ପୁରୁଷୋତ୍ତମପୁର, ୧୫।୭(ଡି.ଏନ୍.ଏ.): ଗଞ୍ଜାମ ଜିଲା ପୁରୁଷୋତ୍ତମପୁର ଏନ୍ଏସିରେ କରୋନା ପଜିଟିଭଙ୍କ ସଂଖ୍ୟା ବଢିବାରେ ଲାଗିଛି। କେତେକ ଅମାନିଆ ଦୋକାନ ବଜାରରେ ସାମାଜିକ ଦୂରତ୍ୱ ରକ୍ଷା କରୁ ନ ଥିବା ଦେଖିବାକୁ ମିଳୁଛି। ତେଣୁ ଗୋଷ୍ଠୀ ସଂକ୍ରମଣକୁ ରୋକିବା ଲାଗି ପୁରୁଷୋତ୍ତମପୁର ଏନ୍ଏସି ନିର୍ବାହୀ ଅଧିକାରୀ ସୌମ୍ୟ ରଞ୍ଜନ ମିଶ୍ର ଗୁରୁବାରଠାରୁ ୬ ଦିନ ଅର୍ଥାତ୍ ୧୬ରୁ ୨୧ ତାରିଖ ପର୍ଯ୍ୟନ୍ତ ସହରକୁ ଶଟ୍ଡାଉନ ଘୋଷଣା କରିଛନ୍ତି। ଏ ନେଇ ସହରରେ ଡାକବାଜି ଯନ୍ତ୍ର ଯୋଗେ ପ୍ରଚାର ମଧ୍ୟ କରାଯାଇଛି। ଶଟ୍ଡାଉନ ସମୟରେ ଆଇନ ଉଲ୍ଲଂଘନ କଲେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମଧ୍ୟ ସୂଚାଇ ଦିଆଯାଇଛି। ମାତ୍ର ଅତି ଜରୁରିକାଳୀନ ସେବାର ଆବଶ୍ୟକତାକୁ କୋହଳ କରାଯାଇଛି। ଜରୁରୀ କାର୍ଯ୍ୟ ନ ଥିଲେ ଘରୁ କେହି ନ ବାହାରିବା ଲାଗି ସତର୍କ କରାଯାଇଥିବା ନିର୍ବାହୀ ଅଧିକାରୀ ମିଶ୍ର କହିଛନ୍ତି।
