ପ୍ରତିଶୋଧ ପରାୟଣ ହୋଇ ଲୋକେ କିଛି ଏପରି କିଛି କରି ବସନ୍ତି ଯାହାଦ୍ୱାରା ଆଉ କାହାକୁ ହଇରାଣ ହେବା ସହ ନିଜେ ମଧ୍ୟ ଅସୁବିଧାର ସମ୍ମୁଖୀନ ହୋଇଥାନ୍ତି। ନିକଟରେ ଏପରି ଏକ ଘଟଣା ଘଟିଛି। ଗୋଟିଏ ଛୋଟ ଝିଅ ସ୍କୁଲକୁ ନେଉଥିବା ଟିଫିନ୍ ସବୁବେଳେ ଚୋରି ହୋଇଯାଉଥିଲା। ମାଆ ସକାଳୁ ସକାଳୁ ପ୍ରସ୍ତୁତ କରି ଦେଉଥିବା ଟିଫିନ୍କୁ ଖାଇ ନ ପାରି ଝିଅ ପ୍ରତିଦିନ ଖାଲି ପେଟରେ ରହୁଥିଲା। ଏନେଇ ମହିଳାଜଣକ ସବୁବେଳେ ବ୍ୟସ୍ତ ରହୁଥିଲେ। କିନ୍ତୁ ଟିଫିନ୍ ଚୋରକୁ ଦଣ୍ଡ ଦେବାପାଇଁ ମହିଳା ଜଣକ କିଛି ଏପରି କରି ବସିଲେ ଯାହା ଶୁଣି ଆପଣ ଆଶ୍ଚର୍ଯ୍ୟ ହୋଇଯିବେ। ଏହାପରେ ମହିଳା ସୋସିଆଲ ମିଡିଆରେ ଏହି କଥାକୁ ସ୍ବୀକାର ମଧ୍ୟ କରିଛନ୍ତି। ଯାହାକୁ ନେଇ ୟୁଜର୍ସ ତାଙ୍କୁ ଟ୍ରୋଲ କରିବାରେ ଲାଗିପଡିଛନ୍ତି।
ମହିଳାଜଣକ ପୋଷ୍ଟରେ କହିଛନ୍ତି, ଝିଅର ଟିଫିନ୍ ଚୋରି ହେବା ନେଇ ମୁଁ ସବୁବେଳେ ଚିନ୍ତିତ ଥିଲି। ଏନେଇ ସ୍କୁଲ ହେଡସାର୍ଙ୍କୁ ଜଣାଇଲେ ମଧ୍ୟ ଶିକ୍ଷକ କୌଣସି କାର୍ଯ୍ୟାନୁଷ୍ଠାନ ନେଉ ନ ଥିଲେ। ତେଣୁ ଚୋରକୁ ଧରିବା ପାଇଁ ମୁଁ ଝିଅର ଟିଫିନରେ ପୁର୍ଗେଟିଭ କର୍ଟୋନ ମିଶାଇବାରେ ଲାଗିଲି। ଏଥିସହ ଝିଅକୁ କ୍ୟାଣ୍ଟିନରେ ଖାଇଦେବା ପାଇଁ ଟଙ୍କା ଦେଉଥିଲି। କ୍ଲାସରେ ବାରମ୍ବାର କିଏ ଟଏଲେଟ ଯାଉଛି ସେ ନେଇ ଦୃଷ୍ଟି ରଖିବାକୁ ଝିଅକୁ ନିର୍ଦ୍ଦେଶ ଦେଇଥିଲି।
କିଛିଦିନ ପରେ ଚୋର ଧରା ପଡିଥିଲା। କ୍ଲାସର ବିଲେ ନାମକ ପୁଅ, ଝିଅଟିର ଟିଫିନ ଖାଇ ବାରବାର ଟଏଲଟ ଯାଉଥିଲା। ଜଣାପଡିବା ପରେ ସ୍କୁଲରେ ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। ବିଲେ ତାଙ୍କ ମାଆକୁ ଏନେଇ ଅଭିଯୋଗ କରିଛନ୍ତି ଯେ, ଝିଅଟି ଜାଣିଶୁଣି ବିଲେକୁ କୋଷ୍ଠକାଠିନ୍ୟ ହେଉଥିବା ଖାଦ୍ୟ ଦେଉଥିଲେ। ଏବେ ଝିଅଟିକୁ ସ୍କୁଲରୁ ବାହାର କରିବା ନେଇ ବିବାଦ ଦେଖାଯାଇଛି। ମହିଳାଜଣକ ଏହିକଥା ସୋସିଆଲ ମିଡିଆରେ ପୋଷ୍ଟ କରିବା ପରେ ବହୁ ୟୁଜର୍ସ ତାଙ୍କୁ ଟ୍ରୋଲ କରିଛନ୍ତି।
