ଜୋତା ପାଦକୁ ସୁରକ୍ଷା ଦିଏ। ଗ୍ରାହକଙ୍କ ଚାହିଦା ଓ ଆରାମକୁ ନଜରରେ ରଖି ବିଭିନ୍ନ କମ୍ପାନୀ ଜୋତା ତିଆରି କରିଥାଆନ୍ତି। ତେବେ ବେଳେବେଳେ କିଛି କମ୍ପାନୀ ଅଜବ ଉପାୟ ଆପଣାଇଥାଆନ୍ତି ନିଜ କମ୍ପାନୀକୁ ଲୋକପ୍ରିୟ କରାଇବା ପାଇଁ। ନିକଟରେ ସେମିତି ଏକ ଜୋତା କମ୍ପାନୀ ଅଜବ ଉପାୟରେ ଜୋତା ତିଆରି କରି ଆଲୋଚନାର ଶିରୋନାମା ହୋଇଛି। ଅନେକେ ଏହି ଉପାୟକୁ ନିନ୍ଦା ବି କରୁଛନ୍ତି। କାରଣ ଉକ୍ତ କମ୍ପାନୀ କରିଛି ମଣିଷ ରକ୍ତରେ ତିଆରି ଜୋତା। ଜୋତାର ସୋଲ୍ ରକ୍ତରେ ତିଆରି ବୋଲି କମ୍ପାନୀ ତରଫରୁ କୁହାଯାଇଛି, ଯାହାକୁ ଅନେକେ ନାପସନ୍ଦ କରୁଛନ୍ତି। କେବଳ ସେତିକି ନୁହେଁ, ଜୋତାରେ ପ୍ରାଚୀନ ପୁସ୍ତକରେ ବର୍ଣ୍ଣିତ ପେଣ୍ଟାଗ୍ରାମ ପେଣ୍ଡେଣ୍ଟ ଲାଗିଛି, ଏହାର ମଡେଲକୁ ବାଇବେଲ ସହ ବି ଯୋଡ଼ା ଯାଉଛି। ଏହି ଜୋତାର ୬୬୬ଟି ଯୋଡ଼ା ତିଆରି ହୋଇଛି। ପ୍ରତି ଯୋଡ଼ାର ମୂଲ୍ୟ ୭୪,୫୦୦ଟଙ୍କା।
