ମୁମ୍ବାଇ: ବଲିଉଡ ନାୟକ ଶାହାରୁଖ ଖାଁ ଜଣେ ଆଗଧାଡିର ଅଭିନେତା ହୋଇଥିବା ବେଳେ ଅଭିନୟରେ ସମସ୍ତଙ୍କ ହୃଦୟ ଜିତିଛନ୍ତି । ଇଣ୍ଡଷ୍ଟ୍ରିର ଧନି କଳାକାରଙ୍କ ମଧ୍ୟରେ ଜଣେ ହେଉଛନ୍ତି ଶାହାରୁଖ । ଅଭିନେତାଙ୍କର ବଡ ବଡ ସୌକ ବି ରହିଛି । ଶାହାରୁଖଙ୍କ ରୋଜଗାରର ମାଧ୍ୟମ କେବଳ ଫିଲ୍ମ ନୁହେଁ ବିଜ୍ଞାପନ ଓ ବ୍ୟବସାୟରୁ ଭଲ ରୋଜଗାର କରନ୍ତି ଶାହାରୁଖ । ନିକଟରେ ଏକ ଇଭେଣ୍ଟରେ ଯୋଗ ଦେଇ ତାଙ୍କ ଆଲିସାନ ବଙ୍ଗଳା ମନ୍ନତକୁ ନେଇ କିଛି କଥା ମନଖୋଲି କଥା ହୋଇଥିଲେ । ଶାହାରୁଖ କହିଥିଲେ ମନ୍ନତରେ ଲାଗିଛି ୧୦-୧୨ଟି ଟେଲିଭିଜନ ସେଟ୍ । ଏମିତିକି ସବୁ ପିଲାମାନଙ୍କ ରୁମରେ ଅଲଗା ଅଲଗା ଟିଭି ଲାଗିଛି । ସୁହାନା, ଆର୍ଯ୍ୟନ ଓ ଅବରାମଙ୍କ ରୁମରେ ବି ଅଲଗା ଟିଭି ସେଟ୍ ଲାଗିଛି । ତେବେ ପ୍ରତିଟି ଟେଲଭିଜନର ଦାମ ଦେଢ ଲକ୍ଷରୁ ଅଧିକ ଟଙ୍କା । ଏମିତି ହିସାବ କଲେ ପାଖାପାଖି ୩୦-୪୦ ଲକ୍ଷ ଟଙ୍କାର ଟେଲିଭିଜନ ସେଟ୍ ରହିଛି ଶାହାରୁଖଙ୍କ ଘରେ । ଏତେ ଦାମୀ ଟେଲିଭିଜନର ଦାମ ହିସାବ କଲେ ହୁଏତ ଜଣେ ମିଡିଲ କ୍ଲାସ ଫ୍ୟାମିଲି ଏକ ଫ୍ଲାଟ କିଣିପାରିବେ ବୋଲି କୁହାଯାଏ । ଏବେ ଶାହାରୁଖଙ୍କ ଏହି ବୟାନ ଖୁବ୍ ଚର୍ଚ୍ଚାରେ । ଏହାକୁ ନେଇ ୟୁଜର୍ସ ଭିନ୍ନ ଭିନ୍ନ କମେଣ୍ଟ ବି କରୁଛନ୍ତି । ଜଣେ ୟୁଜର୍ସ କହିଛନ୍ତି ଶାହାରୁଖଙ୍କ କଥା ଶୁଣିବା ପରେ ମୁଁ ନିଜକୁ ଖୁବ୍ ଗରିବ ବୋଲି ଅନୁଭବ କରୁଛି । ଅନ୍ୟ ଜଣେ ୟୁଜର୍ସ କହିଛନ୍ତି ଶାହାରୁଖଙ୍କ ଘର ମାନେ ଏତେ ଦାମର ଟେଲିଭିଜନ ଲାଗିବା କଥା ।
