆହ୍ବାନ ସାମ୍ନା କରୁଥିବା ଦେଖାଯାଇଛି। ଅଧିକରୁ ଅଧିକ ଲୋକ ଯେଭଳି ତାଲିମ ପାଇବେ ତାକୁ ଧ୍ୟାନରେ ରଖିବାକୁ ସଂସଦୀୟ କମିଟି ଦକ୍ଷତା ବିକାଶ ମନ୍ତ୍ରଣାଳୟକୁ କହିଛି। ପ୍ରଥମ ଲହର ଯାଇ ଦ୍ୱିତୀୟ ଲହର ଜନିତ ଲକ୍‌ଡାଉନ କଟକଣା ଏବେ କୋହଳ ହେଉଛି। ମାତ୍ର ସରକାର ତାଙ୍କ ଯୋଜନାକୁ ଠିକ୍‌ ରୂପାୟନ କରିବାରେ ସକ୍ଷମ ହୋଇ ନ ଥିବା ଦେଖାଯାଇଛି। ଅପରପକ୍ଷରେ ରାଜ୍ୟଗୁଡିକ ସ୍ତରରେ ଯଦି ଏଭଳି କାର୍ଯ୍ୟକ୍ରମ ଗ୍ରହଣ କରାଯାନ୍ତା ତେବେ ଆଗାମୀ ଦିନରେ ପ୍ରବାସୀଙ୍କ ସମସ୍ୟା କିଛି ମାତ୍ରାରେ ସମାଧାନ ହୋଇ ପାରନ୍ତା ବୋଲି ବଜାର ବିଶେଷଜ୍ଞମାନେ ମତ ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ମୁଖତାରଙ୍କ ୧୨ଶହ କୋଟି ଟଙ୍କାର ସମ୍ପତ୍ତି

ଲକ୍ଷ୍ନୌ,୨୮।୩: ମୁଖତାର ଅନସାରୀଙ୍କ ନାମ କିଏ ବା ନ ଶୁଣିଛି। ଯଦି ଆମେ ପୂର୍ବାଞ୍ଚଳ ବିଷୟରେ କଥା ହେବା, ସେଠାରେ ଥିବା ସମସ୍ତେ ନିଶ୍ଚୟ ତାଙ୍କ...

ମାଫିଆ ମୁଖତାର ଅନସାରୀଙ୍କ ମୃତ୍ୟୁ, ହସ୍ପିଟାଲରେ ପୋଲିସ ଛାଉଣି, ୧୪୪ ଧାରା ଜାରି

ବାନ୍ଦା,୨୮।୩: ଉତ୍ତର ପ୍ରଦେଶର ବାନ୍ଦା ହସ୍ପିଟାଲରେ ଶୁକ୍ରବାର ରାତିରେ ମାଫିଆରୁ ରାଜନେତା ହୋଇଥିବା ମୁଖତାର ଅନସାରୀଙ୍କ ମୃତ୍ୟୁ ହୋଇଛି। ବାନ୍ଦା ଜେଲରେ ହାର୍ଟ ଆଟାକ ପରେ...

ଇଡି ଜବତ କରୁଥିବା ସମ୍ପତ୍ତି ହୁଏ କ’ଣ, ଯାହାକୁ ଗରିବଙ୍କ ମଧ୍ୟରେ ବାଣ୍ଟି ଦେଉଥିବା କହୁଛନ୍ତି ମୋଦି?

ନୂଆଦିଲ୍ଲୀ,୨୮।୩: ନିର୍ବାଚନ ଋତୁରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୁଣି ଥରେ ଏକ ବଡ଼ ଦାବି କରିଛନ୍ତି। ପଶ୍ଚିମବଙ୍ଗର କୃଷ୍ଣନଗର ଲୋକ ସଭା ଆସନରୁ ଭାଜପା ପ୍ରାର୍ଥୀ...

ଜେଲରୁ ପ୍ରଚାର କରିବେ ଆଜମ ଖାଁ? ଷ୍ଟାର ପ୍ରଚାରକ ଲିଷ୍ଟରେ ରହିଛି ନାମ

ଲକ୍ଷ୍ନୌ,୨୮।୩: ଲୋକସଭା ନିର୍ବାଚନ ୨୦୨୪ ପାଇଁ ବିଗୁଲ ବାଜି ସାରିଛି ଏବଂ ଉତ୍ତରପ୍ରଦେଶର ୮୦ଟି ଆସନରେ ୭ଟି ପର୍ଯ୍ୟାୟରେ ନିର୍ବାଚନ ଅନୁଷ୍ଠିତ ହେବ। ୟୁପିରେ ପ୍ରଥମ...

ମୁଖତାର ଅନସାରୀ ଗୁରୁତର, ହସ୍ପିଟାଲରେ ଭର୍ତ୍ତି

ନୂଆଦିଲ୍ଲୀ,୨୮।୩: ବାହୁବଳୀ ନେତା ମୁଖତାର ଅନସାରୀ ଗୁରୁତର ହୋଇପଡିଛନ୍ତି। ବାନ୍ଦା ଜେଲରେ ଥିବା ବେଳେ ତାଙ୍କର ସ୍ବାସ୍ଥ୍ୟ ବିଗିଡି ଯାଇଛି। ଏହା ପରେ ତାଙ୍କୁ ବାନ୍ଦା...

କେଜ୍‌ରିଓ୍ବାଲଙ୍କ ଗିରଫଦାରୀକୁ ନେଇ ଆମେରିକା ଦେଇଥିବା ମନ୍ତବ୍ୟ ଉପରେ କଡ଼ା ଜବାବ ଦେଲା ଭାରତ

ନୂଆଦିଲ୍ଲୀ,୨୮।୩ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିଓ୍ବାଲଙ୍କ ଗିରଫଦାରୀ ଏବଂ କଂଗ୍ରେସର ବ୍ୟାଙ୍କ ଆକାଉଣ୍ଟକୁ ଅଚଳ କରାଯିବା ଘଟଣା ଉପରେ ଆମେରିକାର ମନ୍ତବ୍ୟ ଅବାଞ୍ଛିତ ବୋଲି...

ଭାଜପା ସହ ହେଲା ନାହିଁ ମେଣ୍ଟ ତ ନବୀନ ଖେଳିଲେ ନୂଆ ଗେମ! ପୁରୁଷଙ୍କ ଟିକେଟ କାଟି ପତ୍ନୀମାନଙ୍କୁ କଲେ ପ୍ରାର୍ଥୀ

ନୂଆଦିଲ୍ଲୀ/ଭୁବନେଶ୍ୱର,୨୮।୩: ଓଡ଼ିଶାରେ ଶାସକ ବିଜୁ ଜନତା ଦଳ (ବିଜେଡି) ଆଗାମୀ ବିଧାନସଭା ନିର୍ବାଚନ ପାଇଁ ୪ ମହିଳାଙ୍କୁ ସେମାନଙ୍କ ସ୍ବାମୀଙ୍କ ସ୍ଥାନରେ ପ୍ରାର୍ଥୀ କରିଛି। ଏହି...

୧୪ ବର୍ଷର ବନବାସ ଶେଷ କରି କାହିଁକି ରାଜନୀତିକୁ ଫେରିଲେ ଛୋଟେ ମିଆଁ

ମୁମ୍ବାଇ,୨୮।୩: ବଲିଉଡ଼ ଅଭିନେତା ତଥା ପୂର୍ବତନ ଏମପି ଗୋବିନ୍ଦା ଗୁରୁବାର ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କ ନେତୃତ୍ୱରେ ଶିବସେନାରେ ଯୋଗ ଦେଇଛନ୍ତି। ମୁମ୍ବାଇ ଉତ୍ତର ପଶ୍ଚିମରେ ଶିବସେନାର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri