ହାଙ୍ଗ୍ଝୋ ୨୮ା୧୦: ଏସିଆନ ପାରା ଗେମ୍ସର ଗୋଟିଏ ସଂସ୍କରଣରେ ଦୁଇ ସ୍ବର୍ଣ୍ଣ ଜିତିବାରେ ସ୍ବଳ୍ପ ବୟସ୍କା ତୀରନ୍ଦାଜ ଶିତଲ ଦେବୀ ହେଉଛନ୍ତି ପ୍ରଥମ ଭାରତୀୟ। ଶୁକ୍ରବାର ସେ ମହିଳା ବ୍ୟକ୍ତିଗତ କମ୍ପାଉଣ୍ଡରେରେ ସ୍ପର୍ଣ୍ଣ ଜିତିଥିବା ବେଳେ ଗୁରୁବାର ସେ କମ୍ପାଉଣ୍ଡ ମିକ୍ସଡ ଟିମ୍ ଇଭେଣ୍ଟରେ ସ୍ବର୍ଣ୍ଣ ପଦକ ପାଇଥିଲେ। ଚାମ୍ପିୟନଶିପ୍ ଶେଷ ହେବାକୁ ଆଉ ଗୋଟିଏ ଦିନ ବାକି ରହିଥିବା ବେଳେ ଭାରତର ମୋଟ ପଦକ ସଂଖ୍ୟା ରେକର୍ଡ ୯୯ରେ ପହଞ୍ଚିଛି। କେବଳ ଶୁକ୍ରବାର ଭାରତ ୧୭ ପଦକ ଜିତିଛି। ତନ୍ମଧ୍ୟରେ ୭ ସ୍ବର୍ଣ୍ଣ ରହିଛି। ସବୁଠାରୁ ଅଧିକ ୮ ପଦକ ବ୍ୟାଡ୍ମିଣ୍ଟନରୁ ଆସିଛି। ଭାରତ ୨୫ ସ୍ବର୍ଣ୍ଣ, ୨୯ ରୌପ୍ୟ ଓ ୪୫ ବ୍ରୋଞ୍ଜ ପଦକ ପାଇଛି।
