ମୁମ୍ବାଇ, ୧୬ା୪- ଚେନ୍ନାଇ ସୁପର କିଙ୍ଗ୍ସ (ସିଏସ୍କେ) ବୋଲର ଓ ରବୀନ୍ଦ୍ର ଜାଡେଜାଙ୍କ ଫିଲ୍ଡିଂ ଯୋଗୁ ଧରାଶାୟୀ ହୋଇପଡ଼ିଲା ପଞ୍ଜାବ କିଙ୍ଗ୍ସ। ଶାହାରୁଖ ଖାନଙ୍କୁ ଛାଡ଼ି ଦେଲେ ଫେଲ୍ ମାରିଲେ ସମସ୍ତ ବ୍ୟାଟ୍ସମ୍ୟାନ। ମୟଙ୍କ ଅଗ୍ରଓ୍ବାଲ ଓ ନିକୋଲାସ ପୁରନ ଖାତା ଖୋଲି ପାରି ନ ଥିବାବେଳେ ଲୋକେଶ ରାହୁଲ (୫), କ୍ରିସ ଗେଲ୍ (୧୦), ଦୀପକ ହୁଡା (୧୦) ଦଳୀୟ ସ୍କୋରରେ ଅଧିକ ଯୋଗଦାନ ଦେଇ ପାରି ନ ଥିଲେ। କିନ୍ତୁ ଯୁବ ବ୍ୟାଟ୍ସମ୍ୟାନ ଶାହାରୁଖ ଖେଳିଥିଲେ ୪୭ (୪ ଚୌକା ଓ ୨ ଛକା) ରନ୍ର ଦର୍ଶନୀୟ ପାଳି। ଦୁର୍ଭାଗ୍ୟବଶତଃ ପୂରଣ କରିପାରି ନ ଥିଲେ ଅର୍ଦ୍ଧଶତକ। ଫଳରେ ପଞ୍ଜାବ ପୂରା ୨୦ ଓଭରରେ ୮ ଉଇକେଟ ହରାଇ ମାତ୍ର ୧୦୬ ରନ୍ କରିବାକୁ ସକ୍ଷମ ହୋଇଥିଲା।
କିଙ୍ଗ୍ସ ପଞ୍ଜାବ ପାଇଁ ସବୁଠୁ ଘାତକ ସାଜିଥିଲେ ଦୀପକ ଚହର ଓ ଜାଡେଜାଙ୍କ ଫିଲ୍ଡିଂ। ସେ ୪ ଉଇକେଟ ନେଇଥିବାବେଳେ ମୋଇନ ଅଲି, ଡ୍ବେନ ବ୍ରାଭୋ ଓ ସାମ କୁରାନ ଗୋଟିଏ ଲେଖାଏ ଉଇକେଟ ନେଇଥିଲେ।
