ମୁମ୍ବାଇ,୫।୭ : ଜାତୀୟତାବାଦୀ କଂଗ୍ରେସ ପାର୍ଟି (ଏନସିପି) ର ଶରଦ ପାଓ୍ବାର ଏବଂ ଅଜିତ ପାଓ୍ବାରଙ୍କ ସମର୍ଥକ ଉଭୟ ଦଳ ବୁଧବାର ଶକ୍ତି ପ୍ରଦର୍ଶନ କରିଛନ୍ତି। ବୈଠକରେ ଯୋଗଦେବା ପାଇଁ ଏନସିପି ମୁଖ୍ୟ ଅଜିତ ପାୱାର ଏବଂ ଶରଦ ପାୱାରଙ୍କ ପକ୍ଷରୁ ହ୍ବିପ ଜାରି କରାଯାଇଥିଲା। ତେବେ ଅଜିତ ପାୱାରଙ୍କ ସହ ଏନସିପିର ଅଧିକ ସଦସ୍ୟ ରହିଥିବା ଦେଖାଯାଇଛି। ତାଙ୍କ ବୈଠକରେ ଯୋଗଦେବା ପାଇଁ ୫୩ ବିଧାୟକଙ୍କ ମଧ୍ୟରୁ ୩୫ ଜଣ ପହଞ୍ଚିଛନ୍ତି। ଏଭଳି ପରିସ୍ଥିତିରେ ଆଗାମୀ ଦିନରେ ଏନସିପିର ଅସ୍ତିତ୍ୱକୁ ତାଙ୍କ ନେତୃତ୍ୱରେ ରଖିବା ପାଇଁ ଶରଦ ପାୱାରଙ୍କ ଆଶାକୁ ଏକ ବଡ ଝଟକା ଲାଗିଛି।
ମୁମ୍ବାଇର ଓ୍ବାଇ.ବି. ଚୌହ୍ବାନ କେନ୍ଦ୍ରରେ ଶରଦ ପାୱାରଙ୍କ ନେତୃତ୍ୱରେ ହୋଇଥିବା ବୈଠକରେ ମୋଟ ୧୩ ଜଣ ବିଧାୟକ, ୩ ଏମଏଲସି ଏବଂ ୫ ଏମ୍ପି ଉପସ୍ଥିତ ଅଛନ୍ତି। ଏହି ୧୩ ଜଣ ବିଧାୟକଙ୍କ ମଧ୍ୟରେ ଅନିଲ ଦେଶମୁଖ, ରୋହିତ ପାୱାର, ରାଜେନ୍ଦ୍ର ଶିଙ୍ଗାନେ, ଅଶୋକ ପାୱାର, କିରଣ ଲାହମେଟ, ପ୍ରଜାକଟା ତନପୁର, ବାଲାସାହେବ ପାଟିଲ, ଜିତେନ୍ଦ୍ର ଆହାଦ, ଚେତନ ଭିଟାଲ ଟୁପେ, ଜୟନ୍ତ ପାଟିଲ, ରାଜେଶ ଟୋପେ, ସନ୍ଦୀପ କ୍ଷୀରସାଗର ଏବଂ ଦେବେନ୍ଦ୍ର ଅଛନ୍ତି। ୫ ଏମପିଙ୍କ ମଧ୍ୟରେ ଶ୍ରୀନିବାସ ପାଟିଲ (ଲୋକସଭା), ସୁପ୍ରିୟା ସୁଲେ (ଲୋକସଭା), ଆମୋଲ କୋଲହେ (ଲୋକସଭା), ଫୈଜିଆ ଖାନ (ରାଜ୍ୟସଭା) ବନ୍ଦନା ଚୌହ୍ବାନ (ରାଜ୍ୟସଭା) ଅଛନ୍ତି। ୩ ି ଏମଏଲସିଙ୍କ ମଧ୍ୟରେ ଶଶିକାନ୍ତ ସିନ୍ଦେ, ବାବାଜାନି ଦୁରାନୀ, ଏକନାଥ ଖାଡସେ ଅଛନ୍ତି।
