୨୦୧୦ରେ ଭାରତ, ଶ୍ରୀଲଙ୍କା ଏବଂ ନ୍ୟୁଜିଲାଣ୍ଡ ମଧ୍ୟରେ ଟ୍ରାଇ ସିରିଜ ଅନୁଷ୍ଠିତ ହୋଇଥିଲା। ଏହି ସିରିଜର ତୃତୀୟ ଦିନିକିଆ ଦାମ୍ବୁଲାରେ ଭାରତ ଏବଂ ଶ୍ରୀଲଙ୍କା ମଧ୍ୟରେ ହୋଇଥିଲା। ପ୍ରଥମେ ବ୍ୟାଟିଂ କରି ଶ୍ରୀଲଙ୍କା ୪୬.୧ ଓଭରରେ ମାତ୍ର ୧୭୦ ରନ ସଂଗ୍ରହ କରିଥିଲା। ଏହାର ଜବାବରେ ଭାରତ ୩୪ ଓଭରରେ ୪ ଉଇକେଟ୍ ହରାଇ ୧୬୬ ରନ ସଂଗ୍ରହ କରିଥିଲା। ଜିତିବା ପାଇଁ ଭାରତକୁ ଆଉ ପାଞ୍ଚ ରନ ଆବଶ୍ୟକ ଥିଲା। ୩୫ ତମ ଓଭର ସ୍ପିନର ସୁରଜ ରଣଦୀପ ବଲ୍ ଫିଙ୍ଗିବାକୁ ଆସିଥିଲେ। ସେହ୍ବାଗଙ୍କୁ ତାଙ୍କର ପ୍ରଥମ ବଲରେ ଚୌକା ମାରିଥିଲେ। ସ୍କୋର ସମାନ ସ୍ତରକୁ ଆସିଥିଲା ଏବଂ ଏବେ ଜିତିବା ପାଇଁ ଭାରତକୁ ଆଉ ଗୋଟିଏ ରନ ଆବଶ୍ୟକ ଥିଲା। ସେହ୍ବାଗ ୯୯ରେ ଖେଳୁଥିଲେ। ରଣଦୀପଙ୍କ ଓଭରର ପରବର୍ତ୍ତୀ ଦୁଇଟି ବଲରେ ସେହ୍ବାଗ ରନ ସ୍କୋର କରିପାରି ନଥିଲେ। କିନ୍ତୁ ଚତୁର୍ଥ ବଲରେ ସେହ୍ବାଗ କ୍ରିଜକୁ ଅତିକ୍ରମ କରି ଏକ ଶକ୍ତିଶାଳୀ ୍ଛକା ମାରିଥିଲେ। ସେ ବିଜୟ ଏବଂ ଶତକ ସେ ବିଜୟ ଏବଂ ଶତକ ଉତ୍ସବ ପାଳନ କରିବା ଆରମ୍ଭ କଲେ। କିନ୍ତୁ ତା’ପରେ ଅମ୍ପାୟାର ବଲକୁ ନୋ-ବଲ ଘୋଷଣା କରିଥିଲେ। ଏହି ମ୍ୟାଚରେ ଭାରତ ଜିତିଥିଲା। କିନ୍ତୁ ନୋ-ବଲ ହେତୁ ସେହ୍ବାଗଙ୍କ ଆକାଉଣ୍ଟରେ କୌଣସି ରନ ଯୋଡି ହୋଇ ନ ଥିଲା ଏବଂ ସେ ଏକ ଶତକରୁ ବଞ୍ଚିତ ହୋଇଥିଲେ। ତାଙ୍କୁ ୯୯ ରନରେ ଅପରାଜିତ ଫେରିବାକୁ ପଡିଲା। ଯେତେବେଳେ ଟିଭି ପରଦାରେ ରିପ୍ଲେ ଦେଖାଗଲା, ରଣଦୀପଙ୍କ ଆଗ ଗୋଡ କ୍ରିଜଠାରୁ ବହୁତ ଦୂରରେ ଥିଲା। ସେହ୍ବାଗଙ୍କୁ ବୁଝିବାକୁ ଅଧିକ ସମୟ ଲାଗିଲା ନାହିଁ ଯେ ରଣଦୀପ ଏକ ଶତକ ସ୍କୋର ନକରିବା ପାଇଁ ଜାଣିଶୁଣି ନୋ-ବଲ ବୋଲିଂ କରିଥିଲେ। ମ୍ୟାଚ ପରେ ସେହ୍ବାଗ ଏହି କାର୍ଯ୍ୟ ପାଇଁ ରଣଦୀପଙ୍କୁ ତାଗିଦ କରିଥିଲେ।
