ମୁମ୍ବାଇ: ବଲିଉଡ୍ର ସୁନ୍ଦରୀ ତଥା ଚୁଲବୁଲୀ ଅଭିନେତ୍ରୀ ଭାବେ ପରିଚିତି ହାସଲ କରିଥିବା ଆଲିଆ ଭଟ୍ଟଙ୍କୁ ସୋମବାର ୨୮ ବର୍ଷ ପୂରଣ ହୋଇଛି। ୧୯୯୩ ମାର୍ଚ୍ଚ ୧୫ରେ ସେ ମୁମ୍ବାଇଠାରେ ଜନ୍ମଗ୍ରହଣ କରିଥିଲେ। ମାତା ସୋନୀ ରାଜଦାନ ଏବଂ ପିତା ମହେଶ ଭଟ୍ଟ ଫିଲ୍ମ ଦୁନିଆ ସହିତ ଜଡ଼ିତ ଥିବାରୁ ବଲିଉଡ୍କୁ ଆସିବା ତାଙ୍କ ପାଇଁ କଷ୍ଟକର ନ ଥିଲା। ୧୯୯୯ରେ ସଂଘର୍ଷ ଫିଲ୍ମରେ ଆଲିଆ ଜଣେ ଶିଶୁ କଳାକାର ଭାବେ ଅଭିନୟ କରିଥିଲେ। ତେବେ ୨୦୧୨ରେ କରନ ଜୋହର୍ଙ୍କ ଫିଲ୍ମ ଷ୍ଟୁଡେଣ୍ଟ ଅଫ ଦି ଇୟରରେ ସେ ବଲଉଡ୍ରେ ଡେବ୍ୟୁ କରିଥିଲେ। ଏହାପରେ ୨୦୧୪ରେ ୨-ଷ୍ଟେଟସ୍, ହମ୍ପ୍ଟି ଶର୍ମା କି ଦୁହ୍ଲନିଆ, ହାଇଓ୍ବେ, ୨୦୧୬ରେ ଡିୟର ଜିନ୍ଦେଗି, ଉଡ୍ତା ପଞ୍ଜାବ, ୨୦୧୭ରେ ବଦ୍ରିନାଥ କି ଦୁହ୍ଲନିଆ, ୨୦୧୮ରେ ରାଜି, ୨୦୧୯ରେ ଗୁଲି ବୟ, କଳଙ୍କ, ଷ୍ଟୁଡେଣ୍ଟ୍ ଅଫ୍ ଦି ଇୟର-୨, ୨୦୨୦ରେ ଅଂଗ୍ରେଜୀ ମିଡ଼ିୟମ୍, ସଡ଼କ-୨ ଆଦି ଫିଲ୍ମରେ ଅଭିନୟ କରି ନିଜ ପ୍ରତିଭାର ପରିଚୟ ଦେଇ ଦର୍ଶକଙ୍କୁ ଆକର୍ଷିତ କରି ବେଶ୍ ପ୍ରଶଂସା ସାଉଁଟିଥିଲେ। ଏବେ ଆଲିଆଙ୍କର ଗଙ୍ଗୁବାଈ କାଠିଆଓ୍ବାଡ଼ି, ବ୍ରହ୍ମଶାସ୍ତ୍ର ଏବଂ ତେଲୁଗୁ ଭାଷାର ଆର୍ଆର୍ଆର୍ ଆଦି ଫିଲ୍ମ ନିର୍ମାଣଧୀନ ଅବସ୍ଥାରେ ରହିଛି। ପୂର୍ବରୁ ସିଦ୍ଧାର୍ଥ ମାଲହୋତ୍ରାଙ୍କ ସହିତ ଆଲିଆଙ୍କ ସମ୍ପର୍କ ନେଇ ବେଶ ଚର୍ଚ୍ଚା ହେଉଥିଲା। ତେବେ ପରେ ଏଥିରେ ଭଟ୍ଟା ପଡ଼ିଥିଲା। ଏବେ ଆଲିଆ ଏବଂ ରଣବୀର କପୁରଙ୍କ ସମ୍ପର୍କ ନେଇ ବଲିଉଡ୍ରେ ଚର୍ଚ୍ଚା ହେଉଛି। ତେବେ ଆଲିଆ ଏନେଇ ମୁହଁ ନ ଖୋଲି ଚୁପ୍ ରହିବାକୁ ପସନ୍ଦ କରୁଛନ୍ତି। ପ୍ରଥମେ କ୍ୟାରିୟର ପରେ ଅନ୍ୟ କିଛି ବୋଲି ଆଲିଆ କହିଥାନ୍ତି।
