କାନବେରା, ୧୪।୮ : ଅଷ୍ଟ୍ରେଲିଆର କାନବେରା ବିମାନ ବନ୍ଦରରେ ଗୁଳିକାଣ୍ଡ ଘଟିଛି। ଜଣେ ବ୍ୟକ୍ତି ହାତରେ ବନ୍ଧୁକ ଧରି ଆଖିବୁଜା ଗୁଳି ଚଳାନା କରିଥିଲେ। ପରେ ତାଙ୍କୁ ଗିରଫ କରାଯାଇଛି। ପରେ ମୁଖ୍ୟ ଟର୍ମିନାଲକୁ ଖାଳି କରାଯାଇଛି। ଗିରଫ ହୋଇଥିବା ବ୍ୟକ୍ତିଙ୍କଠାରୁ ଅସ୍ତ୍ରଶସ୍ତ୍ର ଜବତ କରାଯାଇଥିବା ଫେଡେରାଲ ପୋଲିସ କହିଛି। ସିସିଟିଭି ଫୁଟେଜ ଦେଖିବା ପରେ ଏହି ଘଟଣାରେ କେବଳ ଗିରଫ ବ୍ୟକ୍ତିଙ୍କୁ ଦାୟୀ କରାଯାଇଛି। ଜନସାଧାରଣଙ୍କ ସୁରକ୍ଷା ପ୍ରତି ଆଉ କୌଣସି ବିପଦ ନଥିବା ପୋଲିସ କହିଛି।
ନ୍ୟୁଜ ଏଜେନ୍ସି ଅନୁଯାୟୀ, କାନବେରା ବିମାନବନ୍ଦରରେ ଗୁଳି ବିନିମୟ ପରେ ଜଣେ ବ୍ୟକ୍ତିଙ୍କୁ ଗିରଫ କରାଯାଇଥିବା ପୋଲିସ ନିଶ୍ଚିତ କରିଛି। ଏହି ଘଟଣାରେ କେହି ଆହତ ହୋଇନାହାଁନ୍ତି ବୋଲି ପୋଲିସ କହିଛି। ବିମାନ ବନ୍ଦରର ମୁଖ୍ୟ ଟର୍ମିନାଲ ବିଲଡିଂରେ ଗୁଳିକାଣ୍ଡ ପରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିବା ପୋଲିସ କହିଛି। ବ୍ୟକ୍ତି ଜଣକ କାହିଁକି ଗୁଳିକାଣ୍ଡ କଲେ ତାହାର ତଦନ୍ତ ଜାରି ରହିଛି।
