ଅହମ୍ମଦାବାଦ,୨୦।୩: ଇଂଲଣ୍ଡ ବିପକ୍ଷ ଚତୁର୍ଥ ଟି୨୦ରେ ଉଲ୍ଲେଖନୀୟ ବୋଲିଂ କରି ଭାରତୀୟ ଦଳକୁ ଜିତାଇଥିଲେ ଶାର୍ଦ୍ଦୁଳ ଠାକୁର। ହେଲେ ମ୍ୟାଚ୍ରେ ଏଭଳି ଏକ ସମୟ ଥିଲା ଇଂଲଣ୍ଡ ଜିତିବା ଏକ ପ୍ରକାର ନିଶ୍ଚିତ ବୋଲି ଲାଗୁଥିଲା। ସେତେବେଳେ ଭାରତୀୟ ବୋଲର୍ମାନଙ୍କ ଉପରେ ଚାପ ରହିବା ସ୍ବାଭାବିକ। ଶେଷ ଓଭର ପକାଇବାକୁ ଆସିଥିବା ଶାର୍ଦ୍ଦୁଳ ମଧ୍ୟ ତାହା ଅନୁଭବ କରୁଥିଲେ। ମାତ୍ର ରୋହିତ ଶର୍ମାଙ୍କ ପଦିଏ କଥା ଶୁଣି ସେ ନିଜକୁ ଦୃଢ଼ କରିଥିଲେ। ମ୍ୟାଚ୍ ଶେଷ ହେବା ପରେ ଶାର୍ଦ୍ଦୁଳ କହିଛନ୍ତି, ମୁଁ ନିଜର ବୋଲିଂର ମଜା ଉଠାଉଥିଲି। ହାର୍ଦ୍ଦିକ ପାଣ୍ଡ୍ୟାଙ୍କ ନିଜର ଯୋଜନା ରହିଥିଲା। ହେଲେ ଚାପଗସ୍ତ ଲାଗିବା ସମୟରେ ନିଜ ମନ କଥା ଶୁଣି ବୋଲିଂ କରେ ବୋଲି କୋହଲି ନୁହନ୍ତି ବରଂ ରୋହିତ କହିଥିଲେ। ମଇଦାନରେ କାକର ପଡ଼ିଥିବାରୁ ବଲ୍ ଉପରେ ନିୟନ୍ତ୍ରଣ ରଖିବା କଠିନ ଥିଲା। ଗତ ତିନି ମ୍ୟାଚ୍ରେ ଏଭଳି ସ୍ଥିତି ନ ଥିଲା। ହେଲେ ଉକ୍ତ ମ୍ୟାଚ୍ରେ ଥିବା ଯୋଗୁ ଶେଷ ଓଭରରେ ବଲ୍ ସୁଇଂ ହେଉ ନ ଥିଲା। ହେଲେ ରୋହିତଙ୍କ କଥା ଶୁଣିବା ପରେ ସେ ଭଲ ବୋଲିଂ କରିବାକୁ ଚେଷ୍ଟା କରିଥିଲେ। ଶେଷରେ ପାଳିର ୧୬ ଓଭରରେ ଲଗାତାର ଦୁଇଟି ଉଇକେଟ ନେଇ ଭାରତକୁ ପ୍ରତ୍ୟାବର୍ତ୍ତନର ସୁଯୋଗ ଦେଇଥିଲେ ବୋଲି ସେ କହିଛନ୍ତି।
