ଦାରିଙ୍ଗବାଡି,୭।୨(ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡି ବ୍ଲକ ସିମନବାଡି ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ ପରିସର ମଧ୍ୟରେ ଗତ ୩ ଦିନ ଧରି ଚାଲିଥିବା ୨୨ତମ ଜିଲାସ୍ତରୀୟ ଭାରତ ସ୍କାଉଟସ ଓ ଗାଇଡ଼ସ କ୍ୟାମ୍ପରୀ ଉଦଯାପିତ ଉତ୍ସବ ପାଳିତ ହୋଇଯାଇଛି। ଏହି ଉତ୍ସବରେ କନ୍ଧମାଳ ଶିକ୍ଷା ଜିଲା ଅଧିକାରୀ ତଥା ଭାରତ ସ୍କାଉଟସ ଓ ଗାଇଡ଼ସର ଜିଲା ଅଧ୍ୟକ୍ଷ ରାଜେଶ କୁମାର ସ୍ବାଇଁଙ୍କ ଅଧ୍ୟକ୍ଷତାରେ ଫୁଲବାଣୀ ଆଇଟିଡିଏର ପ୍ରକଳ୍ପ ପ୍ରଶାସକ ତଥା ଜିଲା ସୂଚନା ଓ ଲୋକ ସମ୍ପର୍କ ଅଧିକାରୀ ଗଦାଧର ପାତ୍ର ମୁଖ୍ୟ ଅତିଥିଭାବେ ଯୋଗ ଦେଇଥିଲେ। ଅନ୍ୟତମ ଅତିଥିଙ୍କ ମଧ୍ୟରେ ଭାରତ ସ୍କାଉଟସ ଓ ଗାଇଡ଼ସର ଜିଲା ସମ୍ପାଦକ ସଞ୍ଜୟ କୁମାର ପାତ୍ର, ସହ ସମ୍ପାଦକ ରାଙ୍କନିଧି ବେହେରା, ଅଗ୍ନିଶମ ଅଧିକାରୀ ଧବଳେଶ୍ୱର ପ୍ରଧାନ, ଏବିଇଓ ଗୋକୁଳାନନ୍ଦ ମଲିକ, ବନମାଳୀ ମାଝୀ, କୌଶିକ ନାୟକ, ସିମନବାଡି ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଶିଶିର କୁମାର ପଟ୍ଟନାୟକ ପ୍ରମୁଖ ମଞ୍ଚାସୀନ ରହିଥିଲେ।
ଏହି ୩ ଦିନ ଧରି ୪ ଶହରୁ ଉର୍ଦ୍ଧ୍ୱ ସ୍କାଉଟ ଓ ଗାଇଡ଼ର ଛାତ୍ରୀଛାତ୍ର, ସ୍କାଉଟ ମାଷ୍ଟର ଏବଂ ଗାଇଡ଼ କ୍ୟାପଟନ ଯୋଗଦେଇଥିଲେ। ସେମାନଙ୍କ ମଧ୍ୟରେ ବିଭିନ୍ନ ଇଭେଣ୍ଟରେ ଭଲ ପ୍ରଦର୍ଶନ କରିଥିବା ଛାତ୍ରୀଛାତ୍ରଙ୍କୁ ଟ୍ରଫି, ମାନପତ୍ର ପ୍ରଦାନ କରାଯାଇଥିଲା। ଛାତ୍ରୀଛାତ୍ରଙ୍କ ଦ୍ୱାରା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏଥିରେ ପାରାମ୍ପରିକ ଲୋକ କଳା ପ୍ରଦର୍ଶନ ହୋଇଥିଲା। ଏଥିରେ କନ୍ଧମାଳର ଦଣ୍ଡ ଚରିତ୍ରରେ ଛାତ୍ରୀଛାତ୍ରମାନେ ନୃତ୍ୟ କରି ମଞ୍ଚ ଦୁଲୁକାଇଥିଲେ।
କାର୍ଯ୍ୟକ୍ରମକୁ ବିଦ୍ୟାଳୟର ଖେଳ ଶିକ୍ଷକ ସାମନ୍ତ ପ୍ରଧାନ, ଶ୍ରାନିକେତା ଉଚ୍ଚ ବିଦ୍ୟାଳୟର ରାମକୃଷ୍ଣ ଦାସ, ଦିନବନ୍ଧୁ ସାହୁ, ବନ୍ଧଗଡର ପ୍ରଦୀପ ସାହୁଙ୍କ ସମେତ ବିଭିନ୍ନ ବିଦ୍ୟାଳୟରୁ ଆସିଥିବା ଖେଳ ଶିକ୍ଷକ ଗାଇଡ କରିବା ସହ ସହଯୋଗ କରିଥିଲେ। ଫୁଲବାଣୀ ଏଜେଓ ହାଇସ୍କୁଲର ଖେଳ ଶିକ୍ଷକ ତଥା ସ୍କାଉଟ ଓ ଗାଇଡ଼ର ଡିସି ଓ ରାକେଶ ବିଶୋଇ ମଞ୍ଚ ପରିଚାଳନା କରିଥିଲେ।
Dharitri – Odisha’s No.1 Odia Daily
